باش بەت

del103

2145يوللانما
48مەستانە

يېڭى ئەۋلاد iPhoneغا Apple Pencil سەپلىنىشى مۇمكىن

مەنبە:cnBeta تورى يوللانغان ۋاقىت:2017-08-24 22:33 0 ئىنكاس چۈشتى


cnbeta تورى 24-ئاۋغۇست خەۋىرى، نۇر تورى تەرجىمىسى:

بىر يىل بۇرۇن ئالما شىركىتىنىڭ باش ئىجرائىيە ئەمەلدارى تىم كۇك بىر باھالاش دوكلاتىدا ئۆزىنىڭ iPhoneدا Apple Pencil (ئالما ئېكران قەلىمى)نى ئىشلىتىپ باققانلىقىنى ئورتاقلاشقان، ئۇنىڭ دېيىشىچە، Apple Pencil ئارقىلىق iPad ياكى iPhoneدا ئىجادىيەت قىلغىلى بولىدىغانلىقىغا ئادەمنىڭ ئىشەنگۈسى كەلمەيدىكەن. چەتئەل تاراتقۇسى Patently Apple ئىلگىرى Apple Pencilگە ئائىت بىر قاتار پاتېنت تۈرىنى تونۇشتۇرۇپ خەۋەر ئېلان قىلغان، بۇ تور بېكەت بۈگۈن Apple Pencilگە ئائىت ئەڭ يېڭى پاتېنت ئىلتىماسىنىڭ تەپسىلاتىنى ئاشكارىلىدى، ئۇنىڭدا دېيىلىشىچە، ئالما شىركىتى بۇ قېتىم Apple Pencilنى iPhone غا ئىشلىتىدىكەن.

بۇ پاتېنت ماتېرىيالىدا ئالما شىركىتى «ئەقلىيفون ياكى تاختا كومپيۇتېرنىڭ سېزىمچان ئېكرانى» دېگەن سۆزلەرنى تىلغا ئالغان، ماتېرىيالنىڭ ئاخىرىغا ئەقلىيفون بىلەن تاختا كومپيۇتېرنىڭ iPhone ۋە iPadنى كۆرسىتىدىغانلىقى ئېنىق شەرھىلەنگەن. ئالما شىركىتىنىڭ بۇ يېڭى پاتېنتى Apple Pencilنىڭ ئورۇننى تېخىمۇ توغرا بەلگىلەش ئىقتىدارىنى يۇقىرى كۆتۈرىدىكەن، ئاددىي قىلىپ ئېيتقاندا، Apple Pencilنىڭ سېزىمچانلىقىنى تېخىمۇ ئاشۇرالايدىكەن.

ئالما شىركىتى پاتېنت ماتېرىيالىدا:

«يېڭى بىر ئەۋلاد iPad Pro ئېكرانىنىڭ يېڭىلىنىشى يۇقىرى كۆتۈرۈلگەندىن كېيىن، Apple Pencilنىڭ سەزگۈرلۈكى تېخىمۇ ئاشىدۇ، تېخىمۇ تەبىئىي ۋە راۋان ئىشلەيدۇ. iPhoneغا ئوخشاش مۇشۇنداق ئۈسكۈنىلەرگە نىسبەتەن، بۈگۈن ئېلان قىلىنغان پاتېنت تېخنىكىسى دەل Apple Pencilنىڭ iPhoneدىكى سەزگۈرلۈكىنى تېخىمۇ يۇقىرى كۆتۈرەلەيدۇ» دېگەن. ئاڭلاشلارغا قارىغاندا بۇ پاتېنت تېخنىكىسىنىڭ نىشانى ھەرگىزمۇ رەسىم سىزىش ئەمەس، بەلكى خاتىرە قالدۇرۇشقا قولايلىق يارىتىش ئىكەن.

سامسۇڭ شىركىتى 23-ئاۋغۇست ئۆزىنىڭ ئەڭ يېڭى بايراقدار يانفونى Galaxy Note 8نى ئېلان قىلدى. تاراتقۇلارنىڭ قارىشىچە، ئالما شىركىتى كەلگۈسىدىكى مەلۇم بىر ۋاقىتتا كىچىكلىتىلگەن Apple Pencilنى قوللايدىغان يېڭى نۇسخىدىكى iPhone ئېلان قىلىپ، سامسۇڭ بىلەن تېخىمۇ كەسكىن رىقابەتكە چۈشىدىكەن. كونكرېت ئېيتقاندا، ئېكران قەلىمى سەپلەنگەن iPhone كەلگۈسىدە سامسۇڭنىڭ Galaxy Note 8 يانفونى بىلەن رىقابەتلىشىدىكەن.

باش سۈرەت تاللاش x
ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号