باش بەت

ئىدىقۇت887

7094يوللانما
14مەستانە

ئايال توردىشىنىڭ توختىماي پۇل ئەۋەتىپ بېرىشىگە «چىدىمىغان» ئەر ئۆزىنى ساقچىغا مەلۇم قىلدى

مەنبە:تېڭشۈن تورى يوللانغان ۋاقىت:2018-01-14 20:40 6 ئىنكاس چۈشتى

قىز-ئاياللار دائىم «زومىگەر لىدىرنىڭ ئۆزىنى ياخشى كۆرۈپ قالىدىغانلىقى» توغرىسىدا «چۈش» كۆرۈپ شېرىن خىيال قاينىمىغا غەرق بولۇپ يۈرىدۇ. ئېلىمىزنىڭ شەرقىي دېڭىز قىرغىقىغا جايلاشقان تەيجۇ شەھىرىدە چوڭ-كىچىك غوجايىنلار خېلى كۆپ بولسىمۇ، لېكىن رېئال تۇرمۇشتا مۇشۇنداق غوجايىنلارغا ئۇچراپ قېلىش نىسبىتى زادى قانچىلىك؟ يەنە كېلىپ «كېلىشكەن ھەم پۇلدار بايۋەتچە» نىڭ قارشى تەرەپنى ياخشى كۆرۈپ قېلىش نىسبىتى زادى قانچىلىك؟ بۇنىڭغا ھېچكىم ئېنىق بىر نېمە دېيەلمەيدىغۇ دەيمەن؟

لېكىن يۈخۇەندىكى كوڭ خانقىز ئۆزىنىڭ «تەلىيىنىڭ ھامان ئوڭدىن كېلىدىغانلىقى» غا شەكسىز ئىشىنىپ، مەلۇم ئىجتىمائىي ئالاقە يۇمتالىدا تەيجۇلۇق  «كېلىشكەن ھەم پۇلدار بايۋەتچە» بىلەن تونۇشۇپ قالغانىدى.

يۈخۇەن ناھىيىسى چۇمېن بازىرىدىن كەلگەن كوڭ فامىلىلىك قىز ئۈندىداردىكى «يېقىن ئەتراپتىكى كىشىلەرنى ئىزدەش» ئىقتىدارى ئارقىلىق داڭلىق ماركىلىق ماشىنىلارنى سېتىش كەسپى بىلەن شۇغۇللىنىدىغان «جاڭ شۇەي» بىلەن تونۇشۇپ قالغان ھەم ئۇنى دوستلار قاتارىغا قوشقاندىن كېيىن بىردەم پاراڭلىشىپلا قارشى تەرەپ بىلەن گېپىنىڭ بىر يەردىن چىقىدىغانلىقىنى بايقىغان. كوڭ فامىلىلىك قىز «جاڭ شۇەي» نىڭ ئۈندىدار دوستلار چەمبىرىدىكى تەكشۈرۈش ئارقىلىق قارشى تەرەپنىڭ دوستلار چەمبىرىكىدە ساپلا داڭلىق ماركىلىق ماشىنىلارنىڭ رەسىمى بارلىقى شۇنداقلا داڭلىق ماركىلىق ماشىنىلارنى ساتقانلىق ئۇچۇرىنى بايقاپ قارشى تەرەپكە بولغان ئىشەنچى تېخىمۇ ئاشقان. كوڭ خانقىز خىزمەتنىڭ ئارىسالدى چاغلىرىدا «جاڭ شۇەي» بىلەن توردا پاراڭلىشىشقا باشلىغان، قارشى تەرەپ كوڭ خانقىزغا خىزمەتتە ئۇچراتقان قىزىقارلىق ئىش ۋە قىزىقارلىق كىشىلەر شۇنداقلا تۇرمۇشتىكى قىزىقارلىق ئىشلارنى سۆزلەپ بەرگەن، كۈنلەرنىڭ ئۆتۈشىگە ئەگىشىپ كوڭ خانقىزنىڭ «جاڭ شۇەي» گە بولغان ئىشەنچى تېخىمۇ چوڭقۇرلىغان.

كوڭ خانقىز توردا پاراڭلىشىش ئارقىلىق  «جاڭ شۇەي» نىڭ ئاپىسىنىڭ ناھايىتى چوڭ شىركىتى بارلىقى، ئائىلە ئىقتىسادىنىڭ ناھايىتى ياخشى ئىكەنلىكى، لېكىن ئائىلە تەربىيىسىنىڭ ناھايىتى قاتتىق ئىكەنلىكىدىن خەۋەر تاپقان. ئۇ يەنە « جاڭ شۇەي» نىڭمۇ ناھايىتى چوڭ بىر شىركەتتە ئىشلەيدىغانلىقى، ئايلىق كىرىمىنىڭ ناھايىتى يۇقىرى ئىكەنلىكى، لېكىن شىركەتنىڭ مالىيە تۈزۈمىنىڭ ناھايىتى قاتتىق ئىكەنلىكىدىن خەۋەر تاپقان. «جاڭ شۇەي» يەنە كوڭ خانقىزغا بىر پارچە سۈرىتىنى يوللاپ بەرگەن بولۇپ، سۈرەتتىكى «جاڭ شۇەي» قەددى-قامەتلىك، كېلىشكەن يىگىت ئىدى! كوڭ خانقىز ئۆزىنىڭ ئىجتىمائىي ئالاقە يۇمتالى ئارقىلىق مۇشۇنداق كېلىشكەن ھەم پۇلدار يىگىت بىلەن تونۇشۇپ قالغانلىقىدىن ئىچىدە خۇش بولۇشقا باشلىغان...

كوڭ خانقىز «جاڭ شۇەي» نىڭ تۇنجى قېتىم ئۆزىدىن زادى نېمە باھانە-سەۋەب بىلەن پۇل ئۆتنە سورىغانلىقىنى ئېسىدىن چىقىرىپ قويغان بولۇپ، لېكىن ئەينى چاغدا پۇل سوممىسى ناھايىتى ئاز بولغاچقا، ئۇ ئۇنچە كۆپ ئويلانمايلا قارشى تەرەپكە پۇل ئۆتنە بەرگەن. كۈنلەرنىڭ ئۆتۈشىگە ئەگىشىپ، «جاڭ شۇەي» نىڭ تۇرمۇشىدىكى ئوڭۇشسىزلىقلار بارغانسېرى كۆپىيىشكە باشلىغان، «جاڭ شۇەي» نەۋرە سىڭلىم خاڭجۇغا ئوينىغىلى بارماقچى ئىكەن، لېكىن مېنىڭ مائاشىمنى تېخى تارقاتمىغان بولغاچقا پۇل قەرز تۇرغان بولسىڭىز؛ مەن ماشىنا ھەيدەپ كېتىۋاتقاندا ۋەقەگە ئۇچراپ قالدىم، قارشى تەرەپ ئاغزىنى يوغان ئېچىپ نۇرغۇن تۆلەم تەلەپ قىلدى، مەن ئاپامنىڭ بۇ ئىشنى بىلىپ قېلىشىنى خالىمايمەن؛ مومام قازالاپ كەتتى، مەن مومامنىڭ دەپنە مۇراسىمىغا قاتنىشىش ئۈچۈن ئايروپىلاندا ئۆيگە قايتىپ باراي دېگەن؛ مەن ھاراق ئىچىپ ماشىنا ھەيدەپ تۇتۇلۇپ قالدىم، ساقچىلارنى مېھمان قىلىشقا نۇرغۇن پۇل كېتىدىكەن.... دېگەندەك باھانە-سەۋەبلەرنى توقۇپ كوڭ خانقىزدىن توختىماي پۇل ئۆتنە ئېلىۋەرگەن. «جاڭ شۇەي» ھەر قېتىم ئاۋارىچىلىققا ئۇچراپ قالسىلا، ئەڭ ئالدى بىلەن كوڭ خانقىزغا تېلېفون قىلىدىغان بولۇپ، كوڭ خانقىزمۇ چامىسىنىڭ يېتىشىچە ئۇنىڭغا ياردەم قىلىپ تۇرغان، ناۋادا ئۆزىنىڭ يېنىدىكى پۇلى يېتىشمەي قالسا ئۇرۇغ-تۇغقان، دوست-بۇرادەرلىرىدىن پۇل ئۆتنە ئېلىپ ئاندىن «جاڭ شۇەي» گە ئۆتنە بەرگەن. كوڭ خانقىز ئىزچىل ھالدا «جاڭ شۇەي» بۇنچىلىك ئاز پۇلنى قايتۇرالمايدىغان ئادەم ئەمەس، ئۇنىڭ ھازىرقى قىيىنچىلىقى ۋاقىتلىق قىيىنچىلىق، ئۇنىڭغا قانچىلىك ياردەم قىلالىسام شۇنچىلىك ياردەم قىلىپ تۇرۇشۇم لازىم دەپ قاراپ كەلگەن.

كۈنلەرنىڭ ئۆتۈشىگە ئەگىشىپ، كوڭ خانقىزنىڭ «جاڭ شۇەي» گە ئۆتنە بەرگەن پۇلىنىڭ سوممىسى كۆپىيىشكە باشلىغان، كوڭ خانقىزنىڭمۇ باشقىلاردىن ئۆتنە ئالغان پۇل سوممىسى ئېشىشقا باشلىغان، بۇنىڭغا ئەگىشىپ، ئۇنىڭدىن قەرز قايتۇرۇشنى سۈيلەيدىغانلارنىڭ سانىمۇ ئېشىشقا باشلىغان. لېكىن كوڭ خانقىز ھەر قېتىم «جاڭ شۇەي» دىن ئۆتنە بەرگەن پۇللارنى قايتۇرۇپ بېرىشنى تەلەپ قىلغاندا، ئۇ ھەر خىل باھانە-سەۋەبلەرنى كۆرسىتىپ كەينىگە سۆرەۋەرگەن، ھەتتا يەنە ئەگەر پۇل ئالماقچى بولساڭ، ماڭا پۇل قەرز بېرىپ تۇرغىن، مەن شىركەت غوجايىنىنى مېھمان قىلسام يىللىق مۇكاپات پۇلۇمنى ئالدىن بېرىدۇ، شۇنداق بولغاندا پۇلۇڭنى قايتۇرۇپ بېرەلەيمەن؛ سەن يەنە پۇل قەرز بېرىپ تۇرساڭ، بانكا كارتامغا پۇل سېلىپ توڭلىتىۋېتىلگەن كارتامنى ئاچقۇزغاندىن كېيىن ئاندىن بانكىدىكى پۇللىرىمنى ئېلىپ پۇلۇڭنى قايتۇرۇپ بېرەلەيمەن دېگەندەك باھانە-سەۋەبلەرنى كۆرسىتىپ يەنە داۋاملىق كوڭ خانقىزدىن پۇل ئۆتنە ئېلىۋەرگەن. كوڭ خانقىز «جاڭ شۇەي» نىڭ گېپىگە ئىشىنىپ ئۆتنە بەرگەن پۇللىرىنى بالدۇرراق قايتۇرۇۋېلىش ئۈچۈن ئۇنىڭغا يەنە داۋاملىق توردا پۇل ئەۋەتىپ بېرىۋەرگەن.

شۇنداق قىلىپ، كوڭ خانقىزنىڭ «جاڭ شۇەي» گە ئۆتنە بەرگەن پۇل سوممىسى 400 مىڭ يۈەندىن ئېشىپ كەتكەن، كوڭ خانقىز ۋە ئۇنىڭ ئائىلىسىدىكىلەر قەرز سۈيلىگۈچىلەرنىڭ دەستىدە تېنچ تۇرمۇش كەچۈرەلمەيدىغان ھالغا چۈشۈپ قالغان. كوڭ خانقىز «جاڭ شۇەي» دىن ئۆتنە بەرگەن پۇللارنى قايتۇرۇشنى تەلەپ قىلغاندا، ئۇ ھەمىشە بۇ پۇللارنى چوقۇم قايتۇرىدىغانلىقىنى ئېيتقان بولسىمۇ، لېكىن ئەزەلدىن پۇل قايتۇرمىغان شۇنداقلا ئۆزىنى بىر قېتىممۇ كۆرسەتمىگەن، ئەكسىچە دوستلار چەمبىرىكىدە يەنە داۋاملىق «كېلىشكەن ھەم پۇلدار بايۋەتچە» تۇرمۇشىنى كۆز-كۆز قىلىپ يۈرۈۋەرگەن. كوڭ خانقىز ئۆزىنىڭ ئىلگىرى «جاڭ شۇەي» دىن گۇمانلىنىپ باققانلىقىنى، لېكىن ئۇنىڭغا شۇنچە كۆپ پۇل ئۆتنە بېرىۋەتكەنلىكى ئۈچۈن، ئۆز گۇمانىغا ئىشەنگۈسى كەلمەي بولدى قىلغانلىقىنى ئېيتقان.

«جاڭ شۇەي» 2017-يىلى 3-ئايغا كەلگەندە ئۆزىنىڭ كوڭ خانقىزدىن ئالدىغان پۇل سوممىسىنىڭ ئۆزىمۇ چىدىيالمىغۇدەك دەرىجىگە يەتكەنلىكىنى بايقاپ دەرھال يۈخۇەن ناھىيەسى چۇمېن بازارلىق ساقچىخانىغا بېرىپ ئۆزىنى مەلۇم قىلغان. شۇنداق قىلىپ «جاڭ شۇەي» ئىسىملىك بۇ «كېلىشكەن ھەم پۇلدار بايۋەتچە» نىڭ ھەقىقىي ئەپتى-بەشىرىسى ئاشكارىلانغان، ئۇنىڭ ئەسلى ئىسمى جوۋ جىرەن بولۇپ، يۇرتى خۇبېيدىن ئىدى، ئۇزۇن يىلدىن بېرى ئىشسىز يۈرگەن جوۋ جىرەننىڭ قىلچە كىرىمى يوق ئىدى، لېكىن كوڭ خانقىز شۇ كەمگە قەدەر «جاڭ شۇەي» نىڭ ئۆزىدىن ئۆتنە ئالغان پۇللارنى ھامان قايتۇرۇپ بېرىدىغانلىقى، ئۆزىنىڭ «جاڭ شۇەي» تەرىپىدىن ئالدانمىغانلىقىغا قەتئىي ئىشىنىپ كەلگەنىدى. ساقچى تەرەپ كوڭ خانقىزغا ھەقىقىي ئەھۋالنى ئۇقتۇرغاندىلا، ئۇ ئۈندىدار دوستلار چەمبىرىدىكى «جاڭ شۇەي» نىڭ ئەسلا مەۋجۇت ئەمەسلىكىنى، ئۇنىڭ توردىكى ئىسمىنىڭمۇ يالغان ئىكەنلىكىدىن خەۋەر تاپقان. «جاڭ شۇەي» ئەسلىدە ئىشلىمەي چىشلەيدىغان، ھورۇن ھەم قىمارۋاز ئادەم بولۇپ، ئۇ كوڭ خانقىزنى ئالداپ ئېرىشكەن پۇللارنىڭ ھەممىسىنى قىمار ئويناپ ئۇتتۇرۇۋەتكەنىدى.

2018-يىلى 1-ئاينىڭ 5-كۈنى، «جاڭ شۇەي» گە ئالدامچىلىق جىنايىتى ئۈچۈن 6 يىللىق قاماق جازاسى ھۆكۈم قىلىنىپ جەرىمانە قويۇلغان.

باش سۈرەت تاللاش x
  • 特别爱5 كۈن ئىلگىرى

    نېمىلا قىلسىمۇ قىلسۇن ، ئۆينى ساتسىمۇ مەيلى ، پۇلنى چۇقۇم قايتۇرۇپ بېرىش كېرەك.

  • نادىرە5 كۈن ئىلگىرى

    ئادەم ئەخمەق بولا شۇنداق بولا دۆتلىكىنى قارا

  • adl556 كۈن ئىلگىرى

    ماۋۇ بولىدىغان چارىكەن بەزىلەر ئۈچۈن

  • 黑色玫瑰6 كۈن ئىلگىرى

    ئاھاي..... ھازىرقى قىزلار ئالامەت،-ھە. ئۇخلىماي چۈش كۆرۈپ ، ئاخىرى چۈشنىڭ قىزىقىنى كۆرۈپتۇ،-دە.بايقۇش.

  • bahadir 84006 كۈن ئىلگىرى

    ھا، ھا،، ھا،، نىمانداق، قىزىق،، مۇشۇنداق، ئاق، ئاتلىق، شاھزادە،، ھۆرپەرىلەرنى، چۈشەپ، يۇرگەنلەر،، ئىھتىيات، قىلىڭلار،،، بەلكىم، يۇزمۇ، يۇز، كۇرىشىپ، بىرۋاق، تاماق، يەيلى، دىگەن، بۇلسا،،، يىگىت، قىزغا،، چۇقۇم، قاراپمۇ، قۇيماي، رەت، قىلاتتى،، ئۆزىنىڭ، چۈشىنى، كۇرۇپ،، خەقتىن پۇل، سۇراپ،، بىرىشلىرى،، تۇرمامدا،،،،،

  • 特别爱6 كۈن ئىلگىرى

    پۇلنى قايتۇرۇپ بەرمەسمۇ ئەمدى

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号