بۈگۈنكى مۇھىم خەۋەرلەر تورى خەۋىرى، نۇر تورى تەرجىمىسى:

لۇ خەن مۇھەببەت ئەھۋالىنى ئاشكارىلىغاندىن كېيىن، ئىزچىل كىشىلەرنىڭ گۇمانىنى قوزغاپ كەلدى. ئەمما بۇ ئىككەيلەن باشقىلارنىڭ قانچىلىك قارشى تۇرۇشىغىمۇ قارىماي يەنىلا بىللە ئۆتۈۋاتىدۇ، بۇنىڭدىن ئۇلارنىڭ مۇھەببىتىنىڭ ھەقىقىي ئىكەنلىكىنى بىلەلەيمىز.

يېقىندا مەلۇم بىر زىيارەتتە، لۇ خەن ئاپىسىنىڭ ئۇنى بالدۇرراق توي قىلىشىنى، ئۆزىنىڭ نەۋرە كۆرگۈسى كەلگەنلىكىنى ئېيتقانلىقىنى تىلغا ئالغان. لۇ خەننىڭ بۇ ئىشنى تىلغا ئالغىنىدىن ئۇنىڭمۇ كۆڭلىدە بۇ ئىشقا خېلى قوشۇلىدىغانلىقىنى كۆرۈۋالالايمىز.

لۇخەن گۇەن شياۋتۇڭدىن يەتتە ياش چوڭ، ھازىرمۇ توي قىلىدىغان يېشىغا كەلدى. لېكىن، گۇەن شياۋتۇڭ تېخى مەكتەپ پۈتتۈرمىگەن قىز. ئۇنداقتا، ئۇ بالدۇر توي قىلىدىغانغا قوشۇلارمۇ؟ بۇ ھەقتە گۇەن شياۋتۇڭ مۇنداق ئىپادە قايتۇردى.

ئۇنىڭ بىلدۈرۈشىچە، ئۇنىڭ ئاپىسى گۇەن شياۋتۇڭنى 25 ياشتىن بۇرۇن توي قىلسا بولمايدىغانلىقىنى ئېيتقان. لېكىن گۇەن شياۋتۇڭ: «مەن ھەممە ئىشتا ئاپامنىڭكىنى ئاڭلاپ كەتسەممۇ بولمايدۇ.» دېگەن. بۇنىڭدىن گۇەن شياۋتۇڭنىڭ ئىپادىسىنى كۆرۈۋالالايمىز.

ئەمەلىيەتتە، بۇ بىر جۈپ كىشىلەرنىڭ ئېتىراپ قىلىش-قىلماسلىقى بىلەن كارى بولمايدۇ. ئۆزلىرىنىڭ بەختىنى ئۆزلىرى بىلىشىدۇ، شۇڭا باشقىلارنىڭ گېپىگە ئانچە ئېرەن قىلمىسىمۇ بولىدۇ، بەختلىك بولسىلا كۇپايە.