باش بەت

durdana

1644يوللانما
102مەستانە

2018-يىلى تۇغۇلغانلار كەلگۈسىدە باشتىن كەچۈرەلمەيدىغان 10 ئىش

مەنبە:بۈگۈنكى مۇھىم خەۋەر يوللانغان ۋاقىت:2018-01-14 18:00 1 ئىنكاس چۈشتى

بۈگۈنكى مۇھىم خەۋەر تورى، نۇر تورى تەرجىمىسى:

ئۆتكەنكى نەچچە ئون يىلدا نۇرغۇن ئىشلاردا زور ئۆزگىرىش بولدى، تېخنىكىنىڭ تەرەققىياتىغا ئەگىشىپ بىزنىڭ باشتىن كەچۈرگەن كەچۈرمىشلىرىمىز كېيىنكى ئەۋلاد كىشىلەر بىلەن تامامەن ئوخشىماسلىقى مۇمكىن. «غەلىتە شەيئى» (怪奇物语) ناملىق تىياتىردىكى ئالاھىدە بالىلار ئىشلەتكەن يانفونغا قاراپ، ھازىر 30 نەچچە ياشقا كىرگەنلەر يانفون بارلىققا كېلىشتىن بۇرۇنقى ئۆزىنىڭ بالىلىق دەۋرىنى ئەسكە ئېلىشى مۇمكىن. لېكىن 2018-يىلى تۇغۇلغان بالىلار مۇقىم تېلېفون ئىشلەتسە قانداق بولىدىغىنىنى مەڭگۈ ھېس قىلالمايدۇ. ھازىر تۇغۇلغان بالىلار كىچىك ئېكرانلىق تېلېۋوزوردا كىنو كۆرۈشنىڭ قانداق بولىدىغىنىنى مەڭگۈ بىلمەيدۇ.

ھازىر تېخنىكا تەرەققىياتى تارىختىكى ھەر قانداق بىر ۋاقتتىن تېز بولماقتا، ئۇنداقتا بۈگۈنكى كۈندە تۇغۇلغان بالىلار كىتابتا ياكى كومپىيۇتېر ئېكرانىدا زادى نېمىلەرنى ئوقۇيالىشى مۇمكىن؟ تۆۋەندە بىز 2018-يىلى تۇغۇلغان بالىلار مەڭگۈ بېشىدىن كەچۈرمەيدىغان 10 چوڭ كەچۈرمىشنى تىزىپ چىقىمىز.

1. زېرىكىشلىك، مەنىسىز ئۇزۇن سەپەر

ئۇزۇن سەپەردە كۆچمە ئۈسكۈنىلەر ۋە كۆڭۈل ئېچىش سىستېمىلىرى ئادەمنى مەشغۇل قىلىپ تۇرالايدۇ. 2003-يىلى ئاۋاز سۈرئەتلىك كونكورت ئايروپىلانى (协和式飞机) سەپتىن چېكىنگەندىن كېيىن ئىنسانىيەت رېئاكتىپ ئايروپىلان (喷气式飞机)نىڭ ئۇچۇش سۈرئىتىنىمۇ بەك تېزلىتىپ بولالمىدى. ئاز ئۇچرايدىغان ئوق باشلىق تېز سۈرئەتلىك پويىزدىن باشقا، بىزنىڭ يەر يۈزىدە قىلىدىغان سەپەر سۈرئىتىمىز يەنىلا چەكلىك. يەنە كېلىپ يېقىنقى قاتناش تېخنىكىسىنىڭ تەرەققىياتى بەلكىم بىزنىڭ سەپەر سۈرئىتىمىزنى تېخىمۇ تېزلىتىشى مۇمكىن. بۇ بۈگۈنكى كۈندىكى بالىلارنىڭ مەڭگۈ دەم ئالماي ئۇچىدىغان ئاۋىياتسىيە سەپىرى ۋە تاشيول سەپىرىنىڭ ئازابىنى مەڭگۈ بىلمەيدىغانلىقىدىن دېرەك بېرىدۇ.

ئاۋاز سۈرئەتلىك ئايروپىلان ھازىر 3.5 سائەتتە يولۇچىنى ئېلىپ ئاتلانتىك ئوكياندىن كېسىپ ئۆتەلەيدۇ. گەرچە يەنە بىر قىسىم ئاز سانلىق يولۇچىلار تېخىمۇ تېز سۈرئەتتە ساياھەت قىلىش مەقسىتىگە يېتەلىسىمۇ، لېكىن تەننەرخنىڭ چەكلىكلىكى سەۋەبلىك ئۇلار ھازىرچە ئاساسىي ئېقىم بولالمايدۇ. ئەمما «دەرىجىدىن تاشقىرى يۇقىرى سۈرئەتلىك تۆمۈر يول» تېخنىكىسى بۇ ئىشنىڭ ئەمەلگە ئاشىدىغانلىقىنى ئىسپاتلاپ، يولۇچىلارنى تېخىمۇ تېز سۈرئەتتە مەنزىلگە يەتكۈزەلەيدىغان بولدى. بۇ دەرىجىدىن تاشقىرى قاتناش سېستىمىسى ئاللىقاچان سائىتىگە 387 كىلومېتىرلىق يول يۈرەلەيدىغان سەۋىيىگە يەتتى. ئەگەر پىلاندىكى لىنىيەنى ئۆزگەرتىپ ياساش مۇۋەپپىقىيەتلىك بولۇپ قالسا، مۇھىم شەھەرلەر ئوتتۇرىسىدىكى بىر قىسىم يول بۆلەكلىرى قىسقىراپ ۋاقت تېخىمۇ تېجىلىشى مۇمكىن. مەسىلەن:نيۇيوركتىن ۋاشىنگىتونغا بارغۇچە پەقەتلا 30 مىنۇت كېتىشى مۇمكىن، ھازىر بولسا 5 سائەت كېتىدۇ.

2. شوپۇرلۇق كىنىشكىسىنى ئىمتىھان بېرىپ ئېلىش

شوپۇرلۇق كىنىشكىسى ئېلىش ھازىرقى ياشلارغا نىسبەتەن قورامىغا يەتكەنلىكنىڭ ئىسپاتىغا، بالىلىقنىڭ ئاياغلاشقانلىقىغا ۋەكىللىك قىلىدىغان بولۇپ قالدى. ئەمما بۇ يىل تۇغۇلغان بالىلار 16 ياشقا كىرگەندە شوپۇرسىز ئاپتوموبىل شوپۇرغا بولغان ئېھتىياجنى ئاللىقاچان يوقىتىۋېتىشى مۇمكىن. ئامېرىكا كېسەللىكلەرنى كونترول قىلىش مەركىزى ئېلان قىلغان سانلىق مەلۇماتتا كۆرسىتىلىشىچە، 2015-يىلى 16 ياشتىن 19 ياشقىچە بولغان ياشلار ئارىسىدا ئوتتۇرا ھېساب بىلەن كۈنىگە ئالتە ئادەم ماشىنا ھادىسىسى سەۋەبلىك ئۆلۈپ كەتكەن. ھادىسىنىڭ يۈز بېرىش سەۋەبىنىڭ كۆپىنچىسى سەۋەنلىكتىن ئىكەن، شۇڭا بۇنداق پاجىئەلەرنى تۆۋەن چەككە چۈشۈرۈش ئۈچۈن شوپۇرسىز ئاپتوموبىل نۇرغۇن ئادەمنىڭ ھاياتىنى ساقلاپ قالالايدۇ. تېسلا توكلۇق ئاپتوموبىل شىركىتىنىڭ باش ئىجرائىيە ئەمەلدارى ئېلون ماسك يېرىم ئاپتوماتلاشقان ئاپتوموبىل ئىشلەپچىقىرىش شىركىتىنىڭ كەلگۈسى ئىككى يىلدا تېخىمۇ كۆپ تولۇق ئاپتوماتلاشقان ئاپتوموبىل ئىشلەپچىقىرالايدىغىنىغا ئىشىنىدۇ. يەنە كېلىپ بىر قانچە كىرا ئاپتوموبىلى چاقىرىش مۇلازىمەت شىركىتى شوپۇرسىز ئاپتوموبىلنى سىناق قىلىشنى باشلاپ بولدى.

3. بىيولوگىيەنىڭ ئەقلىي ئىقتىدارنى مونوپول قىلىشى

شوپۇرسىز ئاپتوموبىل پەقەت سۈنئىي ئىدراك (AI) تېخنىكىسىنىڭ تەرەققىياتىنىڭ بىر مىسالى خالاس. بۈگۈنكى كۈندە ئاللىقاچان ئالاھىدە بېكىتىلگەن ۋەزىپىنى ئىجرا قىلالايدىغان، مۇتەخەسسىسلەرنى بېسىپ چۈشىدىغان سۈنئىي ئىدراك مەيدانغا كېلىپ بولدى، مەسىلەن: شاھمات ئوينىيالايدىغان، تۈرگە ئايرىپ يىغىۋالالايدىغان ماشىنا ئادەم دېگەندەك. يەنە كېلىپ مۇتەخەسسىسلەرنىڭ پەرىزىچە، ئىنسانىيەتنىڭ ئەقىل پاراسىتى بىلەن رەسمىي رىقابەتلىشىدىغان سۈنئىي ئىدراك سېستىمىسىنىڭ مەيدانغا كېلىشىگە بەلكىم يەنە نەچچە ئون يىل كېتىدىكەن. Hanson Robotics شىركىتى تەتقىق قىلىپ چىقارغان سوفىيە ناملىق ئالىي دەرىجىلىك ماشىنا ئادەم ئادەم بىلەن ماشىنا ئوتتۇرىسىدىكى پاسىلنى بۇزۇپ تاشلىدى. كەلگۈسى نەچچە ئون يىلدا ئۇلار بەلكىم نۇرغۇن پاسىللارنى بۇزۇپ تاشلىشى مۇمكىن. 2018-يىلى تۇغۇلغان بالىلار ھەربىيلىككە بېرىش ياكى ئالىي مەكتەپكە بېرىش تۇيغۇسىنىمۇ مەڭگۈ بىلەلمەسلىكى مۇمكىن، ئۇ ۋاقىتتا ئىنسانىيەت يەنىلا يەر شارىدىكى ئەڭ ئەقىللىق توپ بولۇپ قېلىۋېرىدۇ.

3. تىل توسالغۇسى

سۈنئىي ئىدراكنىڭ ئەڭ زور ئۈمىد كۈتۈلگەن بىر تەرىپى ئۇنىڭ ئالاقىدا ئىشلىتىلىشىدۇر. ئەڭ ئاخىرىدا تېخنىكا دۇنيادىكى بارلىق تىل توسالغۇسىنى يوقىتىدۇ. ئىجتىمائىي ئالاقە دېتاللىرىغا ئاللىقاچان تەرجىمە ئىقتىدارى قوشۇلدى، ھەر خىل تىلدا سۆزلىشىدىغانلار بىمالال پاراڭلىشالايدۇ، گۇگولمۇ تەرجىمە ئىقتىدارىن يېڭى تىڭشىغۇچىغا سىڭدۈرۈپ بولدى. ئۇنىڭدىن باشقا، بىر قىسىم شىركەتلەرمۇ بۇ تېخنىكىنى پۈتۈن كۈچى بىلەن مۇكەممەللەشتۈرۈشكە كۈچىمەكتە. مەسىلەن: Waverly Labsكە ئوخشاش، ئەڭ ئاخىرىدا «سامانيولى سېستىمىسىنى ساياھەت قىلىش قوللانمىسى» (银河系漫游指南) فىلىمىدىكى تاشقى پىلانېت جانلىقى ھەر خىل تىلنى ئۆز تىلىغا تەرجىمە قىلالايدىغان ئىقتىدار ھازىرلىغىنىدەك ئەھۋال يۈز بېرىدۇ. 2018-يىلى تۇغۇلغان بالىلار چوڭ بولغاندا ئۆزىنىڭ ھەر قانداق بىر ئادەم بىلەن پاراڭلىشالايدىغان دۇنيادا ياشاۋاتقانلىقىنى ھېس قىلىشى مۇمكىن، شۇڭا «چەتئەل تىلى» ئۇقۇمى پۈتۈنلەي ناتونۇش بولۇپ قېلىشى مۇمكىن.

5. ئىنسانىيەت كائىناتتىكى بىردىنبىر جانلىق تۈرى

ئىنسانىيەتنىڭ ئالاقە تېخنىكىسىنىڭ تەرەققىياتى بەلكىم دۇنيارىمىزغا غايەت زور ئۆزگىرىشلەرنى كەلتۈرۈشى مۇمكىن، لېكىن ئەڭ ئاخىرىدا يەنە تاشقى پىلانېت جانلىقلىرى بىلەن ئالاقە ئالماشتۇرۇشقىمۇ موھتاج. شۇنداق بولغانىكەن، بۇ يىل تۇغۇلغانلار ھازىرقى بىزگە نىسبەتەن دۇنيادا بولۇشى ئانچە مۇمكىن بولمىغان تاشقى پىلانېت جانلىقلىرىنىمۇ بايقىشى مۇمكىن، ئېلون ماسك ئاپتوماتىك تىرانسىپورتنىڭ كەلگۈسى ھەققىدە ئىزدەنگەچ، يەنە ئۆزىنىڭ ئالەم بوشلۇقى ئىزدىنىش تېخنىكا شىركىتى SpaceX ئارقىلىق ئىنسانىيەتنى مارسقا يەتكۈزۈش تېخنىكىسىنىمۇ تەرەققىي قىلدۇرۋاتىدۇ. ئۇنىڭ قارىشىچە، 2024-يىلىغا بارغاندا ئالەم ئۇچقۇچىلىرىنى مارسقا يەتكۈزگىلى بولىدىكەن، شۇڭا بۈگۈنكى كۈندە تۇغۇلغان بالىلارنىڭ بەلكىم ئىنسانلار قاچاندىن بېرى كائىنات بىلەن تۇتاشقان دېگەندەك تارىخى ئەسلىمىلەرنى ۋاراقلاشقىمۇ چولىسى تەگمەسلىكى مۇمكىن.

6. جىمجىتلىق

مۇتەخەسسىسلەرنىڭ قارىشىچە، ئىنسانلارنى باشقا پىلانېتقا كۆچمەن بولۇپ چىقىپ كېتىشكە مەجبۇر قىلىدىغان مۇھىم ئامىللارنىڭ بىرى نوپۇسنىڭ زىيادە كۆپىيىپ كېتىشى ئىكەن. ئون نەچچە يىلدىن بۇيان شەھەرنىڭ كېڭىيىشى ئىزچىل يەر شارىدىكى زور مەسىلىگە ئايلىنىپ، ئورمانلارنىڭ كېسىلىشى، دېھقانچىلىق بوشلۇقىنىڭ يوقاپ كېتىشىنى كەلتۈرۈپ چىقاردى. شەھەرلىشىشنىڭ داۋام قىلىشى بىلەن يەنە بىر مۇنازىرىلىك مەسىلە شاۋقۇندىن بۇلغىنىشنىڭ كۆپىيىشى بولۇپ قالدى. مۇتەخەسسىسلەرنىڭ ئەنسىرەيدىغىنى شاۋقۇن-سۈرەن تېزلا كېيىنكى غايەت زور ئاممىۋى سەھىيە كىرزىسىگە ئايلىنىپ قالىدىكەن. بىرلەشكەن دۆلەتلەر تەشكىلاتى يىغقان سانلىق مەلۇماتلاردا كۆرسىتىلىشىچە، 2100-يىلىغا بارغاندا يەر شارىدا 10 مىليارد 800 مىلىيون نوپۇس ئىچىدە %84 ئادەم شەھەردە تۇرمۇش كەچۈرىدىغان بولۇپ، ئەتراپىنى ھەر خىل ئاۋازلار ئوراپ تۇرىدىكەن. شاۋقۇندىن بۇلغىنىشتىن يىراق رايوندىكى كىشىلەر بارغانچە ئازلايدىكەن، بۇ ھازىر تۇغۇلىدىغان بالىلارنىڭ جىمجىتلىقنىڭ نېمىلىكىنى مەڭگۈ بىلمەيدىغانلىقىدىن دېرەك بېرىدۇ.

7. دۇنياۋى قەھەتچىلىك

شەھەرلىشىش بەلكىم ئەنئەنىۋى يېزا ئىگىلىك ئىشلىتىدىغان ئورۇننى چەكلىمىلىك قىلىپ قويۇشى مۇمكىن، لېكىن يېزا ئىگىلىك ساھەسىدىكى يېڭىلىق يارىتىش ئاشلىق قىس بولۇش مەسىلىسىنى مەڭگۈلۈك تارىخقا ئايلاندۇرۋېتىشى مۇمكىن. شەھەر يېزا ئىگىلىكى ھازىر ئۇچقاندەك تەرەققىي قىلىۋاتقان بىر ساھە. ئۇ ئىلگىرى يېمەكلىك قەھەتچىلىكى بولغان بازارلارنى يېڭىچە دېھقانچىلىق مەھسۇلاتلىرى بىلەن تەمىنلىدى. شۇڭا شەھەر رايونىدا يېمەكلىك قەھەتچىلىك بولۇش ئېھتىماللىقى تۆۋەن چەككە چۈشىدۇ. شۇنىڭ بىلەن بىر ۋاقتتا ھازىر نۇرغۇن شىركەتلەر يېڭىلىق يارىتىش ئۇسۇلى بىلەن يېمەكلىكلەرنىڭ ئىسراپ بولۇپ كېتىشىنى ئازايتماقچى، مەسىلەن:يېمەكلىك ئۇۋاقلىرىدىن ياسالغان كەمپۈت، قەھۋە ئۇۋۇندىلىرىدىن گۈمبەمەدك تېرىش دېگەندەك. ئەگەر بۇ يېڭىلىقلار داۋاملاشسا 2018-يىلى تۇغۇلغان بالىلار مۇشۇنداق دۇنيادا چوڭ بولسا، ئۇلار يەر شارىدىكى ھەر بىر ئادەم ئۆزىگە ئېھتىياجلىق يېمەكلىككە ئېرىشەلەيدىكەن، خۇشال، ساغلام تۇرمۇش كەچۈرىدىكەن، دەپلا ئويلايدۇ.

8. قەغەز پۇل

ئىناۋەت كارتىسىنىڭ بارلىققا كېلىشى نەق پۇلنىڭ ئىشلىتىشىگە چوڭ بىر زەربە بولدى، PayPal، Venmo ،Apple Payلار ۋە باشقا شۇنىڭغا ئوخشاش پۇل تۆلەش ئۇسۇللىرى ئۇنىڭدىنمۇ چوڭراق زەربە بەردى. 2018-يىلى تۇغۇلغان بالىلارنىڭ يېشى خېلى چوڭىيىپ مائاش ئالغۇدەك بولغاندا ئۇلار تېخىمۇ كۆپ ۋاستىلارنى ئىشلىتىشى مۇمكىن، نەق پۇل ئاللىقاچان كېرەكسىز نەرسىگە ئايلىنىپ قېلىشى مۇمكىن. قەغەز پۇلنى كېرەكسىز نەرسىگە ئايلاندۇرۇش رىقابىتىدە شىفىرلىق پۇل ھەممىنى ئىگىلەيدۇ. بۆلەك زەنجىر تېخنىكىسى (بۆلەك زەنجىر تېخنىكىسى پار ماشىنىسى، ئېلىكتىر كۈچى، ئىنتىرنېتتىن كىيىنكى بىر ئەۋلاد زىل-زىلە خاراكتىرىلىك يادرولۇق تېخنىكا دەپ قارالماقتا. پار ماشىنىسى كىشىلەرنى ئادەم كۈچىدە ئىشلەپچىقىرىشتىن ئازاد قىلدى، ئېلېكتىر كۈچى كىشىلەرنىڭ ئاساسىي تۇرمۇش ئېھتىياجىنى ھەل قىلدى، ئىنتېرنېت ئۇچۇرنىڭ يەتكۈزۈلۈش ئۇسۇلىنى تامامەن ئۆزگەرتتى، ئۇنداقتا بۆلەك زەنجىر ئىشەنچلىك ماشىنا بەرپا قىلىپ، ئىنسانىيەت جەمئىيىتىدىكى قىممەتنىڭ يەتكۈزۈلۈش ئۇسۇلىنى ئۆزگەرتىدۇ.-ت) پۇل مۇئامىلە ئالاقىسىگە نۇرغۇن زۆرۈر كاپالەتلەرنى ئاتا قىلىدۇ، گەرچە ھازىر شىفىرلاشقان بازار مۇقىم بولمىسىمۇ، لېكىن مۇتەخەسسىسلەر پۇل مۇئامىلە ساھەسىدىكى شىفىرلىق پۇلغا ئىنتايىن ئۈمىدۋار پوزىتسىيىدە.

9. رەقەمنىڭ تەھدىتى

بۈگۈنكى كۈندە رەقەم بىخەتەرلىكى ئىنتايىن مۇھىم بىر مەسىلىگە ئايلاندى. خاككېرلارنىڭ ھۇجۇمى خەلقئارالىق قاتلامدا يۈز بېرەتتى، ئىنتېرنېتنىڭ تەرەققىي قىلىشى بىلەن ھەتتا ئائىلە ئۈسكۈنىلىرىمۇ سەزگۈر شەخسىي ئۇچۇرلارنى ئاشكارىلاپ قويۇشى مۇمكىن. مۇتەخەسسىسلەر پۈتۈن ئەس-يادى بىلەن ھازىر بىخەتەر رەقەملەشتۈرۈشنى سىناق قىلىۋاتىدۇ، جانلىقلارنى پەرقلەندۈرۈش ۋە RFID تېخنىكىسىنىڭ تەرەققىياتى جارى قىلدۇرىلىۋاتىدۇ. ئەمما بۇ خىل بىخەتەر قىلىش ئاساسەن تىپىك رەقەملەشكەن يۇمشاق دېتاللارغا زور دەرىجىدە تايىنىدۇ ھەمدە ئاسانلا يېشىۋەتكىلى بولىدۇ. كىۋانت كومپىيۇتېرىنى مەيدانغا كېلىشى بىلەن كومپىيۇتېرنىڭ ھېسابلاش ئىقتىدارى ھەسسىلەپ ئاشتى، تېخىمۇ ياخشى بىخەتەر سېستىما ھەر ۋاقت ئوتتۇرىغا چىقىشى مۇمكىن. 2018-يىلىدا تۇغۇلغان بالىلار قورامىغا يەتكۈدەك بولغاندا يۇقىرى سۈرئەتلىك كۋانت شىفىرى ئۇلار ياشاۋاتقان رەقەم دۇنياسىنى تېخىمۇ مۇستەھكەم، بۇزغىلى بولمايدىغان ھالغا كەلتۈرەلىشى مۇمكىن.

10. تاق ئېكرانلىق ھېسابلاش

گەرچە ھازىر بىز ئىشلىتىۋاتقان رەقەملىك ئۈسكۈنىلەرنىڭ ھەممىسى تىپىك تاختا ئېكرانلىق بولسىمۇ، لېكىن كەلگۈسىدىكى ئېكران تېخىمۇ جانلىق بولىدىكەن، 2018-يىلى تۇغۇلغان بالىلار بەلكىم تاق ئېكران ۋە كۇنۇپكا تاختىسى بىلەن چەكلىنىپ قالغان ۋاقتلارنى تەسەۋۋۇر قىلالماسلىقى مۇمكىن. مەۋھۇم رېئاللىق (VR) بىلەن كۈچەيتمە رېئاللىق (AR)نىڭ تەرەققىياتى ئاللىقاچان خېلى بىر يەرگە باردى، بۇ تېخنىكىلارنىڭ ئۈزلۈكسىز تەرەققىياتىغا ئەگىشىپ بىز تېخىمۇ كۆپ ئىقتىدارلارنى كومپىيۇتېرىمىز ئارقىلىق ھېس قىلالىشىمىز مۇمكىن. قول ئىشارىسى بىلەن پەرقلەندۈرۈش، تىل بىر تەرەپ قىلىش ۋە باشقا تېخنىكىلار بىزنىڭ ئۈسكۈنىلەر بىلەن تېخىمۇ ئومۇميۈزلۈك ئالاقە قىلىشىمىزنى ئەمەلگە ئاشۇرۇشى مۇمكىن، ئەڭ ئاخىرىدا بىز ئۆزىمىزنى «ئاز سانلىقلارنىڭ دوكىلاتى» (少数派报告) فىلىمىدىكىدەك سىستېمىلار بىلەن بىمالال پاراڭلىشالايدىغان بولغىنىمىزنى بايقىشمىز مۇمكىن.

باش سۈرەت تاللاش x
  • جاھاندا بىر3 ئاي ئىلگىرى

    بەك زىيادە تەرەققىيات ئنسانلارغا پايدا ئەمەس ،تۇگمەس بېسم ۋە رىقابەت ئەپ كىلىدۇ، (ھەممنى) رەقەملەشكەن ئۇسكىنەلەرنى ئادەم لايھىلەيدۇ ،خاككىرلارمۇ يەنىلا ئادەم ،بۇجەھەتتە مۇكەممەللىك مەلۇم مەنىدىن ئېيتقاندا مۇمكىن ئەمەس ،شەخسى ئۇچۇرلا يەنىلا ئاشكارلىنىپ كىتىشى مۇمكىىن ،ئەقلى ئقتىدارنىڭ تەرەققىياتى ياخشى ئشتەك قىلغىنى بىلەن ئادەمنى ئەنسىىرتىپمۇ قۇيىدۇ ، باشقا تۇردىكى تەرەققىياتلارئەقلى ئقتىدار تەرەققياتىغا بويسۇنىدۇ يامىنى ئەقلى ئقتىدار .كىين تۇغۇلغان بالىلار بۇدۇنيانىىڭ قانداقسگە سېھرىگەرلكتەك بوپ قالغىىننى ھىس قىلالماسقى ،ئەزەلدىنلا مۇشۇنداقتەك بىلىنشى مۇمكىن ،بىز ئېيتپ بېرىمز ئۇلار خۇددى بىز بوۋىلىرىمىىزدىن ئاڭلىغان ھىكايىنى ئاڭلىغاندەك بۇلىدۇ خالاس،ئشقىلىپ زامانىۋى تەرەققىيات كىيىنكىلەرگە قانداق تەسىرلەرنى ئەپكىلىدۇ ،بۇنىسى نامەلۇم ئەممابۇنى كوڭىلىمىزدە غۇۋا بولسىمۇئويلاپ يىتەلەيمىز؟…

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号