باش بەت

نۇسرەتگۈل

8936يوللانما
149مەستانە

ھىندىستاندا ئەۋرەز يولىنى تازىلاشقا 50 ماشىنا ئادەم زاكاز قىلىندى

مەنبە:تېڭشۈن تورى يوللانغان ۋاقىت:2018-01-07 15:30 3 ئىنكاس چۈشتى

تېڭشۈن تورى 7-يانۋار خەۋىرى، نۇر تورى تەرجىمىسى:

ئەنگلىيە «پوچتا گېزىتى»نىڭ 6-يانۋاردىكى خەۋىرىگە ئاساسلانغاندا، ھىندىستاندا ئۇزۇندىن بۇيان ئادەم كۈچى ئارقىلىق ئەۋرەز يولى تازىلىنىپ كەلگەن. بىراق، بۇ ئەھۋال پات ئارىدا ئۆزگىرىشى مۇمكىن. نۆۋەتتە، ھىندىستان كېرالا ئىشتاتى شەھەر سۇ باشقۇرۇش ئورنى ئەۋرەز يولى ئىشچىلىرىنىڭ ئورنىدا ئىشلىتىش ئۈچۈن 50 ماشىنا ئادەم زاكاز قىلدى.

خەۋەر قىلىنىشىچە، «ھىندىستاندا تۆۋەن تەبىقىدىكى كىشىلەر ئەۋرەز يوللىرىغا چۈشۈپ گەندە ۋە ئەخلەتلەرنى تازىلايدىكەن». بۇ خىزمەت مەينەت بولۇپلا قالماستىن، بەلكى يەنە ئىشچىلارنىڭ ھېچقانداق قوغدىنىش ئەسلىھەسى يوق. شۇڭا ئۇلار ئۇزۇن مۇددەت زەھەرلىك ماددا بىلەن قاپلانغان مۇھىتتا خىزمەت قىلغانلىقى ئۈچۈن سالامەتلىكى تەسىرگە ئۇچرايدۇ، ھەتتا زەھەرلىنىش تەھدىتىگە يولۇقىدۇ.

بۇ خىزمەتنىڭ خەتىرى چوڭ بولغانلىقتىن ھىندىستاندا ھەر يىلى خېلى كۆپ ئەۋرەز يولى ئىشچىسى بىئەجەل ئۆلۈپ كېتىدۇ. ئۇنىڭ ئۈستىگە بۇ خىزمەتنى قىلىدىغانلارنىڭ كۆپىنچىسى تۆۋەن تەبىقىدىكى كىشىلەر بولغاچقا ئۆلۈمى ئانچە ئېتىبارغا ئېلىنمايدۇ. سىتاستىكا قىلىنىشىچە، 2014-يىلىدىن 2016-يىلىغىچە بولغان ئارىلىقتا ھىندىستاندا 1200دىن كۆپرەك ئادەم مۇشۇنىڭغا مۇناسىۋەتلىك ئامىللار سەۋەبلىك ئۆلۈپ كەتكەن.

يېقىندا كېرالا ئىشتاتى شەھەر سۇ باشقۇرۇش ئورنى «باندىكۇت» (Bandicoot) ناملىق ماشىنا ئادەم زاكاز قىلدى. بۇلارنى بىناكارلىق كەسپىنىڭ ئوقۇغۇچىلىرى لاھىيەلىگەنىدى. باندىكۇت ماشىنا ئادىمى ھازىر ھىندىستاندا پاتېنت ھوقۇقىغا ئېرىشكەن بولۇپ، پات ئارىدا 150 دۆلەتتە پاتېنت ھوقۇقى ئالىدۇ.

باندىكۇت ماشىنا ئادىمىنىڭ ھەربىرىنىڭ تەننەرخى 5000 ئامېرىكا دوللىرى (خەلق پۇلىدا تەخمىنەن 32 مىڭ 437 يۈەن). بۇ خىل ماشىنا ئادەملەر بىلەن ھىندىستان ئەۋەز يولى ئىشچىلىرىنىڭ ئۆلۈم خەۋپى ئاز-تولا بولسىمۇ تۆۋەنلىتىلىدۇ.

باش سۈرەت تاللاش x
  • تەكلىماكان 21 ھەپتە ئىلگىرى

    توغراق شاھى راست دەيدۇ مۇبارەك بولسۇن

  • بارچۇق دىيارى1 ھەپتە ئىلگىرى

    بۇلارنىڭ بۇپىلانى ئۇزاققا سوزۇلغان بىر پىلان ئەمەلگە ئېشىشى تەس

  • توغراق،شاھى1 ھەپتە ئىلگىرى

    ھىندى خەلقىگە موناسىۋەتلىك ما خەۋەرنىڭ خىلى جېنى بار بىرمو بولسا بىر ئادەم ماينەت ئەمگەكىن ئازاتلىققا چىقىپتو ،موبارەك بولسون ما خەۋەرنىڭ .كۆز تەگمىسون .

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号