باش بەت

نۇربىيە ئۇيقۇت

11652يوللانما
958مەستانە

پىسخولوگىيە: نېمىشقا ئەقىللىق كىشىلەرنىڭ كۆپىنچىسى بەختلىك بولالمايدۇ؟

مەنبە:بۈگۈنكى مۇھىم خەۋەر يوللانغان ۋاقىت:2018-01-07 11:04 13 ئىنكاس چۈشتى

بۈگۈنكى مۇھىم خەۋەرلەر تورى خەۋىرى، نۇر تورى تەرجىمىسى:

كۆپىنچە كىشىلەرنىڭ نەزىرىدە، ئەقىللىق ئادەملا بولسا چوقۇم بەختلىك بولالايدۇ. ئەمەلىيەتتە رېئال تۇرمۇشقا قارايدىغان بولساق، بىز خېلىلا كۆپ ئەقىللىق كىشىلەرنىڭ ئانچە بەختلىك ئەمەسلىكىنى، روھىي دۇنياسىنىڭ ئازابقا تولغانلىقىنى بىلەلەيمىز. ئۇلار مەيلى ئىگىلىك تىكلەشتە بولسۇن ياكى خىزمەتتە بولسۇن ھەمىشە ئادەتتىكى ئادەملەردىن تېخىمۇ ئاجىز كېلىدۇ. ئۇنداقتا، نېمە ئۈچۈن ئەقىللىق كىشىلەرنىڭ كۆپىنچىسى بەختلىك بولالمايدۇ، پىسخولوگىيە ئىلىمى بويىچە ئېيتقاندا، بۇ ئاساسلىقى تۆۋەندىكى بىر قانچە سەۋەبتىن بولىدۇ؛

ئالدى بىلەن بىز ئەقىللىق بىلەن بەختلىكنىڭ ئۆز ئارا تەڭ بولمايدىغان ئۇقۇم ئىكەنلىكىنى ئايدىڭلاشتۇرۇۋېلىشىمىز كېرەك. ئەقىللىق ئەقىل كۈچىنى كۆرسىتىدىغان بولۇپ، بەخت بولسا ھېس-تۇيغۇنى كۆرستىدۇ، ئۇلار ئوخشىمايدىغان ئۇقۇم. يەنە بىر تەرەپتىن ئەقىللىق ئادەملەرنىڭ بەختسىز بولۇپ قېلىشى كۆپىنچە ۋاقىتلاردا ئۇلارنىڭ مىجەز خاراكېتىرى بىلەن مۇناسىۋەتلىك:

1. ئەقىللىق كىشىلەر بىر قەدەر سەزگۈر كېلىدۇ.

پىسخولوگلار ئەقىللىق كىشىلەرنىڭ ھەمىشە زېرەك كېلىدىغانلىقىنى بايقىغان. ئۇلارنىڭ كۆرۈش، ئاڭلاش، تەم، پۇراش قاتارلىق سەزگۈسى ھەمدە ھەرىكەت ئىقتىدارى ئادەتتىكى ئادەملەردىن خېلىلا ھالقىپ كەتكەن. ھېس قىلىش سىستېمىسى تەرەققىي قىلغاچقا، ئۇلار ئەتراپىدىكى كىشىلەردىن تېخىمۇ ئۆتكۈر كېلىدۇ. ئۇلار ھەمىشە مەلۇم بىر كىچىككىنە تەپسىلاتلارنى بىلەلەيدۇ. بىراق ئەتراپتىكى كىشىلەر بەلكىم ھېس قىلالماسلىقى مۇمكىن، بۇنىڭغا ئوخشاش يۈكسەك سەزگۈرلۈك ئۇلارنىڭ خۇشال بولالماسلىقىدىكى تۈپكى ئامىل.

«قىزىل راۋاقتىكى چۈش»تە لىن دەييۈنىڭ ھەددىدىن زىيادە چۈشكۈن بولۇشى ئۇنىڭ سەزگۈرلۈكى بىلەن مۇناسىۋەتلىك. جيا قەسىرىدىكىلەر لىن دەييۈگە گەپ قىلغاندا تولىمۇ ئېھتىياتچان بولىدۇ، دەل مۇشۇنداق بولغاچقا، لىن دەييۈ ئەتراپتىكى مۇھىت ۋە ئادەملەرگە بەكلا دىققەت قىلىپ، سەزگۈرلۈكى باشقىلارغا تۇتقان ئىنچىكە مۇئامىلىرىدىن بىلىنىپ تۇرىدۇ. ئۇ ھەتتا ئۆزىگە مۇناسىۋەتسىز بولغان ئىشلارنىمۇ باغلىۋېلىپ بەختسىز بولۇپ قالىدۇ.

2. ئەقىللىق كىشىلەر زىيادە مۇكەممەللىكنى قوغلاشقۇچىلاردۇر.

ئەقىللىق ئادەملەرنىڭ خۇشال بولالماسلىقىدىكى 2-سەۋەب بولسا، ئاساسلىقى ئۇلارنىڭ كۆپىنچىسى مۇكەممەللىكنى قوغلاشقۇچىلاردۇر. ئۇلار تەپسىلاتلارنى قوغلىشىشنى ياقتۇرىدۇ، بۇنداق ئادەت ئاسانلا «تىرناق ئاستىدىن كىر ئىزدەيدىغان» مىجەزىنى شەكىللەندۈرۈپ، ھەمىشە ئەتراپىدىكى ئىشلاردىن، ئادەملەردىن قۇسۇر ئىزدەپ باشقىلارغا بېسىم شەكىللەندۈرۈپ قويىدۇ. مەن تونۇيدىغان ئەقىللىق كىشىلەرنىڭ ھەممىسى دېگۈدەك ئىنچىكە تەپسىلاتلارغا ئەھمىيەت بېرىدىغانلار بولۇپ، ئۇلار تەپسىلاتلارنىڭ توغرىلىقىنى قوغلىشىپ، ئاسانلا ئۆزىنى زىيادە ئۇرۇۋېتىدۇ-دە، ئاخىرىدا پاسسىپ كەيپىياتقا چۈشۈپ قالىدۇ.

3. ئەقىللىق كىشىلەر باشقىلار بىلەن سېلىشتۇرۇشنى ياخشى كۆرىدۇ.

ئەقىللىق كىشىلەرنىڭ بەختسىز بولۇشىدىكى يەنە بىر ئامىل بولسا، باشقىلار بىلەن سېلىشتۇرۇشنى ياخشى كۆرۈشىدە. بۇنداق سېلىشتۇرۇش مىجەزىنىڭ شەكىللىنىشى كىچىكىدىن باشلاپ قوبۇل قىلغان تەربىيە بىلەن مۇناسىۋەتلىك. ئۇلار كىچكىىدىن باشلاپلا سېلىشتۇرۇش ئىچىدە چوڭ بولغاچقا، بۇ خىل سېلىشتۇرۇش مىجەزىمۇ ئۇلارنىڭ ئۆسۈپ-يېتىلىش شۇنداقلا ئالغا ئىلگىرىلىشىگە ھەمراھ بولىدۇ. بىراق بۇمۇ تەدىرىجىي ھالدا ئۇلارنىڭ تۇرمۇشىنى تېخىمۇ جىددىيلەشتۈرۈپ، ئۆسۈپ-يېتىلىش رېتىمىنى ئۇنتۇلدۇرۇپ قويىدۇ.

4. ئەقىللىق كىشىلەر كەلگۈسىدە ياشايدۇ.

ئەقىللىق كىشىلەرنىڭ بەختلىك بولالماسلىقىدىكى تۆتىنچى سەۋەب، ئۇلار ھەمىشە كەلگۈسىدە ياشىغاچقا، قاتتىق تاقەتسىزلىنىدۇ. پىسخولوگلارنىڭ بىر خىل قارىشى بولسا، ھازىرنىڭ ئۆزىدە ياشاش بولۇپ، ھازىرنىڭ ئۆزىدە ھازىرقى ئىشنى ئەڭ ياخشى قىلىش، كەلگۈسىدىن بەك كۆپ ئۈمىد كۈتۈپ كەتمەسلىك كېرەك. بىراق، كۆپىنچە ئەقىللىق كىشىلەر كەلگۈسى ھەققىدە ئويلىنىپ، ھازىرنىڭ ئۆزىدە ياشاشنىڭ قانچىلىك ئەھمىيەتلىك ئىكەنلىكىنى نەزەردىن ساقىت قىلىپ قويىدۇ. شۇڭا، ئاسانلا بىزار بولۇش كەيپىياتى شەكىللىنىپ قالىدۇ.

5. ئەقىللىق كىشىلەر باشقىلارنى كونترول قىلىشقا ئامراق كېلىدۇ.

ئەقىللىق كىشىلەر ھەمىشە ئەقلىنى يۇقىرى دەپ قاراپ، ۋەزىيەتنى كونترول قىلىشنى ياقتۇرىدۇ، ئۇلار ئېنىق، بېكىتىلگەن نەرسىلەرنى ياقتۇرغاچقا، تۇرمۇشتا ئېنىقسىزلىق ۋە كونترول قىلىش ئىقتىدارىنى يوقىتىش ئۇلاردا خاتىرجەمسىزلىك تۇيغۇسىنى شەكىللەندۈرۈپ، مۇشۇنداق كەيپىياتتا دائىم ئۆزىنى يارىماس، ئىقتىدارسىز دەپ قاراپ ئاسانلا چۈشكۈنلىشىپ كېتىدۇ.

شۇڭا ھەربىر ئەقىللىق كىشى ھەقىقىي بەختلىك بولىمەن دەيدىكەن، باشقىلارنى ئۆزى بىلەن سېلىشتۇرۇش شۇنداقلا كونترول قىلىشتىن قۇتۇلۇپ، ھەقىقىي روھىي دۇنياسىغا دىققەت قىلىشى، ئۆسۈپ-يېتىلىش رېتىمىنى تېپىپ، تۇرمۇشتىكى ئىگەللىۋېلىش پىسخىكىسىدىن ۋاز كېچىشى شۇنداقلا ھەممە ئىشلارنى ئۆز ئەركىسىگە قويىۋېتىشنى ئۆگىنىشى كېرەك.

ئەسكەرتىش، بۇ پەقەتلا بىر تەرجىمە ئەسەر خالاس، تەرجىماننىڭ كۆز-قارىشى بىلەن مۇناسىۋەتسىز.

باش سۈرەت تاللاش x
  • sawirqan1 ھەپتە ئىلگىرى

    ھەي بەزى ئىشلاغا ئامال يوق ،ئۆزگەتىش قولىمىزدىن كەلمەيدۇ،بەك ئەقىىللىق ئادەمنى باشقىلار ئانچە ياقتۇرمايدۇ،ھەم سۆزىنى چۈشەنمەيدۇ

  • پەزليە1 ھەپتە ئىلگىرى

    مەنمۇ ئەقىللق ئوخشايمە ھىھى شۇڭا ھازرغچە بويتاق يۈرۋاتمە

  • abdurehim1532 ھەپتە ئىلگىرى

    بەك ياخشى يېزىلىپتۇ، ئويلاپ باقسام ئەمەلىيەتتە مەنمۇ شۇنداقكەنمە!مەنمۇ شۇنداق ئىشلارغا كۆپ ئۇچراپ كەتتىم
    !

  • ئۈمۈدۋار74812 ھەپتە ئىلگىرى

    قارىغاندا بۇ تېمىغا ئىنكاس يازغان نۇرداشلارنىڭ ھەممىسى ئەقىللىق ئىكەن(مەنمۇ شۇنىڭ ئىچىدە ھى ھى…) مەن دائىم ئەقىللىق،دانا،پاراسەتلىك،دىگەن سۆزلەرنى ئاڭلىسام ئويلىنىپ قالىمەن،نىمىشقا بەزى شۇنچە ئەقىللىق ئادەملەر ئەقىللىق تۇرۇپ زەھەر چىكىپ ئۈزىنى نابۇت قىلىدىغاندۇ؟يەنە تېخى ئىنتايىن ئەقىللىق ئوغرىلارمۇ بار،زادى قانداق بولسا يامان ئىشلارنى قىلمايدىغان بۇلىدىغاندۇ؟ئەقىللىقمۇ؟دانامۇ؟ياكى پاراسەتلىكمۇ؟؟

  • the Roh2 ھەپتە ئىلگىرى

    مەن ئەقىللىق ئەمەس دەرىس بىلمەيمەن

  • سۆيسەم مەيلىمۇ2 ھەپتە ئىلگىرى

    مەندە 4-سىدىن باشقىسى باركەن
    ياخشى مەزمۇن ياقتۇرۇپ قالدىم مەن

  • تەنناز2 ھەپتە ئىلگىرى

    ھە ئۇنداق بولسا منڭمۇ كۆڭلۈمدىكى ئادىمىنىڭ منى قۇبۇل قىلماسلىقى ئەسلى مىنىڭ ئەقللق بولغىنمدكەندە

  • شاھرۇھ خاننىڭ مەستانىسى2 ھەپتە ئىلگىرى

    قەلىمىڭىز راۋرۇس پىشىپتۇ تەھرىر . ھې ھې ھې نەق مەن ئىكەنمەن

  • مىھرىبانۇ2 ھەپتە ئىلگىرى

    توۋا ،،بۇ نىمە گەپ ئەمدى

  • 荒漠儿子2 ھەپتە ئىلگىرى

    بۇسۆزلەرنىڭ ئاساسى بار، لىكىن تۇغما سەزگۈر ۋە يىراقنى كۆرەر ئادەملەرنىڭ مىجەزىنى ئۆزگەرتىش راسلا تەس،،
    ئۇنداق ئادەملەر تۇلىراق يالغۇزسىرايدۇ،چۈنكى ئۆزىگە ئوخشاشلار ئانچە كۆپ ئەمەس،،،،،

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号