باش بەت

zefer

1202يوللانما
86مەستانە

iPhone Xنىڭ تېز زەرەتلىگۈچىسى قالتىس، ئەمما ئايرىم پۇل خەجلەيسىز

مەنبە:نۇقتا تېخنىكا تورى يوللانغان ۋاقىت:2017-09-14 11:14 0 ئىنكاس چۈشتى

ئۈرۈمچى ۋاقتى 12-سېنتەبىر كەچتىكى كۈزلۈك مەھسۇلات ئېلان قىلىش يىغىنىدا ئالما: «8 iPhone بىلەن iPhone X تېز سۈرئەتتە زەرەتلەشنى قوللايدۇ، 30 مىنۇتتا %50 زەرەتلىگىلى بولىدۇ» دېگەن تەپسىلاتنى تىلغا ئالمىدى، ئاڭلىماققا بۇ ئىقتىدار خېلىلا قالتىس، ئەمما بۇنى ئەمەلگە ئاشۇرۇش ئۈچۈن مەلۇم بەدەل تۆلەپ، ئايرىم زاپچاس سېتىۋېلىشقا توغرا كېلىدۇ، ئېھتىمال دۇنيادىكى ئەڭ قىممەت ئەقلىيفوننى ئېلان قىلىۋاتقان ئالما شىركىتى مەھسۇلات ئېلان قىلىش يىغىنىدا بۇنى تىلغا ئېلىشتىن تارتىنغاندۇ.

تېز سۈرئەتتە زەرەتلەشنى ئەمەلگە ئاشۇرۇش ئۈچۈن iPhoneغا USB-C توك مەنبەسىنى ماسلاشتۇرغۇچ بىلەن USB-C to Lighting توك سىمى ئىشلىتىلمىسە بولمايدۇ، لېكىن بۇ زاپچاسلارنى ئالما ھەرگىزمۇ سىزگە ھەقسىز سوۋغا قىلمايدۇ. بۇ يىلنىڭ باشلىرىدا ئېلان قىلىنغان 10.5 دىيۇملۇق iPad Pro بىلەن 12.9 دىيۇملۇق يېڭى iPad Proمۇ تېز سۈرئەتتە زەرەتلەشنى قوللايدۇ.

نۆۋەتتىكى ئەڭ ئەرزان توك مەنبەسى ماسلاشتۇرغۇچ 12 دىيۇملۇق MacBookنىڭ 29Wلىق توك مەنبەسى ماسلاشتۇرغۇچى بولۇپ، سېتىلىش باھاسى 50 ئامېرىكا دوللىرى (تەخمىنەن 330 يۈەن)، ئەلۋەتتە ئۈچىنچى تەرەپ توك مەنبەسى ماسلاشتۇرغۇچىنىمۇ ئىشلىتىشكە بولىدۇ، بىراق پارامېتىرىنىڭ ماس كېلىدىغان-كەلمەيدىغانلىقىغا دىققەت قىلىش كېرەك. 

iPhone 8 بىلەن iPhone X سىمسىز زەرەتلەشنى قوللايدۇ، لېكىن زەرەتلەۋاتقاندا يانفون ئىشلىتىشكە توغرا كەلسە قانداق قىلىش كېرەك. ھېلىمۇ ياخشى ئۇلار تېز سۈرئەتتە زەرەتلەشنى قوللايدىكەن، بىراق ئالما يەنىلا مەرد ئەمەس، دائىم زاپچاسنى ئايرىم سېتىپ، ئابۇنىتلىرىنى ئارتۇق پۇل خەجلەتكۈزىدۇ.

باش سۈرەت تاللاش x
ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号