باش بەت

ئىدىقۇت887

7403يوللانما
16مەستانە

ئۇكرائىنالىق پالۋان ئات كۆتۈرۈپ دۇنيا رېكورتى ياراتتى

مەنبە:تېڭشۈن تورى يوللانغان ۋاقىت:2017-12-08 18:40 8 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى:

بىز نەچچە مىڭ يىلدىن بېرى ئادەملەرنىڭ ئاتنى مىنىپ كېلىۋاتقانلىقىنى كۆرگەن، لېكىن سىز ئاتنىڭ ئادەمنى «مىنگەن» لىكىنى كۆرۈپ باققانمۇ؟ بەلكىم سىز مېنى چاقچاق قىلىۋاتىدۇ دەپ ئويلىشىڭىز مۇمكىن، كىممۇ بىر ئاتنى كۆتۈرەلىسۇن دەيسىز؟ لېكىن ئەمەلىيەت شۇنى ئىسپاتلايدۇكى، بۇ دۇنيادا كارامەتلىك غەلىتە ئادەملەر ھەقىقەتەن كەم ئەمەس. ئامېرىكا غەلىتە خەۋەرلەر تور بېكىتىنىڭ خەۋىرىگە قارىغاندا، ئۇكرائىنالىق دىمىيترو كالاجى (Dmytro Khaladzhi) ئىسىملىك پالۋان ئۆز ئەمەلىي ھەرىكىتى ئارقىلىق «ئاتنى كۆتۈرگىلى بولىدىغان» لىقىنى ئىسپاتلىغان! (يۇقارقى سۈرەتتە، دىمىيترو كالاجى بىر تۇياق ئاتنى مۈرىسىدە كۆتۈرگەن ھالدا مىڭ تەستە ئالدىغا قاراپ كېتىۋاتماقتا. دىمىيترو كالاجىنىڭ مۈرىسىدىكى بۇ ئاتنىڭ شۇ تاپتىكى «تەسىراتى» زادى قانداقتۇ ھە؟)

لېكىن دىمىيترو كالاجىنىڭ «ئاتنى يۈدۈپ مېڭىشى» تازا دېگەندەك ئوڭۇشلۇق بولمىغان. بىرىنچىدىن، ئادەمگە نىسبەتەن ئېيتقاندا، ئات ھەقىقەتەن يوغان مەخلۇق، ئىككىنچىدىن، بۇ ئات تىرىك ئات بولغاچقا، باشقىلار مۈرىسىگە ئارتىپ كۆتۈرۈۋالسا ئەلۋەتتە بىئارام بولۇپ تىپىرلاپ جىم تۇرۇپ بەرمەيدۇ، شۇنداققۇ؟ ئات پەقەت تىپىرلاپ ئارام بەرمىسە، ھەر قانچە كۈچلۈك پالۋانمۇ قىيىنچىلىققا بەرداشلىق بېرەلمەي قالىدۇ، ئەلۋەتتە. شۇڭلاشقا، دىمىيترو كالاجى ئاتنى كۆتۈرۈشكە ئەپلىك بولۇشى ئۈچۈن ئاتنىڭ پۇتلىرىنى ئارغامچىدا چېتىپ باغلاپ قويغانىدى. توغرا، خۇددى سىز يۇقارقى سۈرەتتە كۆرگەندەك، دىمىيترو كالاجى ئىسىملىك بۇ پالۋان كۆپچىلىكنىڭ ئالدىدا ئاتنى كۆتۈرۈپ مېڭىپ يېڭى جىننېس دۇنيا رېكورتى ياراتقانىدى! سۈرەتتە، دىمىيترو كالاجى نۇرغۇن كىشىلەرنىڭ گۇۋاھلىقىدا ئاتنى مۈرىسىدە كۆتۈرۈپ ئالغا قاراپ كېتىۋاتماقتا.

ئاتنىڭ ئوتتۇرىچە ئېغىرلىقى ئادەتتە 300~350 كىلوگرامغىچە كېلىدىغان بولۇپ، سۈرەتتىن دىمىيترو كالاجى كۆتۈرگەن ئاتنىڭمۇ ئۇنچە كىچىك ئات ئەمەسلىكىنى كۆرۈۋالغىلى بولاتتى. ئۇنداقتا، ئاتنى مۈرىسىدە كۆتۈرۈپ دۇنيا رېكورتى ياراتقان بۇ «كۈچتۈڭگۈر پالۋان» زادى كىم؟ ۋىكى قامۇسى تور بېتىدە كۆرسىتىلىشىچە، بۇ پالۋان 63 تۈرلۈك دۇنيا رېكورتى ياراتقان قالتىس ئادەم ئىدى، بۇ رېكورتلارنىڭ ئىچىدە چىش بىلەن پولات چىۋىقنى ئېگىش، ئالقىنىدا مىخ مىخلاش قاتارلىق ھەر تۈرلۈك رېكورتلار بار ئىدى. بۇنىڭ ئىچىدە، «ئات كۆتۈرۈپ مېڭىش» تىن ئىبارەت بۇ رېكورت تورداشلارنى ئەڭ قاتتىق ھەيران قالدۇرغانىدى. يۇقارقى سۈرەتتە، دىمىيترو كالاجى چىشى بىلەن پولات چىۋىقنى ئەگمەكتە.

ئۇنداقتا، دىمىيترو كالاجى نېمىشقا شۇنچە كۈچلۈك پالۋان بولۇپ چىقىش ئۈچۈن توختىماي تىرىشچانلىق كۆرسىتىدۇ؟ دىمىيترو كالاجى 4 ياشقا كىرگەن يىلى ئېغىر دەرىجىدە كۆيۈپ يارىلىنىپ ئىلگىرى-كېيىن 7 قېتىم ئوپراتسىيە قىلىنىپ 12 قېتىم قان سېلىنغان، ئۇ پەقەت 7 ياشقا كىرگەندىلا ئاندىن قايتا يول مېڭىشنى ئۆگەنگەن، قۇرامىغا يەتكەندىن كېيىن مەلۇم سېرك ئۆمىكىدە ئىشلەشكە باشلىغان. دىمىيترو كالاجى تەدرىجىي ھالدا كۈچ-قۇۋۋەتكە مەپتۇن بولۇپ قالغان ھەم توختىماي چېنىقىپ دەرىجىدىن تاشقىرى پالۋانغا ئايلىنىپ دۇنيانى بويسۇندۇرۇشقا بەل باغلىغان. دىمىيترو كالاجى ھازىرغا قەدەر ئېغىرلىق كۆتۈرۈش تۈرىدە چېمپىيونلۇققا ئېرىشىپلا قالماستىن بەلكى يۇقارقىدەك 63 تۈرلۈك دۇنيا رېكورتى ياراتقان بولۇپ، ئۇ ھەقىقەتەن قالتىس ئادەمگە ئايلانغانىدى.

باش سۈرەت تاللاش x
  • تور خۇمار1 ئاي ئىلگىرى

    مىنىڭ قىزىممۇ مىنىڭ گاز تۇڭىنى بىر قوللاپ كۆتۈرگىنىم، ۋە ئۆزىنى ئىگىزگە ئىتىپ تۇتۇۋالالايدىغىنىمدىن پەخىرلىنىپ، باشقىلارغا ماختىنىدۇ، ئەمەلىيەتتىمۇ ھەربىر ئاتا ئۆز پەرزەنتىنىڭ نەزەرىدە پالۋان،

  • ئۆزەمنىڭ مەستانىسى4 ئاي ئىلگىرى

    ھەممە ئادەمنىڭ دادىسى ئۆز پەرزەنتى ئۈچۈن پالۋان.

  • ئابدۇمۇتەللىپ4 ئاي ئىلگىرى

    غېنى باتۇرمۇ 100مىتىر يىراققا ئاپىرىپ ئەكەلگەن يوغان بىر ئاتنى

  • ئۆتكەن كۈنلەر4 ئاي ئىلگىرى

    تاقىرباش ئادەم قاراقوي بىرايەن سىتوۋمەنگە ئوخشايدىكەن ئارقىدىن قارىسا شۇمىيا

  • ❥゛ÐáT~Tùしα ✌4 ئاي ئىلگىرى

    داداممۇ ياشلىقىدا بىر كالىنى يۈدۈپ 500مىتىر مېڭىپتىكەن
    ھازىر 46ياشقا كىردى ،پالۋان دەپ دادامنى دىسە بۇلىدىكەن

  • بوكسىيۇر4 ئاي ئىلگىرى

    يېقىنقى مەزگىللەردىلا غۇلجا ناھىيەسىدە بىر ئادەمنىڭ ئەللىك بەش تەرەكتۇرنىڭ ئالدىنى كوتۇرگەنلىكىدەك ئىشلار باتتى ،ئەسلى ئۇلارمۇ مۇشۇنداق دۇنياۋى مۇسابىقىلەرگە قاتناشقان بولسا دولىتىمىزگە خەلقىمىزگە شان شەرەپ كەلتۇرەتتىكەندۇق

  • 91564 ئاي ئىلگىرى

    ئاجايىپ ئادەملەر بادە

  • ئىسمىمنى دوراشما4 ئاي ئىلگىرى

    سادىر پالۋاندەك ئىش قىپتىغۇ……

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号