باش بەت

دەۋران

809يوللانما
55مەستانە

ھايۋاناتلارغا دائىر بىر قىسىم ئىغىۋالار

مەنبە:بۈگۈنكى مۇھىم خەۋەر يوللانغان ۋاقىت:2018-01-14 20:57 1 ئىنكاس چۈشتى

باش خەۋەر تورى خەۋىرى، نۇر تورى تەرجىمىسى:

ھايۋاناتلار ئىنسانلارنىڭ دوستى، لېكىن ئىنسانلارنىڭ ئۇلارغا قارىتا بىر قىسىم خاتا چۈشەنچىسى بار.

ئىت راستتىنلا رەڭ قارىغۇسىمۇ؟ ئۆمۈچۈك راستتىنلا ئادەم ئۇخلاۋاتقاندا ئاغزىغا كىرىپ كېتەمدۇ؟ ئۇنداقتا تۆۋەندە بىرلىكتە ھايۋاناتلارغا دائىر بىر قىسىم ئىغىۋالارنى كۆرۈپ باقايلى، سىز بۇلارنىڭ ئارىسىدىكى نەچچىسىگە ئىشەنگەن ئىدىڭىز؟

ئىت راستتىنلا رەڭ قارىغۇسىمۇ؟

ئىتنى ھەرگىز نەرسىلەرنى رەڭسىز كۆرىدۇ دەپ قالماڭ، ئۇلارنىڭ رەڭ شەكلىگە تونۇشى ئىنسانلار بىلەن ئوخشىمايدۇ، ئۇلارنىڭ نۇر سېزىش ھۈجەيرىسى تەرەققىي قىلغان بولۇپ، يورۇقلۇق ئاجىز ۋاقىتلاردا كۆرۈش سېزىمى ئادەملەرنىڭكىدىنمۇ ياخشى، تەتقىقاتچىلارمۇ ئىتلارنىڭ كۆك ۋە يېشىل رەڭنى كۆرەلەيدىغانلىقىنى ئىسپاتلىغان.

ئالتۇن بېلىقنىڭ راستتىنلا ئەستە تۇتۇش قابىلىيىتى يوقمۇ؟

نۇرغۇن ماتېرىياللاردا ئالتۇن بېلىقنىڭ ئەستە تۇتۇش قابىلىيىتى پەقەتلا يەتتە سېكۇنت دېيىلگەن. ئەمەلىيەتتە ئالتۇن بېلىقنىڭ ئەستە تۇتۇش قابىلىيىتى ئۇنچىۋالا ناچار ئەمەس، بىر قىسىم تەتقىقاتتا بايقىلىشچە، ئالتۇن بېلىقنىڭ ئەستە تۇتۇش قابىلىيىتى ئەڭ ئاز بولغاندىمۇ بەش ئاي بولىدىكەن.

بىز ئۇخلاپ قالغاندا ئۆمۈچۈك راستتىنلا بىزنىڭ ئاغزىمىزغا كىرىپ كېتەمدۇ؟

ھازىرچە ھېچقانداق پەن-تېخنىكا تەتقىقاتى بۇ خىل قاراشنى قوللىمايدۇ. سىز ئۆمۈچۈكنىڭ مەيدانىدا تۇرۇپ ئويلاپ بېقىڭ، ئەگەر سىز غايەت زور گۆشخور مەخلۇقنىڭ ئالدىغا كېلىپ قالسىڭىز ئۆزىڭىزنى ئۇنىڭ ئاغزىغا ئاتامسىز؟

تۆگىنىڭ لوككىسىدا راستتىنلا سۇ بارمۇ؟

تۆگىنىڭ بەدىنىدە ئالاھىدە بولغان لوككىسى بار بولۇپ، نۇرغۇن كىشىلەر ئۇنىڭ ئىچىدە سۇ ماددىسى بار، تۆگە قۇملۇقتىن ئۆتكەندە لوككىسىدا ساقلانغان سۇ ئارقىلىق ھايات كەچۈرىدۇ، دەپ قارايدۇ. ئەمەلىيەتتە تۆگىنىڭ لوككىسى ئىچىدىكىسى سۇ بولماستىن بەلكى ياغدۇر.

ئىنسانلار تۇتۇپ قويغان قۇشقاچ بالىسىنى ئانىسى راستتىنلا تاشلىۋېتەمدۇ؟ 

ئەمەلىيەتتە، قۇش ئانىسى ئادەملەرنىڭ كىچىك قۇشقاچنى تۇتۇپ قويۇشى سەۋەبلىك ئۇلارنى تاشلىۋەتمەيدۇ. مۇتەخەسسىسلەرنىڭ دېيىشىچە، ئەگەر كىچىك قۇشقاچقا ئۇچراپ قالساق ئۇلارنى چاڭگىسىغا ئېلىپ قويساق بولىدىكەن، قۇش ئانىسىمۇ كىچىك قۇشقاچنى ئەزەلدىن چاڭگىدىن ئايرىلىپ باقمىغان دەپ قارايدىكەن.

لەھەڭ راستتىنلا راك كېسىلى بولۇپ قالمامدۇ؟

تەتقىقاتچىلار لەھەڭنىڭ يۇمشاق سۆڭىكىدە راكقا قارشى تۇرغۇچى ماددىلارنىڭ بارلىقىنى ئىسپاتلىغان، بۇ ھەقىقەتتۇر. لېكىن، بۇ ماددىلار پەقەت كېسەللىك يۈز بېرىشنىڭ ئېھتىماللىقنى ئەڭ تۆۋەن چەككە چۈشۈرىدۇ، شۇنىڭ ئۈچۈن لەھەڭلەرمۇ راك كېسىلى سەۋەبىدىن ئۆلۈپ كېتىشى مۇمكىن.

كۆزەينەكلىك يىلان راستتىنلا مۇزىكىغا ماسلىشىپ ئۇسسۇل ئوينامدۇ؟

بۇ كوچا سەنئەت تۈرلىرىنىڭ بىرى.

«يىلان مۇزىكىغا ئەگىشىپ ئۇسسۇل ئوينايدۇ» ئەمەلىيەتتە بۇ بىر گۈزەل بولغان ئالدامچىلىق، يىلاننىڭ قارشى تەرەپنىڭ نېمە مۇزىكا چېلىۋاتقانلىقى بىلەن ئەسلا كارى يوق. ئەمەلىيەتتە يىلان نەي چالغۇچىنىڭ ھەرىكىتىگە قارىتا ئىنكاس قايتۇرغان.

باش سۈرەت تاللاش x
  • مەمەتجان3 ئاي ئىلگىرى

    مەن ئەڭ ئاخىرىدىكى يىلاننىڭ ئۇسسۇل ئوينىشىىغا ئىشىنىپتىكەنمەن.

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号