باش بەت

ئىدىقۇت887

2060يوللانما
15مەستانە

7 ياشلىق ئوغۇل بالىغا باسقۇنچىلىق قىلىشى ئەمەلگە ئاشمىغان ھىندىستانلىق ئەر بالىنى ئۆلتۈرۈۋەتتى

مەنبە:يەر شارى تورى يوللانغان ۋاقىت:2017-09-10 15:50 0 ئىنكاس چۈشتى

ھىندىستان ساقچىلىرى 9-سېنتەبىر جىنسىي تاجاۋۇزچىلىق يەتكۈزۈش قىلمىشى ئەمەلگە ئاشمىغان قاتىللىق قىلىش دېلوسىنى پاش قىلغانلىقىنى ئېلان قىلغان. ئېيتىلىشىچە، ھىندىستاندىكى مەلۇم خەلقئارالىق مەكتەپنىڭ ئاپتوبۇس خادىمى 7 ياشلىق ئوغۇل بالىغا جىنسىي تاجاۋۇز قىلماقچى بولغاندا بالىنىڭ قارشىلىقىغا ئۇچرىغاندىن كېيىن رەزىل قىلمىشىنىڭ پاش بولۇپ قېلىشىدىن ئەنسىرەپ بۇ ئوغۇل بالىنىڭ كانىيىغا پىچاق تىقىپ ئۆلتۈرۈۋەتكەن. بۇ ئىش يۈز بەرگەندىن كېيىن نەچچە يۈز ئاتا-ئانا مەكتەپكە كېلىپ ئېتىراز بىلدۈرگەن، بەزى ئاتا-ئانىلار غەزىپىنى باسالماي مەكتەپتىكى نەرسىلەرنى ئۇرۇپ-چاققان. چەتئەل تاراتقۇلىرىنىڭ خەۋىرىگە قارىغاندا، 2015-يىلىدىن بۇيان ھىندىستاندا يۈز بەرگەن بالىلارغا جىنسىي تاجاۋۇزچىلىق قىلىش دېلوسى 10 مىڭ قېتىمدىن ئېشىپ كەتكەن بولۇپ، بۇنىڭ ئىچىدىكى كۆپىنچە دېلولارنى بالىلارغا تونۇشلۇق كىشىلەر سادىر قىلغانىكەن.

بۇ دېلو ھىندىستاننىڭ گۇرگان شەھىرى (Gurgaon) دىكى رۇيئەن خەلقئارا مەكتىپىدە يۈز بەرگەن بولۇپ، زىيانكەشلىككە ئۇچرىغان بالا باشلانغۇچ مەكتەپنىڭ 2-يىللىقىدا ئوقۇيدىكەن. شۇ كۈنى ئەتىگەندە، بىر قىسىم كىشىلەر بۇ بالىنىڭ مەكتەپ ھاجەتخانىسى سىرتىدا قان ئىچىدە ياتقانلىقىنى، ئەينى چاغدا جان تالىشىپ سەكراتقا چۈشۈپ قالغانلىقىنى بايقىغان. بۇ ئوغۇل بالا جىددىي دوختۇرخانىغا ئاپىرىپ قۇتقۇزۇلغان بولسىمۇ، لېكىن ئەڭ ئاخىرىدا يەنىلا قۇتقۇزۇش ئۈنۈم بەرمەي ئۆلۈپ كەتكەن.

زىيانكەشلىككە ئۇچرىغان بالىنىڭ ئاچىسىمۇ مۇشۇ مەكتەپتە ئوقۇيدىغان بولۇپ، دېلو يۈز بەرگەن كۈنى ئەتىگەندە، بالىلارنىڭ دادىسى ئاچا-ئىنى ئىككىسىنى مەكتەپكە ئاپىرىپ قويۇپ ئەمدى ئۆيىگە بېرىپ تۇرۇشىغا ساقچى تەرەپنىڭ تېلېفونىنى تاپشۇرۇۋالغان.

دېلو يۈز بەرگەندىن كېيىن، قاتتىق غەزەپلەنگەن نەچچە يۈز ئاتا-ئانا مەكتەپكە كېلىپ مەكتەپنىڭ ئەسلىھەلىرىنى ئۇرۇپ چاققان. ئاتا-ئانىلار مەكتەپ تەرەپنىڭ جىددىي ئەھۋالغا تاقابىل تۇرۇش تەدبىرىدىن نارازى بولۇپ، ساقچى تەرەپتىن مەكتەپ باشقۇرغۇچىلىرىنى خىزمەت ئورنىدا بىپەرۋالىق قىلىش جىنايىتى بىلەن قولغا ئېلىشنى تەلەپ قىلغان.

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号