باش بەت

zefer

1197يوللانما
86مەستانە

تېخنىكا يېتىشمەسلىكتىن iPhone 8نىڭ ئىشلەپچىقىرىلىشى بىر ئاي كېچىكتى

مەنبە:نۇقتا تېخنىكا تورى يوللانغان ۋاقىت:2017-09-08 16:00 0 ئىنكاس چۈشتى

iPhone 8 تېزلا ئېلان قىلىنىدۇ، لېكىن ئىشلەپچىقىرىش جەريانىدا مەسىلە كۆرۈلگەندەك قىلىدۇ. «ۋال كوچىسى گېزىتى»نىڭ خەۋىرىگە قارىغاندا، iPhone 8نى ئىشلەپچىقىرىش تەخمىنەن بىر ئاي كەينىگە سۈرۈلگەن.

خەۋەردە يەنە بىز ئاللىقاچان خەۋەر تاپقان ئۇچۇرلارمۇ تىلغا ئېلىنغان: OLED بىرىكمە دېتالىنىڭ تەننەرخى بىر قەدەر يۇقىرى بولغاچقا، iPhone 8نىڭ باشلىنىش باھاسى 1000 دوللار بولۇشى مۇمكىن ئىكەن، شۇنداقلا تۇنجى قېتىم OLED ئېكران بىلەن چىراي پەرقلەندۈرۈش تېخنىكىسى ئىشلىتىلىدىكەن.

«ۋال كوچىسى گېزىتى»دە مۇنداق دېيىلدى: «OLED بىرىكمە دېتالىغا نىسبەتەن ئالما بىر قەدەر قىيىن ئۇسۇلنى تاللىدى، شۇنىڭ بىلەن ئىشلەپچىقىرىش مەسىلىسى كېلىپ چىقتى.» بۇ تېخنىكىغا پىششىق زاتلارنىڭ سۆزىگە ئاساسلانغاندا، سامسۇڭنىڭ OLED ئېكران بىلەن سېزىمچان ئېكراننى توپلاشتۇرىشىغا ئوخشىمايدىغىنى شۇكى، ئالمىنىڭ لايىھەسىدە سېزىمچان ئېكران مودېلى كۆرسىتىش ئېكرانىنىڭ سىرتىغا قۇيۇلىدىكەن. ئالمىنىڭ لايىھەسىگە تېخىمۇ كۆپ يېپىشتۇرغۇچ ۋە قوغداش قەۋىتى ئىشلىتىلگەچكە، قۇراشتۇرۇشتىكى خاتالىق نىسبىتى يەنىمۇ زورايغان.

ئىلگىرى كەيجى ئاكسىيەسى ئېلان قىلغان دوكلاتتا مۇنداق دېيىلگەن ئىدى: «ئالما پەقەت سامسۇڭنىڭ OLED تاختىسىغىلا تايىنىدۇ، سامسۇڭ چوقۇم باھانى ئۆرلىتىدۇ.» ئېيتىشلارغا قارىغاندا، ئالما ھازىر LGنى ئىككىنچى تەمىنلىگۈچى قىلىشنى ئويلىشىۋېتىپتۇ، لېكىن بۇ 2019-يىلى ئاندىن ئىشقا ئېشىشى مۇمكىن.

باش سۈرەت تاللاش x
ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号