باش بەت

نۇسرەتگۈل

8952يوللانما
149مەستانە

ئاجراشقاندىن كېيىن قىزىنى ئېلىۋالغان دادا ئۇنىڭ ئۆز پۇشتى ئەمەسلىكىنى بايقىدى

مەنبە:بېيجىڭ ۋاقتى تورى يوللانغان ۋاقىت:2018-01-14 18:42 5 ئىنكاس چۈشتى

بېيجىڭ ۋاقتى تورى خەۋىرى، نۇر تورى تەرجىمىسى:

بىر ئەر سابىق ئايالىدىن ئاجراشقاندىن كېيىن مىڭ تەسلىكتە قىزىنىڭ بېقىش ھوقۇقىنى قولغا كەلتۈردى. بىراق، ئۇ ئۇزۇن يىل سىڭدۈرگەن قان تەرىنىڭ ئۆزىگە ئېغىر ئازاب ئېلىپ كېلىدىغانلىقى، 15 يىل جان كۆيدۈرۈپ باققان قىزىنىڭ ئۆز پۇشتى ئەمەسلىكىنى ئويلاپمۇ باقمىغانىدى. يېقىندا، بۇ ئەر سابىق ئايالىنى سوتقا ئەرز قىلىپ ھەممە نەرسىدىن ئۆزلۈكىدىن ۋاز كەچتى، ئايالىنىڭ قىزىنى ئېلىپ كېتىشىنى تەلەپ قىلدى.

جاۋ ئەپەندى تەيجۇ لىنخەيلىك بولۇپ، 2001-يىلى 11-ئايدا خې خانىم بىلەن توي قىلدى، 2002-يىلى قىزى تۇغۇلدى، 2008-يىلى ئىككەيلەننىڭ مۇناسىۋىتى بۇزۇلۇپ نىكاھتىن ئاجراشتى.

شۇ ۋاقىتتا جاۋ ئەپەندى خېلى كۆپ تىرىشچانلىق كۆرسىتىپ قىزىنىڭ بېقىش ھوقۇقىنى ئېلىۋالغانىدى. بىراق، قىزىنىڭ كۈنسېرى چوڭىيىشىغا ئەگىشىپ مىجەز ۋە تەقى-تۇرق جەھەتتە ئۆزىگە قىلچە ئوخشىمايۋاتقانلىقىنى بايقىدى ھەم قاتتىق ئىككىلىنىشتىن كېيىن قىزى ئىككەيلەننىڭ ئاتا-بالىلىق مۇناسىۋىتىنى تەكشۈرتتى. «تەكشۈرۈش ئارقىلىق قىزىم ئىككىمىزنىڭ قانداشلىق مۇناسىۋىتى يوقلۇقى بايقالدى.» بىر نەچچە كۈن ئىلگىرى جاۋ ئەپەندى سابىق ئايالىنى سوتقا ئەرز قىلدى.

ئۇنىڭ ئەرز قىلىشتىكى تەلىپى ناھايىتى ئاددىي بولۇپ، سابىق ئايالىنىڭ قىزىنى ئېلىپ كېتىشىنىلا ئۆتۈنگەنىدى. خې خانىم سوتچىلارغا جاۋ ئەپەندىنىڭ قىزىنىڭ ئۆز پۇشتىدىن بولمىغانلىقىنى دەسلەپتىلا بىلىدىغانلىقىنى ئېيتتى. ئاخىرىدا خې خانىم قىزىنى ئۆزى تۇغقانلىقى، شۇڭا ئۇنى ئېلىپ كېتىپ بېقىشىنىڭ ناھايىتى ئورۇنلۇق ئىكەنلىكىنى بىلدۈردى.

ئۇ: «ھازىر يالغۇز تۇرۇۋاتىمەن، مۇقىم كىرىم مەنبەيىم يوق، سالامەتلىكىممۇ ياخشى ئەمەس. شۇڭا قىزىمنى بېقىش ھەقىقەتەن ئېغىر كېلىدۇ» دېدى. ئۇ يەنە ئۆزى قىزىنى ئېلىپ كەتسە جاۋ ئەپەندىنىڭ بېقىش خىراجىتى ۋە روھىي تەسەللىي پۇلىدىن ۋاز كېچىشى كېرەكلىكىنى بىلدۈردى.

سوتچىلارنىڭ كېلىشتۈرۈشى ئارقىلىق جاۋ ئەپەندى ھەممىدىن ۋاز كېچىپ قىزى ئىككەيلەننىڭ ئاتا-بالىلىق مۇناسىۋىتى يوقلۇقىنى دەلىللەپ بېرىشنىلا تەلەپ قىلدى.

باش سۈرەت تاللاش x
  • قار گۈلى1 ھەپتە ئىلگىرى

    شۇنداقلا بولسا باللىرىڭلانى تەكشۇرتۇپ بېقىڭلا بۇ جاھاننىڭ ئىشلىرىغا بىر نەرسە دىيىش تەس ئەخلاقسىز ئادەملەر كۆپ

  • توپچى1 ھەپتە ئىلگىرى

    مەن دىمىدىممۇ بۇ خەقكە يۈز خاتىرە قىلىشقا قەتئى بولمايدۇ ،خەقنىڭ ئۆينى بۇزۋاتقانلامۇ ئايال ،ھەرگىز ئەر ئەمەس ،

  • توغراق،شاھى1 ھەپتە ئىلگىرى

    ئون بەش يىللىق ئەجرىڭ بىكارغا كېتىدۇ ، بۇرادەر.ئەسلىدە بەرمەسلىكىڭ كېرەك ئىدى.ساڭا زىيانلار بولۇپ كېتىپتۇ.يەنە تۆت بەش يىل چىداپ تۇرۇپ.ئەرگە بېرىپ.تارتقان زىيانلىرىنىڭنى تويلۇق پۇلدىن ئۇندۇرۋالساڭ بولماسمىدى. ؟

  • ئ‍ۇچقۇچى1 ھەپتە ئىلگىرى

    ئەركەكلەر ھۇشيار بۇلۇڭلار ، نىم دىگەن ئ‍ېچنشلىق ئەھۋال ماۋۇ غەيىرتىڭلارنى خۇتۇننى ئوبدان باشقۇرۇشقا ئ‍شلتيڭلار

  • μζταΜ___少爷1 ھەپتە ئىلگىرى

    بۇ جاھان نىمە بولوپ كىتىپ باردۇ ، قېنى ئەتىگەندىن ياقى ھېلىقى ( قىزلار توي قىلىشنى خالماس بۇلۇپ قالدى )دىگەن تېمىغا ۋالاقلاپ دەت تۆكۈپ كەتكەن قىز چوكانلا بامۇ سىلە ،

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号