باش بەت

نۇربىيە ئۇيقۇت

8099يوللانما
33مەستانە

دىسنىي يەنە قايسى كىلاسسىك كارتونلارنى ھەقىقىي ئادەملىك كىنو قىلىپ ئىشلەيدۇ؟

مەنبە:جۇڭگو گېزىتى تورى يوللانغان ۋاقىت:2017-08-12 21:25 3 ئىنكاس چۈشتى

نۇر تورى تەرجىمىسى:

«ئەيلىسنىڭ چۈش سەيلىسى» (爱丽丝梦游仙境)، «سېھىرلەنگەن ئۇيقۇ» (沉睡魔咒)، «كۈل قىز» (灰姑娘)، «ساھىبجامال بىلەن غەلىتە مەخلۇق» (美女与野兽)... دىسنىي كارتون فىلىملىرىنىڭ ھەقىقىي ئادەم نۇسخىسىغا ئۆزگەرتىلگەن نۇسخىسى ئادەمنى تەقەززا قىلىدۇ. ئەمەلىيەتتە، دىسنىي 10 نەچچىدىن ئارتۇق كىلاسسىك كارتون فىلىمنى ھەقىقىي ئادەم نۇسخىسىدىكى كىنو قىلىپ ئىشلەشنى پىلانلىدى.

چۆچەكلەردىكى «قار مەلىكە»دىن كىلاسسىك كارتون فىلىم «شىر پادىشاھ»غىچە، دىسنىينىڭ ھەقىقىي ئادەم نۇسخىسىدىكى  كىنو ئىشلەش تىزىملىكىگە يەنە يېڭىدىن 10 نەچچە كىنو قوشۇلدى.

بۇنىڭ ئارىسىدا، بەزى كىنولار كارتون نۇسخىسىدىن ئۆزگەرتىلگەن، بەزىلىرى ئەسلى ئەسەرگە ئاساسەن ئۆزگەرتىلگەن ياكى ھازىر بولغان ھەقىقىي ئادەم نۇسخىسىنىڭ داۋامىدۇر.

تۆۋەندە، بىز دىسنىينىڭ تا ھازىرغا قەدەر قايسى كارتون فىلىملەرنى ھەقىقىي ئادەم نۇسخىسى كىنوسى قىلىش ياكى داۋامىنى ئىشلەش پىلانى بارلىقىغا قاراپ باقايلى:

2015-يىلى، دىسنىي «مۇلەن» سىنارىيەسىنى سېتىۋېلىپ، ئۇنى ھەقىقىي ئادەم نۇسخىسدىكى كىنو قىلىپ ئىشلىمەكچى بولدى.

مۆلچەرگە ئاساسلانغاندا، بۇ كىنو 2018-يىل 2-نويابىر قويۇلىدىغان بولۇپ، كىنودا ياش ئايال مۇلەننىڭ ئەرەنچە ياسىنىپ، دادىسىغا ۋاكالىتەن ھەربىيلىككە قاتنىشىپ، خەتەردە قالغان دۆلەتنى قۇتۇلدۇرۇش ھېكايىسى سۆزلىنىدۇ.

دىسنىي «شىر پادىشاھ»نى ھەقىقىي ئادەم نۇسخىسى شەكلىدە كىنو ئېكرانىغا قايتۇرۇپ كېلىدۇ. ھېكايىدە ياش سېمبانىڭ قەدىمىگە ئەگىشىپ، ئۇ ۋە دوستلىرى تىمون، پۇمبانىڭ ياردىمىدە رەزىل تاغىسىنى مەغلۇب قىلىپ، دۆلتىنى قۇتۇلدۇرغاندىكى كەچۈرمىشلىرى سۆزلىنىدۇ. بۇ كىنودا «پولات پالۋان» (钢铁侠) بىلەن «غارايىپ ئورمان » (奇幻森林)نىڭ ھەقىقىي ئادەم نۇسخىسى كىنوسىغا رېژىسسورلۇق قىلغان جون فاي (Jon Fay) رېژىسسورلۇق قىلىدۇ، قويۇلۇش ۋاقتى تېخى ئېنىق ئەمەس.

تىم بۇرتون 1941-يىلدىكى «دۇمبو» (Dumbo)نىڭ ئۆزگەرتىپ ئىشلەنگەن نۇسخىسىغا رېژىسسورلۇق قىلغان. كىنودىكى باش پېرسوناژ ياشراق پىل بولۇپ، ئالاھىدە يوغان قۇلىقى بولغاچقا، دائىم باشقىلار تەرىپىدىن زاڭلىق قىلىنىپ، بوزەك قىلىنىدۇ. ئەلۋەتتە، كىنودا ھەقىقىي پىل ئارتىسلىق قىلمايدۇ. «ھوللىۋود مۇخبىرى»نىڭ ئاشكارىلىشىچە، دىسنىي كومپىيۇتېر تېخىنكىسى بىلەن ھەقىقىي كۆرۈنۈش ئۇسلۇبىنى بىرلەشتۈرگەن. قويۇلۇش ۋاقتى تېخى ئېنىق ئەمەس.

دىسنىي پات ئارىدا 1963-يىلدىكى كارتون فىلىم «تاش ئىچىدىكى قىلىچ» (石中剑)نى ئۆزگەرتىپ ئىشلەيدۇ. بۇنىڭدا ياش دۆلەت پادىشاھى ئارسۇر يېتىم بالا ۋاقتى چېغىدا، سېھىرىگەر مېرلىننىڭ تەربىيەسىنى قوبۇل قىلىدىغانلىقى سۆزلىنىدۇ. بۇ كىنونىڭ سىنارىيەسىنى «مۇز ۋە ئوت ناخشىسى» (冰与火之歌)نىڭ سىنارىستى، فىلىم ئىشلىگۈچى بىريان كوگمان (Bryan Cogman) يازغان.

دىسنىي مەلىكىلىرىلا ئەمەس، يەنە تېخى ئاق ئاتلىق شاھزادە (كۈل قىز ياكى قار مەلىكىدىكى ئەر باش پېرسوناژ» ھەقىقىي ئادەم كىنوسىدىكى باش پېرسوناژغا ئايلىنىدۇ.

ئالەمدىن ئۆتكەن روبىن ۋىللىيامىس (Robin Williams) باش پېرسوناژغا ئاۋاز بەرگەن 1992-يىلدىكى كىلاسسىك كارتون فىلىم «ئالاۋىدىننىڭ سېھىرىلىك چىرىغى»، «سېھىرلىك چىراغ زېرەكچىقى» (神灯精灵) نامىدا ھەقىقىي ئادەم نۇسخىسى كىنوسى قىلىپ ئىشلىنىدۇ. بۇنىڭدا زېرەكچاقنىڭ قانداق قىلىپ سېھىرىلىك چىراغنىڭ قولىغا چۈشۈپ قالىدىغانلىقى سۆزلىنىدىغان بولۇپ، ئالاۋىدىنمۇ ھەقىقىي ئادەمگە ئايلىنىدۇ، بۇ كىنوغا گاي رىتچى (Guy Ritchie) رېژىسسورلۇق قىلغان.

گىلېن كىلوسې 1961-يىلدىكى كارتون فىلىم «101 چىپار ئىت» (101斑点狗)نىڭ 1996-يىلدىكى ھەقىقىي ئادەم نۇسخىسى كىنوسىدا زەھەرخەندە ئايال كىرۇئېللانىڭ رولىنى ئالغان. ئەسلىدىكى ھېكايىگە ئاساسەن ئۆزگەرتىپ ئىشلەنگەن كىنو «كىرۇئېلا»دا ئېمما سىتون سەلبىي پىرسوناژنىڭ رولىنى ئالىدۇ.

«پېتېر پان» (Peter Pan) گەرچە نۇرغۇن قېتىم ھەقىقىي ئادەم كىنو نۇسخىسىغا ئۆزگەرتىلگەن بولسىمۇ، بىراق دىسنىي يەنىلا 1953-يىلدىكى كارتون نۇسخىسىنى ھەقىقىي ئادەم كىنوسىغا ئۆزگەرتىشنى قارار قىلدى. «پېتېر پان»غا دەۋىد لوۋرىي (David Lowry) رېژىسسورلۇق قىلىدۇ.

پېتېر پاننىڭ ھەمراھىمۇ ھەقىقىي ئادەم كىنوسىدا بولۇپ، قوڭغۇراقلىق كىچىك پەرىزاتنىڭ رولىنى رېسى ۋىسېرپۇن (Reese Witherspoon) ئالىدۇ.

«ياغاچ قونچاقنىڭ ئاجايىپ سەرگۈزەشتىسى» (木偶奇遇记) دىسنېي ئىشلىگەن 2-كارتون كىنو بولۇپ، 1940-يىلى قويۇلغان، ھەقىقىي ئادەم نۇسخسىى كىنوسى ئەسلىدىكى كارتون فىلىم ئاساسىدا زور دەرىجىدە ئۆزگەرتىلگەن.

دىسنېي 1961-يىلدىكى «غارايىپ ئورمان»نىڭ ھەقىقىي ئادەم نۇسخىسى كىنوسى قويۇلۇشتىن بۇرۇن، خىزمەت ئىشخانىسىدىكىلەر ئۇنىڭ داۋامىنى ئىشلەشنى پىلانلىغان. جون فاۋىرئېئائۇنىڭ (Jon Favreau) داۋاملىق رېژىسسورلۇق قىلىشىدا ئۈمىد بار.

ئەنجىلىنا جۇلى 2014-يىلدىكى دىسنېي ھەقىقىي ئادەم كىنوسى «ئۇيقۇدىكى پەرىزات» (睡美人)نىڭ داۋامىدا سەلبىي پېرسوناژ جادۇگەرنىڭ رولىنى ئالغان. بۇ كىنو 1959-يىلدىكى شۇ ناملىق كارتون فىلىمگە ئاساسەن ئۆزگەرتىپ ئىشلەنگەن.

دىسنىي يەنە بىر كىلاسسىك كارتون فىلىم «ساھىبجامال بىلەن يەتتە پاپا» (白雪公主和七个小矮人)نى كىنو نۇسخىسىغا ئۆزگەرتىشنى پىلانلىغان. بۇ چۆچەك كىنونىغا ئەڭ بازارلىق كىنو «La La Land»نىڭ ناخشا تېكىستنى بېنج پاسېك، جاستىن پائۇل يازغان ھەمدە مۇزىكىسىنى ئىشلىگەن.

بۇنىڭدىن باشقا، يەنە بىر كىنو گىرېن چۆچەكلىرىدىكى قار مەلىكىنىڭ ئاچىسى قىزىل ئەتىرگۈل باش پىرسوناژ بولغان كۆرۈنۈش بار. بۇ كىنودا قىزىل ئەتىرگۈل قار مەلىكە زەھەرلىك ئالمىنى يېگەندىن كېيىن پاپىلار بىلەن بىلەن بىرلىشىپ ئۇنى قۇتۇلدۇرۇشتىكى خەتەرگە تەۋەككۈل قىلىدىغان ھېكايىسى سۆزلىنىدۇ. بۇنىڭدا كىرىستېن سىتېۋارت (Kristen Stewart) باش رول ئالغان «قار مەلىكە ۋە ئوۋچى»نىڭ سىنارىستى ئېۋان داگھېرتىي (Evan Daugherty)  كىنونىڭ سىنارىيەسىنى يازغان.

دىسنىي يەنە ئۆزىنىڭ «كىچك سۇ پەرىسى» (小美人鱼)نى كىنو قىلىپ ئىشلەيدۇ، يەرشارى كىنوچىلىقى مۇشۇنىڭغا ئوخشاپ كېتىدىغان كىنونى ئىشلىگەن بولۇپ، لىن مانۇئېل مىراندا (Lin-Manuel Miranda) بىلەن ئالان مېركېن (Alan Menken) بۇ كىنونىڭ يېڭى مۇزىكىسىنى ئىشلەيدۇ.

باش سۈرەت تاللاش x
  • مەستانە1 ھەپتە ئىلگىرى

    سۇپەرىسىنى ئادەم نۇسخىسىدا ئىشلىسە پاھ ، يىگىتلەرنىڭ كۆزىدىن ئوت چىكەتسە ، بەك ئۇچۇقچىلىق

  • ئايتېكىن1 ھەپتە ئىلگىرى

    ئۇزۇن چاچ مەلەكىنى ئىشلىسە چوقۇم قىزىقارلىق بولىدۇ …

  • سۇمرۇغ گۈلى1 ھەپتە ئىلگىرى

    سۇ پەرىسىنى تېزراق كىنو قىلىپ ئىشلىسە ياخشى بۇلاتتى ،چۇقۇم بەك گۈزەل كىنو بۇلاتتى.

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号