• بۈگۈندۈشەنبە
  • مۇشۇ تۈردىكى يېڭى خەۋەرلەر

    ھەپتىلىك كۆپ كۆرۈلگەنلىرى

    ئېنگلاند كوماندىسى 20 ياشلىقلار دۇنيا لوڭقىسى چېمپىيونلۇقىنى قولغا كەلتۈردى

    مەنبە : dongqiudi.comتەھرىر : سەپەرجان ئىنكاس : 13يوللانغان ۋاقىت : 2017-06-12 11:03

    خىزمەت ئۇچۇرلىرى ماشىنا ئۇچۇرلىرى ئۆي-مۈلۈك ئۇچۇرى تۇرمۇش ئۇچۇرلىرى لايىق ئىزدەش

    نۇر تورى تەرجىمىسى:

    6-ئاينىڭ 11-كۈنى چۈشتىن كېيىن ئۈرۈمچى ۋاقتى سائەت 4:00دە، 20 ياشلىقلار دۇنيا لوڭقىسى ھەل قىلغۇچ مۇسابىقىسى ئۆتكۈزۈلدى، ھەل قىلغۇچ مۇسابىقىدىكى ئىككى كوماندا بولسا ئېنگلاند 20 ياشلىقلار كوماندىسى بىلەن ۋېنسۇئېلا 20 ياشلىقلار كوماندىسى بولۇپ، بىر مەيدان كەسكىن تىركىشىشتىن كېيىن ئېنگلاند كوماندىسى 0:1 نەتىجىدە رەقىبىنى مەغلۇپ قىلىپ، تۇنجى قېتىم 20 ياشلىقلار دۇنيا لوڭقىسى چېمپىيونلۇقىنى قولغا كەلتۈردى.

    مۇسابىقە باشلىنىشى ئىككى تەرەپ ناھايىتى كەسكىن تىركەشتى. ئەمەلىي كۈچ جەھەتتە ئانچە چوڭ پەرق بولمىغاچقا، ھەر ئىككى تەرەپ خېلى ئۇزۇنغىچە توپ كىرگۈزەلمىدى.

    مۇسابىقىنىڭ 10-مىنۇتىدا، ئېنگلاند كوماندىسى قارشى تەرەپ مۇداپىئەچىسىنىڭ سەۋەنلىكىدىن پايدىلىنىپ ناھايىتى ياخشى پۇرسەتكە ئېرىشتى، لېكىن ئۇلارنىڭ بۇ قېتىملىق ھۇجۇمى يەنىلا قارشى تەرەپ قاپقىچىسى تەرىپىدىن تارمار قىلىندى.

    مۇسابىقىنىڭ 24-مىنۇتىدا، ۋېنسۇئېلا كوماندىسى بىر قېتىملىق ئىختىيارى توپ پۇرسىتىگە ئېرىشتى. لېكىن ۋېنسۇئېلا توپچىسى تەپكەن بۇ ئىختىيارى توپ قاپقا تۈۋرۈكىگە تىگىپ ياندى.

    مۇسابىقىنىڭ 35-مىنۇتىدا، ئېنگلان كوماندىسى بىر قېتىملىق كۈچلۈك ھۇجۇم قوزغاپ توپ كىرگۈزۈپ مەيداندىكى قاتماللىقنى بۇزۇپ تاشلىدى ۋە نەتىجىدە 0:1 ئۈستۈنلۈكنى ئىگىلىدى.

    مۇسابىقىنىڭ 40-مىنۇتىدا، ۋېنسۇئېلا كوماندىسى بىر قېتىملىق ئىختىيارى توپ پۇرسىتى بىلەن ئېنگلاند كوماندىسىغا بېسىم ئېلىپ كەلدى. ئالدىنقى يېرىم مەيدان مۇسابىقە ئاخىرلاشتى.

    كېيىنكى يېرىم مەيدان مۇسابىقە باشلىنىپ 52-مىنۇتىدا، ۋېنسۇئېلا كوماندىسى بىر قېتىملىق ناھايىتى ياخشى پۇرسەتنى قولدىن بېرىپ قويدى.

    مۇسابىقىنىڭ 55-مىنۇتىدا، ئېنگلاند كوماندىسى بىر قېتىملىق قايتۇرما ھۇجۇم قوزغاپ، ئونومانىڭ ناھايىتى يىراقتىن تەپكەن توپى قاپقا لىمىغان تىگىپ ياندى.

    مۇسابىقىنىڭ 68-مىنۇتىدا، ئېنگلاند كوماندىسى ئەزاسى سولانك قارشى تەرەپ ئەزاسى بىلەن سوقۇلۇپ يارىلاندى ۋە مەيداندىن ئايرىلدى.

    مۇسابىقىنىڭ 74-مىنۇتىدا، ۋېنسۇئېلا كوماندىسى نۇقتا توپ پۇرسىتىگە ئېرىشتى، لېكىن قارشى تەرەپ قاپقىچىسى نۇقتا توپنى توسۇۋالدى. مۇسابىقىنىڭ ئاخىرقى مىنۇتلىرىدا ھەر ئىككى تەرەپ شۇنچە تىرىشچانلىق كۆرسەتكەن بولسىمۇ، لېكىن يەنىلا توپ كىرگۈزەلمىدى. ئاخىرىدا ئېنگلاند كوماندىسى 0:1 نەتىجىدە ۋېنسۇئېلا كوماندىسىنى مەغلۇپ قىلىپ، تۇنجى قېتىم 20 ياشلىقلار دۇنيا لوڭقىسى چېمپىيونلۇقىنى قولغا كەلتۈردى. بۇ ئېنگلاند پۇتبولچىلىقىنىڭ ئۇدا 51 يىلدىن كېيىن خەلقئارالىق مۇسابىقىلەردە چېمپىيونلۇقنى قولغا كەلتۈرۈشى ھېسابلىنىدۇ.



    ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
    ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
    新ICP备14001103号-2增值电信业务经营许可证 新B2-20100001号
    Powered by Nur.cn © 2013
    新公网安备 65010202000070号