باش بەت

خەۋەرلەر

1871يوللانما
5مەستانە

شىنجاڭ تەڭرىتاغ يىلپىزى كۇلۇبىنىڭ «مەن ئولىمپىك مۇسابىقىگە قاتنىشىمەن» تېمىسىدىكى تاللاش مۇسابىقىسى باشلاندى

مەنبە:تەڭرىتاغ تورى يوللانغان ۋاقىت:2017-07-17 20:03 1 ئىنكاس چۈشتى

    ئۆز خەۋىرىمىز: 16-ئىيۇل چۈشتىن كېيىن شىنجاڭ تەڭرىتاغ يىلپىزى پۇتبول كۇلۇبىنىڭ «مەن ئولىمپىك تەنھەرىكەت مۇسابىقىسىگە قاتنىشىمەن» تېمىسىدىكى تاللاش مۇسابىقىسى باشلاندى.

    30 مېتىرغا يۈگۈرەش، يىراققا سەكرەش، خادىدىن ئايلىنىپ ئۆتۈش، توپنى دەل تېپىش، بەش كىشىلىك پۇتبول مۇسابىقىسىدىن ئىبارەت بەش تۈرلۈك سىناقتا 150 ماھىرنىڭ بەدەن سەۋىيەسى ۋە ئالاھىدىلىكىنى جارى قىلدۇرۇلغان.ئىپادىسى ياخشى بولغانلار تەڭرىتاغ يىلپىزى كوماندىسى بىلەن بىۋاستە توختاملىشىدۇ.

  ئىگىلىنىشىچە، جۇڭگو پۇتبولچىلار جەمئىيىتى 2020-يىلى توكيودا ئۆتكۈزىلىدىغان ئولىمپىك تەنھەرىكەت مۇسابىقىسىگە پۈتۈن كۈچى بىلەن تەييارلىق كۆرۈش ئۈچۈن «مەن ئولىمپىك تەنھەرىكەت مۇسابىقىسىگە قاتنىشىمەن» تېمىسىدا مۇسابىقە ئۇيۇشتۇرغان بولۇپ، 2017-يىلى ئىيۇندىن ئىيۇلغىچە ھەۋەسكارلار بۇ مۇسابىقىگە تىزىملاتسا بولىدىكەن. مۇسابىقىگە دەرىجىدىن تاشقىرى پۇتبول كۇلۇبىنىڭ ماھىرلىرى، ئا دەرىجىلىكلەر بىرلەشمە پۇتبول كۇلۇبىنىڭ ماھىرلىرى شۇنداقلا باشقا ئەل ئىچى كۇلۇبلارنىڭ ماھىرلىرى، پۇتبول مەكتىپىنىڭ ئوقۇغۇچىلىرى، ئالىي مەكتەپ ۋە ئىشتىن سىرىتقى ياشلار پۇتبول كۇلۇبلىرىنىڭ يېشى ماس كەلگەن ماھىرلىرى ۋە كوماندىلار قاتناشسا بولىدىكەن.

  تېخىمۇ كۆپلىگەن شىنجاڭلىق پۇتبول تالانت ئىگىلىرىنىڭ ئولىمپىك مۇسابىقىسىگە قاتنىشىش سالاھىيىتىگە ئېرىشىش ئۈچۈن 5-ئىيۇل تەڭرىتاغ يىلپىزى كۇلۇبلىرى «مەن ئولىمپىك مۇسابىقىسىگە قاتنىشىمەن» تاللاش مۇسابىقىسىنى ئالدىن تاللاش مۇسابىقىسىنى باشلىغانىدى. 16 ياشتىن 20 ياشقىچە بولغان كەسپىي پۇتبول ماھىرلىرى ۋە پۇتبول ھەۋەسكارلىرى بۇنىڭغا تىزىملاتتى. بۇنىڭدىن باشقا مۇسابىقىدە ئالاھىدە تالانتى بار ماھىرلارغا ياش جەھەتتە ئېتىبار بېرىلدى. 15-ئىيۇلغىچە جەمئىي 200 دىن ئارتۇق تىزىملاش جەدۋىلى قوبۇل قىلغان بولۇپ، بۇلاردىن 150 كىشى تاللاندى.

    ئىگىلىنىشىچە، شىنجاڭ تەڭرىتاغ يىلپىزى كۇلۇبىنىڭ «مەن ئولىمپىك مۇسابىقىسىگە قاتنىشىمەن» تاللاش مۇسابىقىسىنىڭ نەتىجىسى 17-ئىيۇلنىڭ ئالدى كەينىدە ئېلان قىلىنىدىكەن. تاللانغان ماھىرلارنىڭ مۇسابىقە جەريانىدىكى قاتناش، ياتاق، تاماق خىراجىتىنى كۇلۇب ئۈستىگە ئالىدىكەن.

مەنبە: http://uy.ts.cn/news/content/2017-07/17/content_609158.htm

باش سۈرەت تاللاش x
  • نېمە بولسا مەيلى3 كۈن ئىلگىرى

    نېمە بولغان خەۋەر ماۋۇ ، بىر تالمۇ ئىنكاس چۈشمەپتىيا

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号