باش بەت

del103

3766يوللانما
9مەستانە

جۇڭگولۇقلار ھەر كۈنى ئوتتۇرا ھېساب بىلەن 3.7 سائەت تورغا چىقىدۇ

مەنبە:IT ئائىلىسى يوللانغان ۋاقىت:2016-01-22 12:27 0 ئىنكاس چۈشتى

جۇڭگو ئىنتېرنېت ئۇچۇر مەركىزى (CNNIC) بۈگۈن «37-نۆۋەتلىك جۇڭگو ئىنتېرنېت تورى تەرەققىيات ئەھۋالىدىن بېرىلگەن ئىستاتىستىكا دوكلاتى» نى ئېلان قىلغان. دوكلاتتا كۆرسىتىلىشىچە، 2015-يىلى جۇڭگودىكى تور ئابونتلىرىنىڭ ھەپتىلىك ئوتتۇرىچە تورغا چىقىش ۋاقتى 26.2 سائەتكە يەتكەن بولۇپ، ھەر كۈنلۈك تورغا چىقىش ۋاقتى ئوتتۇرا ھېساب بىلەن 3.7 سائەت بولغان.

جۇڭگو تور ئابونتلىرىنىڭ ئومومىي سانى 688 مىليون بولۇپ، بۇ يىل 39.51 مىليون ئابونت يېڭىدىن كۆپەيگەن. ئىنتېرنېت تورىنىڭ ئوموملىشىش نىسبىتى %50.3 گە يېتىپ، 2014-يىلىنىڭ ئاخىرىدىكىدىن %2.4 ئاشقان.

·  جۇڭگودىكى كۆچمە تور ئابونتلىرىنىڭ ئومومىي سانى 620 مىليونغا يەتكەن بولۇپ، 2014-يىلىنىڭ ئاخىرىدىكىگە قارىغاندا 63.03 مىليون ئابونت يېڭىدىن كۆپەيگەن. تور ئابونتلىرى ئىچىدە يانفوندا تورغا چىقىدىغانلارنىڭ ئىگەللىگەن نىسبىتى 2014-يىلىدىكى %85.8 دىن %90.1 گە ئۆرلىگەن.

·  جۇڭگو تور ئابونتلىرى ئىچىدە، يېزىلاردىكى تورئابونتلىرىنىڭ نىسبىتى %28.4 بولۇپ، ئومومىي سانى 195 مىليونغا يەتكەن، 2014-يىلىنىڭ ئاخىرىدىكىگە قارىغاندا 16.94 مىليون ئابونت يېڭىدىن كۆپەيگەن.

·  ئۈستەل ۋە خاتىرە كومپيۇتېر ئارقىلىق تورغا چىقىدىغانلارنىڭ نىسبىتى ئايرىم-ئايرىم ھالدا %67.6 ۋە %38.7 بولغان؛ يانفوندا تورغا چىقىش نىسبىتى %90.1 بولۇپ، بۇ نىسبەت 2014-يىلىنىڭ ئاخىرىدىكىدىن %4.3 ئۆرلىگەن؛ تاختا كومپيۇتېردا تورغا چىقىش نىسبىتى %31.5 بولغان؛ تېلېۋىزوردا تورغا چىقىش نىسبىتى %17.9 بولغان.

·  دۆلىتىمىزدىكى يانفون ئابونتلىرى ئىچىدە، 3G/4G تورىنى ئىشلىتىدىغانلارنىڭ نىسبىتى %88.8 نى ئىگەللىگەن؛ ئەقلىي ئىقتىدارلىق شەھەر پىلانى يولغا قويۇلغاندىن كىيىن، ئاممىۋى سورۇنلارنىڭ سىمسىز تور بىلەن قاپلىنىش نىسبىتى يۇقىرى ئۆرلىگەن؛ يانفون، تاختا كومپيۇتېر ۋە ئەقلىي ئىقتىدارلىق تېلېۋىزورلارنىڭ ئوموملىشىشى ئائىلەرنىڭ سىمسىز تور بىلەن قاپلىنىش نىسبىتىنىڭ ئېشىشىغا تۈرتكە بولغان؛ تور ئابونتلىرىنىڭ سىمسىز تور ئارقىلىق ئىنتېرنېتنى ئىشلىتىش نىسبىتى %91.8 بولغان.

·  تور ئابونتلىرى ئىچىدە، ئوقوغۇچىلارنىڭ سانى ئەڭ يۇقىرى بولۇپ، ئىگەللىگەن نىسبىتى %25.2 گە يېتىدىكەن، ئۇندىن قالسا، ئەركىن خىزمەت قىلغۇچىلار بولۇپ، بۇلارنىڭ نىسبىتى %22.1 گە يېتىدىكەن، كارخانا، شىركەتلەردە باشقۇرغۇچى ۋە ئادەتتىكى خادىم بولۇپ ئىشلەيدىغانلارنىڭ نىسبىتى %15.2 گە يېتىدىكەن، مۇشۇ ئۈچ خىل توپتىكى كىشىلەرنىڭ تور ئابونتلىرى ئىچىدە ئىگەللىگەن ئۈلۈشى بىر قەدەر مۇقىم ھالەتتە تۇرىدىكەن.

·  تور ئابونتلىرى ئىچىدە، ئايلىق كىرىمى 2001-3000 يۈەنگىچە ۋە 3001-5000 يۈەنگىچە بولغانلارنىڭ نىسبىتى ئايرىم-ئايرىم ھالدا %18.4 ۋە %23.4 نى ئىگەللەيدىكەن.


باش سۈرەت تاللاش x
ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号