باش بەت

ئادىلجان

6179يوللانما
134مەستانە

تىم كۇكنىڭ يانچۇقىدىكى يانفون iPhone 8 مۇ؟

مەنبە:نۇقتا تېخنىكا تورى يوللانغان ۋاقىت:2017-08-25 20:17 0 ئىنكاس چۈشتى

technode تورىنىڭ 25-ئاۋغۇستتىكى خەۋىرى، نۇر تورى تەرجىمىسى:

ئالما iPhone 8نى ئېلان قىلىش ئالدىدىكى بىر پەيتتە، ئۇزۇندىن بۇيان ئاممىۋى سورۇنلاردا ئۆزىنى كۆرسەتمىگەن تىم كۇك ئامما ئارىسىدا پەيدا بولدى. بېيجىڭ ۋاقتى تۈنۈگۈن كەچ كۇك سىنسىننات ئىشتاتىدىكى CTS زاۋۇتىنى ئېكىسكۇرسىيە قىلدى ھەمدە توردا بىر پارچە سۈرەتنى يوللىدى. ئەمما قىزغىن ۋە ئۆتكۈر كۆزلۈك تورداشلار كۇكنىڭ زاۋۇتنى ئېكسكۇرسىيە قىلغىنىغا ئانچە قىزىقمىغاندەك قىلىدۇ، كۆپچىلىكنىڭ دىققىتى كۇكنىڭ يانچۇقىغا چۈشۈپ قالدى. 

سۈرەتكە ئىنچىكە قاراپ بېقىڭ، كۇكنىڭ يانچۇقىدا بىر نەرسە بارلىقىنى بايقىدىڭىزمۇ، ئادەتتىكىدەك پەرەز قىلغاندا ئۇنىڭ بىر iPhone بولۇشى ئېھتىمالغا بەك يېقىن. ئەمما بۇ iPhone قارىماققا ناھايىتى ئۇزۇندەك قىلىدۇ، ھەم سەل تارراق، ھەتتا بەزىلەر سۈەت ئارقىلىق ئۇنىڭ رازمېرىنى 156mm x 74mm دەپ مۆلچەرلەپ چىقتى، بۇ رازمېر  iPhone 7 Plusتىن قىسقا ھەم تارراق. ئۇنىڭدىن باشقا ئىلگىرىكى خەۋەرلەرگە ئاساسلانغاندا، بۇ رازمېر iPhone 8 نىڭ چوڭلۇقىغا يېقىنلىشىدۇ. 

بۇرۇنقى خەۋەرلەردە iPhone 8 گە پۈتۈن ئېكران سەپلىنىدىغانلىقى، رازمېرى 5.8 ديۇم بولىدىغانلىقى خەۋەر قىلىنغان، بۇنىڭدىن قارىغاندا كۇكنىڭ يانچۇقىدىكى يانفوننىڭ iPhone 8 بولۇش ئېھتىماللىقى يۇقىرى. 

iPhone 8 ھەققىدىكى يېقىنقى خەۋەرلەرگە ئاساسلانغاندا، iPhone 8 سىمسىز توك قاچىلاشنى قوللايدۇ، ئۇنىڭ ئۈستىگە چوڭ-كىچىكلىكنى ئاپتوماتىك تەڭشىيەلەيدىغان بىر home كۇنۇپكىسى بار، ئۇنىڭدىن باشقا، ئۇنىڭ يەنە «قىزىل» رەڭلىك تىپىمۇ چىقىرىلىدۇ. 

ئاخىرقى بىر سوئال، ئەگەر ئاممىۋى سورۇندا تېلېفون كەلسە كۇك ئالارمۇ؟ 

باش سۈرەت تاللاش x
ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号