باش بەت

كىنوچى

3874يوللانما
215مەستانە

«قارا تۇل خوتۇن» نىڭ فىلىمى ئىشلىنىشى مۇمكىن، سىز كۈتۈشنى خالامسىز؟

مەنبە:تېڭشۈن تورى يوللانغان ۋاقىت:2017-11-15 15:38 0 ئىنكاس چۈشتى

«يېشىل گىگانت ئادەم»، «پولات پالۋان»، «ئامېرىكا كاپىتان» دىن «چاقماق ئىلاھى»، «چۈمۈلە ئادەم» ۋە «قىساسكارلار ئىتتىپاقى» غىچە، يېقىنقى يىللاردىن بۇيان، مارۋېل ھەجۋىي رەسىمىدىن ئۆزگەرتىلگەن دەرىجىدىن تاشقىرى قەھرىمانلار فىلىمى زور مۇۋەپپەقىيەتكە ئېرىشتى. مانا بۈگۈن، مارۋېل دۇنياسىدىكى ئەڭ داڭلىق ئايال دەرىجىدىن تاشقىرى قەھرىمان «قارا تۇل خوتۇن Black Widow» مۇ ئۆزىنىڭ تۇنجى مۇستەقىل كىنوسىنى كۈتىۋالىدىغان بولدى.

چەتئەل تاراتقۇلىرىنىڭ خەۋىرىگە ئاساسلانغاندا، «مارۋېل ئاتىسى» Stan Lee ئاۋسترالىيە برسىباندا Supanova مارۋېل كۆرگەزمىسىگە قاتناشقاندا، كەلگۈسىدە «قارا تۇل خوتۇن» نىڭ مۇستەقىل فىلىمى بارلىققا كېلىدىغانلىقىنى بىلدۈرگەن. قارىماققا، مىڭلىغان مارۋېل مەستانىلىرىلا ئەمەس، ھەتتا مارۋېل بوۋايمۇ بۇ ئايال دەرىجىدىن تاشقىرى قەھرىمانغا ئىنتايىن ئامراق بولۇپ، گەرچە مارۋېل ئورگان تەرەپ بۇ ئۇچۇرنى ئېلان قىلمىغان بولسىمۇ، لېكىن Stan Lee نىڭ مەرتىۋىسىنى ئويلاشقاندا، ئۇنىڭ ئاغزىدىن چىققان سۆز يەنىلا چوڭ سالماققا ئىگە.

سىكارلېت جوھانسون ياراتقان «قارا تۇل خوتۇن» ئوبرازى ئاللىبۇرۇن مارۋېل مەستانىلىرىنىڭ قەلبىگە چوڭقۇر سىڭىپ بولدى، ھەمدە پۈتۈن دۇنيادا تۈمەنلىگەن مەستانىلەرگە ئېرىشتى. بۇندىن بۇرۇن، ئۇ «قىساسكارلار ئىتتىپاقى1»، «قىساسكارلار ئىتتىپاقى2»، «ئامېرىكا كاپىتانى2» ۋە «ئامېرىكا كاپىتانى3» قاتارلىق فىلىملەردە قارا تۇل خوتۇن رولىنى ئالغان بولۇپ، لېكىن «پولات پالۋان»، «ئامېرىكا كاپىتانى»، «چاقماق ئىلاھى» قاتارلىق «پېشقەدەم» دەرىجىدىن تاشقىرى قەھرىمانلارنىڭ ئاللىبۇرۇن مۇستەقىل فىلىم ئىشلىنىپ بولدى، ھەتتا «چۈمۈلە ئادەم» ۋە «قارا قاپلان» دەك يېڭى پېرسوناژلارنىڭمۇ مۇستەقىل فىلىمى ئىشلىنىپ بولدى، پەقەت قارا تۇل خوتۇننىڭلا مۇستەقىل فىلىمى يوق، بۇمۇ ھەم كۆپلىگەن كۆرۈرمەنلەرنىڭ ئۈمىدسىزلىنىشىدىكى ئاساسلىق سەۋەب.

Stan Lee دىن باشقا يەنە، «چاقماق ئىلاھى3» نىڭ رېژىسسورى تايكا ۋايتىتىمۇ قارا تۇل خوتۇننىڭ مۇستەقىل فىلىمىگە بولغان ئۈمىدىنى ئىپادىلىگەن. سىز كۆپلىگەن مارۋېل فىلىمىدە قالتىس ئىپادىسى بىلەن كۆرۈرمەنلەرنىڭ قەلبىدىن ئورۇن ئالغان بۇ ئايال دەرىجىدىن تاشقىرى قەھرىماننىڭ فىلىمىنى كۆرۈشنى خالامسىز؟

باش سۈرەت تاللاش x
ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号