باش بەت

زورىگۈل

6175يوللانما
9مەستانە

گېرمانىيە ۋولكسۋاگېن ئاپتوموبىلىنىڭ 2016-يىللىق سېتىلىشى ئاشتى

مەنبە:تور دۇنياسى يوللانغان ۋاقىت:2017-01-10 13:38 0 ئىنكاس چۈشتى

شىنخۇا ئاگېنتلىقى 9-يانۋار خەۋىرى، نۇر تورى تەرجىمىسى:

گېرمانىيە ۋولكسۋاگېن ئاپتوموبىل شىركىتىنىڭ 9-يانۋار جاكارلىشىچە، «كېرەكسىز گاز قويۇپ بېرىشتە ساختىلىق قىلىش سەتچىلىكى»نىڭ تەسىرىگە ئۇچرىغان بولسىمۇ، شىركەتنىڭ 2016-يىلى پۈتۈن دۇنيادىكى سېتىلىش مىقدارى يەنىلا ئاشقان.

ۋولكسۋاگېن ئاپتوموبىلى ئېلان قىلغان ئىستاتىستىكىلىق سانلارغا ئاساسلانغاندا، بۇ شىركەتنىڭ بۇلتۇرقى ئاپتوموبىل سېتىش مىقدارى 5 مىليون 990 مىڭ دانىگە يېتىپ، ئالدىنقى يىلدىكىدىن %2.8 ئاشقان.

بۇلتۇر ۋولكسۋاگېننىڭ ئامېرىكا ۋە غەربىي ياۋروپادىكى ئاپتوموبىل سېتىش مىقدارى تۆۋەنلىگەن، ئۇنىڭ ئىچىدە ئامېرىكا بازىرىدا %7.6 تۆۋەنلىگەن، غەربىي ياۋروپادا %2.0 تۆۋەنلىگەن، گېرمانىيە ئىچىدە %7.2 تۆۋەنلىگەن.

شۇنىڭ بىلەن بىر ۋاقىتتا، بۇلتۇر ۋولكسۋاگېننىڭ ئاسىيادىكى سېتىلىشى %11.8 ئاشقان، ئۇنىڭ ئىچىدە جۇڭگودىكى سېتىلىشى %14 ئاشقان، ئوتتۇرا، شەرقىي ياۋروپادا %6.9 ئاشقان.

2015-يىلى 9-ئايدا ئامېرىكا مۇھىت ئاسراش مەھكىمىسى ۋولكسۋاگېن قارمىقىدىكى قىسمەن دىزېل يېقىلغۇلۇق ئاپتوموبىللارنىڭ كېرەكسىز گاز قويۇپ بېرىش سىنىقىدا ساختىلىق قىلغانلىقىنى ئەيىبلىگەن. «كېرەكسىز گاز قويۇپ بېرىشتە ساختىلىق قىلىش سەتچىلىكى»گە چېتىلغان ۋولكسۋاگېن دېزىل مېيىلىق ئاپتوموبىلنىڭ سانى تەخمىنەن 11 مىليون دانە بولغان. 

باش سۈرەت تاللاش x
ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号