تېڭشۈن تورى 17-نويابر خەۋىرى، نۇر تورى تەرجىمىسى:

ئالما يانفونىنىڭ ھە دېسىلا سىرى چۈشۈپ، جىجىلىپ كېتىدىغانلىقى ھەممىمىزگە ئايان، بولۇپمۇ يېقىندا ئېلان قىلىنغان iPhone X تېخىمۇ شۇنداق، ھەر ھالدا ئارقا قېپىنىڭ ماتېرىيالىنى مېتالدىن ئەينەككە ئالماشتۇرغان بولسىمۇ، ئەھۋالدا ئانچە چوڭ ئۆزگىرىش بولمىدى. ئامراق يانفونىڭىزنى ئۈچ قات قاپقا سېلىۋالسىڭىزمۇ، ئەمما يەنىلا ئېھتىيات قىلماي بولمايدۇ، ھەر قانچە بولسىمۇ يانفونىڭىزنى ئۈچىنچى قەۋەتتىن تاشلىۋەتمەيسىز ھە قاچان. يېقىندا بىر چەتئەللىك ئاكاش كىچىك ۋاقتىدا ئوينايدىغان كاۋچۇك لايدىن iPhone Xكە قاپ ياساپ چىقتى، قېنى سىزگە يارامدىكىن قاراپ بېقىڭ؟ 

ئالدى بىلەن بىر دۆۋە كاۋچۇك لاينى تەييار قىلىسىز، ئاندىن iPhone Xنى ئۇنىڭ ئىچىگە سالىسىز، ئاخىرىدا لاينى يۇمىلاق شەكىلگە كەلتۈرىسىز. 

ئۇنىڭدىن كېيىن ئاساسىي مەشغۇلاتنى سىناپ باقىسىز، مەسىلەن توپ تاشلاش دېگەندەك، بۇنىمۇ 10 قېتىم قىلىشىڭىز كېرەك. 

قاراڭ iPhone X كە ھېچنېمە بولمىدى. ئىشەنمىسىڭىز سىناپ بېقىڭ. 

مانا ئەمىسە، ئۆيىڭىز بار بىنانىڭ ئۈچىنچى قەۋىتىگە چىقىڭ-دە، iPhone X توپىنى يەرگە تاشلاڭ. 

iPhone X ناھايىتى تېز سۈرئەتتە يەرگە چۈشمەكتە، يۈرىكىڭىزنى قانداق سوقۇۋاتقانلىقىنى ئۆزىڭىزگە ئايان. 

ئىچىگە iPhone X سېلىنغان كاۋچۇك لاي يەرگە قاتتىق چۈشتى، بۇ كۆرۈنۈشنى ئاپپارات ئېنىق تارتىۋالدى. 

بۇ سىننى ئاستىلىتىپ قويغاندىن كاۋچۇك لاينىڭمۇ يېرىلىپ كەتكەنلىكىنى بايقىدىڭىز ھە قاچان! ھىم، ئۇنداقتا iPhone Xنىڭىزنىڭ نەچچە قوۋۇرغىسى سۇنۇپ كەتكەن بولۇشى مۇمكىن...

بىراق، ئىش سىزنىڭ ئويلىغىنىڭىزدەك بولمىغان ئىدى، iPhone X كە ھېچنېمە بولمىغانىدى، ئېكرانى ۋە ئارقا قېپى ساپساق ئىدى. 

كاۋچۇك لېيىنىڭ قارشى تۇرۇشچانلىقى ناھايىتى ياخشى بولسىمۇ، ئەمما بۇنىڭدىن پايدىلىنىپ قاپ ياساپ چىقىشنى ھېچكىم ئويلاپ باقمىغان بولۇشى مۇمكىن.