باش بەت

رۇشەن

2494يوللانما
13مەستانە

ئادەم قانچە پۇلدار بولسا تورغا چىقىش ۋاقتى شۇنچە ئاز بولىدىكەن

مەنبە:تېڭشۈن خەۋەر تورى يوللانغان ۋاقىت:2016-08-27 20:03 0 ئىنكاس چۈشتى

جۇڭگو ئاخبارات تورى خەۋىرى، نۇر تورى تەرجىمىسى:

پۈتۈن دۇنيادىكى يېرىم نوپۇسنىڭ، يەنى تەخمىنەن 3 مىليارد 500 مىليون ئادەمنىڭ تورغا چىقىش تەجرىبىسى بار بولسىمۇ، لېكىن ھەممە ئادەمنىڭ تورغا چىقىش ئادىتى ئوخشاش بولمايدۇ. ئامېرىكىدىكى بىر تۈرلۈك تەتقىقات نەتىجىسىدە كۆرسىتىلىشىچە، بانكا ھېساباتىدىكى پۇلى قانچە كۆپ ئادەمنىڭ تورغا چىقىش ۋاقتى شۇنچە ئاز بولىدىكەن.

    ئامېرىكا دۆلەتلىك ئىقتىساد تەتقىقات ئىدارىسى (The National Bureau of Economic Research)نىڭ بىر تۈرلۈك تەتقىقاتىدا كۆرسىتىلىشىچە، پۇلى قانچە كۆپ ئادەمنىڭ تورغا چىقىشقا سەرپ قىلىدىغان ۋاقتى شۇنچە ئاز ئىكەن، بۇ خىزمەت ۋە ئىشلەپچىقىرىش كۈچلىرى بىلەن مۇناسىۋەتسىز بولۇپ، كۆڭۈل ئېچىش تۈرى بىلەن مۇناسىۋەتلىك ئىكەن، يەنى ئادەم قانچە پۇلدار بولسا سىرتقا چىقىپ ساياھەت قىلىش، شەھەر ئەتراپىغا چىقىپ سەيلە قىلىش ياكى ئاشپۇزۇلغا كىرىش قاتارلىقلاردەك خۇشاللىق ئىزدەش شەكىللىرى شۇنچە كۆپ بولىدىكەن.

    ئەكسىچە، بىر ئادەمنىڭ پۇلى قانچىكى ئاز بولسا كۆڭۈل ئېچىش تۈرى جەھەتتىكى تاللىشىمۇ چەكلىمىگە ئۇچرايدىكەن، شۇنىڭ بىلەن تورغا چىقىشقا تېخىمۇ كۆپ ۋاقىت سەرپ قىلىدىكەن. چۈنكى قانداقلا بولمىسۇن تورغا چىقىش تەننەرخىنى مۇقىم باھادا ھېسابلىغىلى بولىدۇ.

    تەتقىقات جەريانىدا يىللىق مائاشى 25 مىڭ ئامېرىكا دوللىرىدىن 35 مىڭ ئامېرىكا دوللىرىغىچە ئارىلىقتىكى، شۇنىڭدەك 100 مىڭ ئامېرىكا دوللىرىلىق ئائىلىلەرنىڭ تورغا چىقىش ۋاقتى سېلىشتۇرۇلغان بولۇپ، نەتىجىدە ئايان بولۇشىچە، ئالدىنقىسىنىڭ ھەر ھەپتىدە تورغا چىقىش ۋاقتى كېيىنكىسىدىن 92 مىنۇت كۆپ بولغان.

    تەتقىقاتتا يەنە بىر قەدەر باي ئادەملەرنىڭ تورغا چىقىش ئادىتى تەھلىل قىلىنغان بولۇپ، ئۇلارنىڭ كۆپ ساندىكىلىرى خەۋەر كۆرۈش، بانكا سودىسى قىلىش، تەربىيىۋى فىلىملەرنى كۆرۈش ۋە ئويۇن ئويناشنى ياخشى كۆرىدىكەن.

لېكىن، مەيلى بىر قەدەر باي ئادەملەر ياكى بىر قەدەر نامرات ئادەملەر بولسۇن، ئىجتىمائىي ئالاقە تورىغا چىقىشقا سەرپ قىلغان ۋاقىت بارغانسېرى كۆپىيىپ ماڭغان.

باش سۈرەت تاللاش x
ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号