باش بەت

خەۋەرلەر

3275يوللانما
18مەستانە

داشى ئېلېكتىرونلۇق سودا رايونى لوپنۇر ئالقاتلىرىنى سېتىپ چىقىرىدىغان ئاساسلىق سۇپا بولۇپ قالدى

مەنبە:تەڭرىتاغ تورى يوللانغان ۋاقىت:2017-09-13 15:42 0 ئىنكاس چۈشتى

 ياسىنجان رەھمىتۇللا خەۋەر قىلىدۇ: شىنجاڭ ‹‹لوپنۇرلۇقلار كەنتى›› بىيو تېخنىكا شىركىتىنىڭ لىدىرى فېڭ شياۋلۇڭ 8 – ئاينىڭ 19 – كۈنى لوپنۇر ناھىيەسىنىڭ نۇرلۇق مەھەللىسىدىكى داشى ئېلېكتىرونلۇق سودا كەسىپلەر رايونىدىكى دۇكىنىدا خېرىدارلارغا ئۆزى تېرىغان قارا ئالقاتنى كۆرگەزمە قىلدى. ئۇ بۇلتۇر 2000 مو يەرگە تېرىغان ئالقاتلىرىنى داشى ئېلېكتىرونلۇق سودا سۇپىسى ئارقىلىق سېتىپ چىقارغانىدى. ھازىر داشى ئېلېكتىرونلۇق سودا رايونى لوپنۇر ناھىيەسىنىڭ ئالقاتلىرىنى سېتىپ چىقىرىدىغان ئاساسلىق سۇپا بولۇپ قالدى.

 لوپنۇر ناھىيەسى بۇلتۇر 7 مىليون 200 مىڭ يۈەن مەبلەغ سېلىپ، لوپنۇر ناھىيەسىنىڭ نۇرلۇق مەھەللىسىدە داشى ئېلېكتىرونلۇق سودا كەسىپلەر رايونىنى قۇرۇپ چىققانىدى. مەزكۇر ئېلېكتىرونلۇق سودا رايونىنىڭ كۆلىمى 8000 كىۋادرات مېتىر بولۇپ، 96 ئېلېكتىرونلۇق سودا دۇكىنى بار، دۇكانلارنىڭ يۈرۈشلەشكەن ئەسلىھەلىرى تولۇق بولۇپ، ئىگىلىك تىكلىگۈچىلەر بىۋاسىتە ماكانلاشتى. ھازىرغىچە بۇ يەرگە ماكانلاشقان ئېلېكتىرونلۇق سودا كارخانىسى ۋە شەخسلەر 89غا يەتتى. مەزكۇر ئېلېكتىرونلۇق سودا سۇپىسى ئارقىلىق بازارغا سېلىنغان مەھسۇلاتلاردىن پاختا توقۇمىچىلىق بۇيۇملىرى، كىچىك ماينان، لوپنۇر قويى گۆشى، لوپنۇر چىگىسى، قارا – قىزىل ئالقات ۋە 20 خىلدىن ئارتۇق قۇرۇق يەل – يېمىش بار.

 ئىستاتىستىكا قىلىنىشىچە، لوپنۇر ناھىيەسى داشى ئېلېكتىرونلۇق سودا رايونىنىڭ بۇلتۇرقى ئالاقە تورى سودا سوممىسى 64 مىليون 200 مىڭ يۈەنگە يەتكەن.

مەنبە: http://uy.ts.cn/news/content/2017-09/13/content_619248.htm

باش سۈرەت تاللاش x
ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号