باش بەت

ئادىلجان

8601يوللانما
123مەستانە

ئالىملار مارستىكى دېڭىز-ئوكيانلارنىڭ يوقاپ كېتىشى ھەققىدە يېڭى نەزەرىيە ئوتتۇرىغا قويدى

مەنبە:cnBeta تورى يوللانغان ۋاقىت:2017-12-21 22:03 1 ئىنكاس چۈشتى

بېتا تورىنىڭ 21-دېكابىردىكى خەۋىرى، نۇر تورى تەرجىمىسى:

بۇ يىل مارستىكى سۇيۇق ھالەتتىكى سۇ ئادەمنىڭ ئىشەنگۈسى كەلمەيدىغان بىر قىزىق نۇقتىغا ئايلاندى. تەتقىقاتچىلارمۇ باشقىلار بىلەن مۇنازىرىلىپ چارچاپ قالمىدى، بۇرۇن مارسنىڭ ئاساسلىق قىسمى دېڭىز-ئوكيان ئىكەنلىكى ھەققىدىكى ھەر بىر پاكىت ھەمىشە يەنە بىر پاكىت تەرىپىدىن ئىنكار قىلىنىدۇ. ئىشقىلىپ مارس بۇرۇن ھەممىلا يېرى سۇ بىلەن تولغان پىلانېتا ئىدى، ئۇنداقتا بۇ غايەت زور دېڭىز-ئوكيان قەيەرگە غايىب بولدى؟

قۇياش شامىلى دېڭىز-ئوكياننى پارلاندۇرۇۋەتكەنمۇ ياكى نامەلۇم دەۋردە قۇم ۋە توڭ تۇپراقنىڭ ئاستىدا قالغانمۇ؟ بىر ئەڭ يېڭى تەتقىقات بۇ سوئاللارغا يېڭىچە جاۋاب بېرىدۇ. 

بۇ تەتقىقاتنى ئوكىسفورد ئۇنىۋېرسىتېتى يەرشارى ئىلمى فاكۇلتېتىنىڭ ئالىملىرى قانات يايدۇرغان ھەمدە «تەبىئەت» ژۇرنىلىدا ئېلان قىلغان. بۇ تەتقىقاتتا مارسنىڭ كومپيۇتېر مودېلى ئارقىلىق مارسنىڭ يەر يۈزى سۇلىرىنى ئەمەلىي سۈمۈرۈش ئىقتىدارى تەقلىد قىلىنغان. سۇ مارستىكى مانتىسسا (يەر شارىنىڭ پوستىدىن يادروسىغىچە بولغان قىسمى)دىكى قورام تاشلار بىلەن رېئاكسىيەلىشىپ، ئاستا-ئاستا نەچچە مىليارد يىل سۈمۈرۈلگەن بولۇشى مۇمكىن. 

ئۇنداقتا بۇ ئەھۋال يەرشارىدا كۆرۈلمەي نېمە ئۈچۈن مارستا كۆرۈلىدۇ؟ تەتقىقاتچىلارنىڭ چۈشەندۈرۈشىچە، يەرشارىدىكى مانتىسسا قاتلىمىدا تۆمۈر رۇدىسى كۆپ بولغاچقا، مارسنىڭ سۇ سۈمۈرۈش ئىقتىدارى يەرشارىدىن كۆپ ياخشى ئىكەن. 

ئوكىسفورد ئۇنىۋېرسىتېتى يەرشارى ئىلمى فاكۇلتېتىنىڭ دوكتۇرى Jon Wade چۈشەندۈرۈپ مۇنداق دېدى:«يەرشارىنىڭ نۆۋەتتىكى قۇرۇلما سىستېمىسى يەرشارى سىرتقى يۈزىدىكى سۇ ئورنىنىڭ شىددەت بىلەن ئۆزگىرىشىنى توسۇپ قالىدۇ، نەم قورام تاشلار يەرشارىدىكى قۇرغاق مانتىسساغا كىرىشتىن بۇرۇن ئۈنۈلۈك سۇسىزلىنىدۇ. ئەمما دەسلەپكى يەرشارى ۋە مارستا بۇنداق سۇ ئايلىنىش سىستېمىسى يوق ئىدى. مارستا سۇ بازالىت قاتلامنى شەكىللەندۈرىدىغان يانار تاغ ماگمىسى بىلەن رېئاكسىيەلىشىپ بۇلۇتقا ئوخشاپ كېتىدىغان ئىففېكېت ھاسىل قىلىدۇ.»

بۇ خىل پېتروخىمىيەدىكى ئىنتايىن كىچىك پەرق مارسنىڭ ئۆزىدىكى زور دېڭىز-ئوكيانلارنى سۈمۈرۈشىنى كەلتۈرۈپ چىقارغان بولۇشى مۇمكىن. ئەگەر مۇشۇنداق ئەھۋال يۈز بەرگەن بولسا ئۇ ھالدا بۇ جايدا بۇرۇن ھاياتلىق بولغان بولۇشى ئېھتىمالغا يېقىن. بۇنىڭدا زور مىقداردىكى سۇ بايلىقىنىڭ مارسنىڭ ئىككى قۇتۇبى ئەتراپىدىكى مۇزلۇققا قاپسىلىپ قالغانلىق ئېھتىماللىقىنى نەزەردىن ساقىت قىلىشقا بولمايدۇ، ئەگەر مودېل توغرا بولسا، بۇ بەلكىم بىزنىڭ مارستىن ھاياتلىق ئىزنالىرىنى بايقىيالماسلىقىمىزنىڭ سەۋەبىنى چۈشەندۈرۈشىمىزگە ياردەم بېرىشى مۇمكىن. 

باش سۈرەت تاللاش x
  • salom3 ئاي ئىلگىرى

    كىم جاۋاب بېرەلەيدۇ؟ ئەگەر مارستا تۇرۇپ يەر شارىنى كۆزەتكىلى بولسا ، يەر شارى قانچىلىك چوڭلۇقتا كۆرۈنىدۇ؟

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号