باش بەت

نۇسرەتگۈل

8168يوللانما
123مەستانە

ياپونىيەدىكى ناھايىتى ئاز سانلىق ئادەم بىلىدىغان يەرلىك مىللەت - ئاينۇلار

مەنبە:خەلقئارا لىنىيە تورى يوللانغان ۋاقىت:2017-08-12 21:30 5 ئىنكاس چۈشتى

خەلقئارا خەۋەرلەر تورى 11-ئاۋغۇست خەۋىرى، نۇر تورى تەرجىمىسى:

ئامېرىكا «ۋاشىنگىتون پوچتا گېزىتى» تور بېكىتىنىڭ 7-ئاينىڭ 27-كۈنىدىكى خەۋىرىگە ئاساسلانغاندا، كىشىلەر ئومۇميۈزلۈك ھالدا ياپونىيەنى بىرلا مىللەتتىن تەركىب تاپقان دۆلەت دەپ قارايدىكەن. ئەمەلىيەتتە، بۇ دۆلەتتە «ئاينۇلار» دەپ ئاتىلىدىغان بىر يەرلىك مىللەت بار. ئوۋچىلىقنى ئاساس قىلىدىغان، تۇرمۇش لازىمەتلىكلىرىنى تەبىئەتتىن يىغىش ئارقىلىق تۇرمۇشىنى قامدايدىغان بۇ كىشىلەر تەبىئەتكە ۋە ھايۋاناتلارغا چوقۇنىدۇ، تىلى ۋە بىر قىسىم ئۆرپ-ئادەتلىرى شۇ ئەتراپتىكىلەرنىڭكىگە قىلچە ئوخشىمايدۇ. سۈرەتتە، ئاكان كۆلىنىڭ يېقىن ئەتراپىدىكى ئاينۇلار كەنتى. ئاكان كۆلى خوككايدو ئارىلىدىكى كۇشىرو شەھىرىدە بولۇپ، مۇھىم يەرلىك مىللىي ساياھەت مەركەزلىرىنىڭ بىرى.

9 يىل ئىلگىرى ياپونىيە پارلامېنتى ئاينۇلارنى «مۇستەقىل تىلى، دىنى ۋە مەدەنىيىتى» بار مىللەت دەپ ئېتىراپ قىلدى. شۇنداق قىلىپ 2008-يىلى ماقۇللانغان بۇ قارار ئۇزۇندىن بۇيان ئېزىلىشكە ئۇچراپ كېلىۋاتقان بۇ مىللەت كىشىلىرى ئۈچۈن كىچىك بولسىمۇ بىر غەلبە بولۇپ قالدى. گەرچە ئۇلارنىڭ ھېچقانداق بايانات ئېلان قىلىش ھوقۇقى بولمىسىمۇ، نەچچە ئەسىردىن بۇيان ئۇچراپ كەلگەن كەمسىتىلىشىگە ھېچقانداق تۆلەم بېرىلمىسىمۇ، كەچۈرۈم سورالمىسىمۇ ئۇلار يەنىلا ناھايىتى خۇشال بولدى. بۇ خىل كەمسىتىش 15-ئەسىردە باشلانغان بولۇپ، ئەينى ۋاقىتتا ياپونىيە مۇستەملىكىچىلىرى ئاينۇلارنىڭ ھازىر خوككايدو ئارىلى دەپ ئاتالغان زېمىنىنى يۇتۇۋالدى. كېيىن مېيجى دەۋرىدىكى قاتتىق تۈزۈم تۈپەيلى ئاينۇلارنىڭ ئۆزىنىڭ تىلىنى ئىشلىتىشى چەكلەنگەن ھەمدە ياپونچە ئىسىم ئىشلىتىشكە مەجبۇرلانغاندىن باشقا، يەنە بېلىقچىلىق ئەنئەنىسىنى داۋاملاشتۇرۇشقا ئامالسىز قالدى. بۇ سۈرەت 2013-يىلى تارتىلغان بولۇپ، بىر ئايال مىللىي كىيىملەرنى كىيىپ تۇڭ گۇلياخان چالماقتا. تۇڭ گۇلياخان ئاينۇلارنىڭ بىر خىل ئەنئەنىۋىي چالغۇ ئەسۋابى.

بۇ قارار ماقۇللىنىپ ئۇۇزن ئۆتمەي فوتوگراف لاۋرا لىۋېرانى بىر پىلان تۈزۈپ، ئاينۇلارنىڭ تۇرمۇشىنى خاتىرىلىدى. بۇ جەرياندا بىر قىسىم كىشىلەر ئەينى يىللىرى ئۇچرىغان خورلۇقلىرى توغرىسىدا سۆزلەپ بەردى. يەنە بىر قىسىملار ئاينۇلارنىڭ سارۇ دەرياسىنىڭ مەنزىرىسىنىڭ ئىلگىرى ناھايىتى گۈزەل ئىكەنلىكى، ياپونىيە ھۆكۈمىتىنىڭ ئۆتكەن ئەسىرنىڭ 90-يىللىرىدا بۇ دەرياغا بىر چوڭ توسما ياسىغانلىقىنى ئېيتىپ بەردى. ئۇلار: «شۇنچە گۈزەل مەنزىرە ئىچىدە بېتوندىن ياسالغان قۇرۇلۇشنى كۆرۈش ئادەمنى ھەقىقەتەن بىئارام قىلىدۇ» دېدى. بۇ بىر ئاينۇ سەنئەتكار، فوتوگرافنىڭ ئىشخانىسىدا ساقلانغان كونا سۈرەت.

لاۋرا نۆۋەتتە ئۆزىنىڭ ئاينۇلارنىڭ مەدەنىيىتى ۋە تىلىنى قوغداشقا تىرىشچانلىق كۆرسىتىۋاتقانلىقىنى بىلدۈردى. 2020-يىلى ياپونىيەدە ئولىمپىك تەنھەرىكەت يىغىنى ئۆتكۈزۈلىدۇ. شۇنىڭ ئۈچۈن ياپونىيە ھۆكۈمىتى ھازىر ئاينۇ مەدەنىيىتىنى يادرو قىلغان بىر ئەسلىھە قۇرۇشنى پىلانلاۋاتىدۇ. 

چىتوسې شەھەرلىك ئاينۇلار بىرلەشمىسىنىڭ ئەزاسى پىريوكو (Ryoko Suzusappno) خوككايدو ئارىلىدىكى شىكوتسۇ كۆلى بويىدا تۇرماقتا. ئاينۇلار ھۆكۈمەتنىڭ مەجبۇرلىشى بىلەن ياپونچە ئىسىم ئىشلىتىشكە مەجبۇر بولغان. بىراق، ھازىر بىر قىسىم ئاينۇلار ئۆز مىللىتىنىڭ ئىسىم-فامىلىسىنى ئىشلەتمەكتە. 

بۇ خوككايدو ئارىلى نوبورىبېتسۇ شەھىرى نوبورىبېتسۇ ئېيىق تۈرىدىكى ھايۋاناتلار باغچىسىنىڭ ئىچىگە جايلاشقان ئاينۇلار كەنتى.

بۇ خوككايدو ئارىلىدىكى بىر تاغلىق ئورمانلىقىدىن بايقالغان بۇغىنىڭ باش سۆڭىكى.

مونبېتسۇ بىر كەسپىي ئوۋچى بولۇپ، ئاساسلىقى بۇغا چە ئېيىق قاتارلىقلارنى ئوۋلايدۇ. ئاينۇلار ئارىسىدا ئوۋچىلىق ئەنئەنىسى ھېلىھەم ناھايىتى كەڭ ساقلانغان.

ماخامايا بىر تولۇق ئوتتۇرا مەكتەپ ئوقۇغۇچىسى. ئۇ يازلىق تەتىلدە قارمىقىنى ئېلىپ، بېلىقچىلار كىيىمى كىيىپ ئۆيىنىڭ يېنىدىكى دەرياغا بېلىق تۇتقىلى كەلدى.

ئۇ تۇتقان بېلىقلىرىنى چوڭ يوپۇرماق ئۈستىگە قويۇپ قويدى. 

بىر جۈپ ئاينۇ ئاچا-سىڭىل ئۆيىدە قۇرۇق قول ئېلىشىش مەشىقى قىلماقتا. ئۇلار كەنت مەدەنىيەت مەركىزىدە گۇمپا ئۆگەنگەندە ئاينۇلارنىڭ تىلىنىمۇ ئۆگەندى.

ماخاياما مومىسىنىڭ ئاينۇچە يېپىنچا توقۇش دۇكىنىدا تۇرماقتا. ماخايامانىڭ ئانىسى ئاينۇ، دادىسى ياپون.

بۇ ئەر خوككايدودىكى ئاينۇ مىللىي مۇزېيىنىڭ خىزمەتچىسى. ئۇ ئۆزىنىڭ باققان ئانىسىنىڭ ئاينۇ ئىكەنلىكىنى ئېيتقان بولۇپ، سۈرەتتە ئاينۇلارنىڭ ئەنئەنىۋىي ئۇزۇن يېپىنچىسىنى كىيىپ ئۆيىدە ئولتۇرماقتا.

ئوكى كانو بىر ئاينۇ مۇزىكانت، شۇنداقلا خوككايدو نېمۇرۇ شەھىرىدىكى «چوڭ» ئاينۇ جاڭ-دۇمباق ئەترىتىنىڭ قۇرغۇچىسى. سۈرەتتە، ئۇ ئۈنگە ئېلىش ئۆيىدە تۇڭ گۇلياخاننى تۇتۇپ، مۈشۈكياپىلاقنىڭ سىرتقى قىياپىتىگە ئوخشىتىپ تىكىلگەن كىيىم كىيىپ تۇرماقتا. بۇ كىيىم ياپونىيەدىكى بىر داڭلىق بالىلار پىروگراممىسى ئۈچۈن لاھىيەلەنگەن. مۈشۈكياپىلاق ئاينۇ دىنىدىكى ھايۋاناتلار ئىلاھلىرىنىڭ بىرى.

بۇ تۈۋرۈكسىمان قۇرۇلما بىر ئاينۇ جەڭچىسىگە ۋەكىللىك قىلىدۇ.

باش سۈرەت تاللاش x
  • چىدام6 كۈن ئىلگىرى

    مىراخور سىزنىڭ پىكرىڭىزگە ئەگەشتىم

  • ئوغۇز3 ئاي ئىلگىرى

    ئىشقىلىپ ئوخشاپ قالىدىكەن مىللىتىنىڭ ئىسمى قىززىقارلىقكەن ئەينو ياكى ئاينۇر بولسىغۇ بەك قىزىقارلق بولاكەن

  • شىرزات4 ئاي ئىلگىرى

    ئەسلى خوككايدونى ياپۇن مىللىتى بېسىۋاپتىكەندە

  • جامالىم4 ئاي ئىلگىرى

    كىيىملىرىنىڭ نەقىشلىرى بىزنىڭ بۇ تەرەپتىكى مۇڭغۇل مىللىتىنىڭ كىيىملىرىنىڭ نەقىشىگە ئوخشاپ قالىدىكەن

  • مىراخور4 ئاي ئىلگىرى

    بىزنىڭ بۇ يەرلەرگە ئۇخشامدۇ نىمە

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号