باش بەت

جۇشقۇنجان

3501يوللانما
4مەستانە

ئىقتىدارى iPhone Xدىن كۈچلۈك قىزىل iPhone 8 Plusنىڭ ئۇقۇم سۈرىتى ئاشكارىلاندى

مەنبە:تېڭشۈن تورى يوللانغان ۋاقىت:2018-01-04 17:05 5 ئىنكاس چۈشتى

تېڭشۈن تورى 4-يانۋار خەۋىرى، نۇر تورى تەرجىمىسى:

ئۆتكەن يىلى ئۈچىنچى ئايدا ئالما شىركىتى iPhone 7نىڭ سېتىلىش مىقدارىنى ئاشۇرۇش ئۈچۈن قىزىل رەڭلىك ئالاھىدە نۇسخىسىنى چىقارغان ئىدى. گەرچە بۇ يانفوننىڭ سىرتقى كۆرۈنۈشى كۆزنى چاقنىتىپ تۇرسىمۇ، ئەمما دۆلەت ئىچى بازىرىدا ياخشى سېتىلمىدى، ھېچكىممۇ بىر يېڭى رەڭ ئۈچۈنلا پۇل چىقىرىپ يېڭى بىر iPhone سېتىۋېلىشنى خالىمىدى. مۇشۇ ئاساستا چەتئەلدىكى مەلۇم بىر تورداش يېقىندا قىزىل رەڭلىك ئالاھىدە نۇسخىدىكى iPhone 8 Plusنى لايىھىلەپ چىققان، بىز بۇ لايىھە سۈرىتىنى كۆرۈپ باقايلى.

ئومۇمىي جەھەتتىن قارىغاندا، بۇ يېڭى يانفون iPhone 7 Plus بىلەن iPhone X نىڭ مۇناسىۋەتلىك ئالاھىدىلىكلىرىنى ئۆزىگە مۇجەسسەملىگەن. يانفوننىڭ ئالدى يۈزىگە ئېكران ئىگىلەش نىسبىتى يۈز پىرسەنتكە يېقىنلىشىدىغان پۈتۈن ئېكران سەپلەنگەن، 5.5 دىيۇملۇق بۇ ئېكراننىڭ ئېنىقلىق دەرىجىسى 1440×2560 غا يېتىدۇ. يانفوننىڭ ئىنتايىن تار كەلگەن ماڭلىيىغا يەنە كاناي، سېنزور ۋە كامىرا ئورۇنلاشتۇرۇلغان. بىراق بۇ يانفونغا iPhone Xكە ئوخشاش 3D چىراي پەرقلەندۈرۈش تېخنىكىسى ئىشلىتىلمىگەن. بۇ كەمچىلىكنى تولۇقلاش ئۈچۈن قىزىل رەڭلىك نۇسخىسىنىڭ ئېكرانىنىڭ ئاستى قىسمىغا بارماق ئىزى سېنزورى ئورۇنلاشتۇرۇلغان. بۇ يىلقى سامسۇڭ Note8 ۋە iPhone X يانفونلىرىغا بۇ خىل تېخنىكا ئىشلىتىلمىگەن بولۇپ، كۆپلىگەن تورداشلار بۇنىڭدىن ئۈمىدسىزلەنگەن بولۇشى مۇمكىن.


بۇ يانفوننىڭ گەۋدىسى iPhone 7 Plusقا بەكرەك ئوخشايدىغان بولۇپ، يانفون گەۋدىسى مېتالدىن لايىھىلەنگەن، قوش كامېرا تىك يۆنىلىشتە ئورۇنلاشتۇرۇلغان، چاقناپ تۇرغان قىزىل رەڭگى كىشىنى ھاياجانغا سالىدۇ. ئالاھىدە نۇسخا بولۇش سۈپىتى بىلەن سەپلىمىلىرى جەھەتتە تەبىئىي ھالدا تېخىمۇ كۈچلۈك لايىھىلەنگەن. بۇ ئۇقۇم يانفونغا ئالمىنىڭ A11 تىپلىق بىر تەرەپ قىلغۇچ، 4Gلىق ئىچكى ساقلىغۇچ، 3400mAhلىق باتارېيە سەپلەنگەن. مەشغۇلات سىستېمىسىغا iOS 11 قاچىلانغان. ئۇلاردىن باشقا، ئۇ يەنە IP68 دەرىجىلىك چاڭ توزاندىن ۋە سۇدىن ساقلىنىش ئىقتىدارىغا ئىگە، 3.5mm چاتقۇ ئېغىزىمۇ ساقلاپ قېلىنغان. يانفوننىڭ كەينى يۈزىگە 12 مىليون پىكسېللىق قوش كامېرا سەپلەنگەن بولۇپ، كېچىدە سۈرەتكە تارتىش ۋە ئوپتىكىلىق تەۋرىنىشتىن ساقلىنىشنى قوللايدۇ. ئىككى ھەسسە ئوپتىكىلىق فوكۇس توغرىلاش، 4K سىنغا ئېلىش ئىقتىدارىغا ئىگە.

بۇ تورداشنىڭ دىيىشىچە، بۇ ئۇقۇم يانفوننىڭ سېتىلىش باھاسى مىڭ دوللار بولۇپ، iPhone X نىڭ سېتىلىش باھاسىدىنمۇ ئېشىپ كېتىدىكەن.


باش سۈرەت تاللاش x
  • ئېسىل09982 ھەپتە ئىلگىرى

    ئىسكىلاتىدا ئىشىپ قالغان زاپچاسلاردىن ياسايدىكەندە

  • 155******622 ھەپتە ئىلگىرى

    مەن قەتىىئى قىزىقمايمەن ئالمىغا يەنىلا دۆلىتىمىزنىڭ ياخشى

  • س****32 ھەپتە ئىلگىرى

    ماۋۇ ۋەھشى چىققىدەك

  • مېخانىك2 ھەپتە ئىلگىرى

    ئالمىنىڭ ئىسكىلاتىدا ئازراق قىزىل سىر ئېشىپ قاپتىكەندە

  • ParisHan2 ھەپتە ئىلگىرى

    ئۇقۇم لاھىيەگىمۇ ئۇ سەپلەنگەن ،بۇ سەپلەنگەن، دەپ بىر لاھىيەغۇ ئۇ رەسىم ،

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号