باش بەت

ئادىلجان

8583يوللانما
123مەستانە

ئالىي سەپلىمىلىك يانفوندا مۇۋەپپەقىيەت قازانغان خۇاۋېي تۆۋەن سەپلىمىلىك يانفوندىن نېمىشقا ۋاز كەچمەيدۇ

مەنبە:تېڭشۈن تورى يوللانغان ۋاقىت:2018-01-07 22:02 4 ئىنكاس چۈشتى

تېڭشۈن تورى 7-يانۋار خەۋىرى، نۇر تورى تەرجىمىسى:

دۆلەت ئىچىدە 8848 ۋە جىنلى M2017دەك ئالىي سەپلىمىلىك يانفون ماركىسىدىن باشقا، پەقەت خۇاۋېيلا ئۆزىنىڭ P يۈرۈشلۈك يانفونى ۋە mate يۈرۈشلۈك يانفونىنى ئالىي سەپلىمىلىك يانفوننىڭ باھاسىدا ساتالايدۇ. خۇاۋېي قارمىقىدىكى زاكازلىق پورسچى نۇسخىدىكى يانفوننىڭ باھاسى تېخىمۇ قىممەت. 

خۇاۋېي P يۈرۈشلۈك يانفونى بىلەن mate يۈرۈشلۈك يانفونى دۆلەت ئىچىدىلا قارشى ئېلىنىپ قالماي، ياۋروپا بازىرىدىمۇ ئالىي سەپلىمىلىك يانفون بازىرىنىڭ خېلى چوڭ ئۈلۈشىنى ئىگىلەيدۇ. بۇ ھەم خۇاۋېينىڭ P يۈرۈشلۈك يانفونىنىڭ كۆپ قىسمىنى ياۋروپادا ئېلان قىلىشىنىڭ سەۋەبلىرىنىڭ بىرى، مەسىلەن: خۇاۋېي P8 ۋە P9 لوندوندا ئېلان قىلىنغان. 

ئوتتۇرا سەپلىمىلىك يانفون بازىرى ئۈچۈن خۇاۋېي يەنە ئىقتىدار-باھا نىسبىتى ئالاھىدە يۇقىرى روڭياۋ يۈرۈشلۈك يانفونىنى چىقارغان، مەسىلەن: بۇلتۇر ئېلان قىلىنغان روڭياۋ 9 دەل شياۋمى 6، OPPO R11 قاتارلىق ئوتتۇراھال سەپلىمىلىك يانفونلار بىلەن بىر قاتاردىكى مەھسۇلات؛ خۇاۋېي روڭياۋ يانفونىنىڭ ئۈستۈنلىكى تور ۋە ئەنئەنىۋى دۇكانلارنى تولۇق ئاچقان بولۇپ، سېتىش نەتىجىسىمۇ يامان ئەمەس. 

2016-يىلى توردا خۇاۋېينىڭ تۆۋەن سەپلىمىلىك يانفونلاردىن ۋاز كېچىدىغانلىقى ھەققىدىكى ئۇچۇر تارقالغان، سەۋەبى بۇ يانفونلارنىڭ پايدىسى بەك تۆۋەن بولۇپ، يانفون كەسپىنىڭ ئومۇمىي پايدا نىسبىتىگە تەسىر يەتكۈزگەن. ئەمما 2017-يىلى بۇ ئۇچۇر خۇاۋېينىڭ نۆۋەتتىكى ھوقۇقدارى رېن جېڭفي تەرىپىدىن ئىنكار قىلىندى. 

رېن جېڭفېينىڭ قارىشىچە، بۇنىڭ سەۋەبى دۇنيادا نامراتلار بەك كۆپ ئىكەن، خۇاۋېي ئالىي ئىقتىدارلىق يانفون چىقىرىپلا قالماي، نامراتلار ئىشلىتىدىغان تۆۋەن سەپلىمىلىك يانفونلارنىمۇ چىقىرىشى زۆرۈر ئىكەن. شۇڭا خۇاۋېي بۇلتۇر پۈتۈن ئېكرانلىق تۆۋەن سەپلىمىلىك روڭياۋ چاڭۋەننى چىقارغان ھەمدە بىراقلا كۆپ خىل تۆۋەن سەپلىملىك پۈتۈن ئېكرانلىق يانفون چىقارغان. 

ئەمما خۇاۋېي تۆۋەن سەپلىمىلىك يانفون چىقىرىشتا تەننەرخنى بەكلا تېجەپ قالىدۇ. مەسىلەن: خۇاۋېي روڭياۋ چاڭۋەن 7X گەرچە 1299 يۈەنلىك پۈتۈن ئېكرانلىق يانفون بولسىمۇ، ئەمما ئوخشاش تۈردىكى يانفونغا سېلىشتۇرغاندا يانفوننىڭ گىروسكوپى چىقىرىۋېتىلگەن، بۇ ئابۇنتلارنىڭ يول باشلاش ۋە ئويۇن ئويناش ئۈنۈمىگە تەسىر يەتكۈزىدۇ. 

ئەلۋەتتە خۇاۋېي ماركىسى ياڭراق ماركا بولۇپ، نۇرغۇن ئوتتۇرا ياشلىقلارنىڭ نەزىرىدە ماركا ۋە ۋەتەنپەرۋەرلىكنىڭ سىمىۋولى. شۇڭا بۇ يانفونلار ئېنىقلا سېتىلىدۇ، ئەمما خۇاۋېينى ياخشى كۆرىدىغان، ئەمما ئىقتىسادى ئانچە يۇقىرى ئەمەس ئوقۇغۇچىلار توپىغا نىسبەتەن بۇنداق قىلىش بەكلا ئادالەتسىزلىك ھېسابلىنىدۇ. 

باش سۈرەت تاللاش x
  • سامسۇڭ ھەۋاسكارى3 ئاي ئىلگىرى

    ئارمانغا چۈشلۇق دەرمان يوق پۇلى قىممەت بۇ قوتا خۇاۋېينىڭ شىياۋمى 6گە 835 بىر تەرەپ قىلغۇچ سەپلەنگەن كىيىك 970 835 ئىشىپ كەتمىگەن تۇسا نىمىشقا قىممەت

  • ھەۋەسكار 55953 ئاي ئىلگىرى

    پۇلى mate 10نىڭ يېرمى تۇرسا mi6تىنىڭ

  • سامسۇڭ ھەۋاسكارى3 ئاي ئىلگىرى

    تۆۋەن سەپلىمىلىك يانفۇننى پەقەت شىياۋمىلام چىقىرالايدۇ خۇاۋېي تۆۋەن سەپلىمىلىك دىگەن بىلەن پۇلى قىممەتكەن

  • Only Love3 ئاي ئىلگىرى

    شىياۋمى 6 ئالىي سەپلىمىلىك يانفۇندۇ ئۇ تەھرىر ، خاتالىشىپ قالدىڭىزمۇ قانداق

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号