باش بەت

ئادىلجان

7766يوللانما
95مەستانە

فىرانسىيە ھۆكۈمىتى iPhone سۈرئىتىنى ئاستىلىتىۋېتىش مەسىلىنى تەكشۈرۈشكە باشلىدى

مەنبە:cnBeta تورى يوللانغان ۋاقىت:2018-01-09 13:00 3 ئىنكاس چۈشتى

بېتا تورىنىڭ 9-يانۋاردىكى خەۋىرى، نۇر تورى تەرجىمىسى:

چەت ئەل تاراتقۇلىرىنىڭ خەۋىرىگە ئاساسلانغاندا، ئۇچۇرلاردا كۆرسىتىلىشىچە فىرانسىيە ھۆكۈمىتى ئالمىنىڭ يېقىنقى مەزگىلدىكى يانفون سۈرئىتىنى ئاستىلىتىۋېتىش قىلمىشىنى تەكشۈرۈشكە باشلىغان. ئاڭلاشلارغا قارىغاندا، ئالما كونا نۇسخىدىكى iPhoneلارنىڭ سۈرئىتىنى قەستەن ئاستىلىتىۋېتىپ ئىشلەتكۈچىلەرنى كونا يانفوننى ئالماشتۇرۇشقا مەجبۇر قىلغانىكەن. ئەھۋالدىن خەۋەردار كىشىنىڭ ئاشكارىلىشىچە، تەكشۈرۈش ئالدىنقى جۈمە كۈنىدىن باشلانغان بولۇپ، DGCCRF ئالدامچىلىققا قارشى تۇرۇش ئورگىنى باشلامچىلىق قىلغان.

بۇ قېتىملىق تەكشۈرۈش ئىستېمالچىلار جەمئىيىتى Halte l'Obsolescence Programme (تۆۋەندە قىسقارتىلىپ HOP دەپ ئاتىلىدۇ)نىڭ بىر قېتىملىق قانۇنىي ئەرزى سەۋەبىدىن قانات يايدۇرۇلغان.

HOP بۇلتۇر 12-ئايدا ئالمىنى جىنايى ئىشلار بويىچە ئەرز قىلغان بولۇپ، بۇ ئورۇننىڭ بىلدۈرۈشىچە، ئىستېمالچىلار ۋە مۇھىتنىڭ ئالمىنىڭ بۇنداق تەشكىللىك ئىسراپ قىلىش ھەرىكىتىنىڭ بۇزغۇنچىلىقىغا ئۇچرىشىدىن قوغدايدىكەن. فىرانسىيەدە ئۈسكۈنىنىڭ ئىشلىتىش ئۆمرىنى قەستەن قىسقارتىۋېتىش قانۇنغا خىلاپ قىلمىش ھېسابلىنىدۇ، شۇڭا ئالمىغا جەرىمانە قويۇلۇشى ياكى قاماققا بۇيرۇلۇشى مۇمكىن.

ئالما 12-ئاينىڭ 20-كۈنى  ئۆزىنىڭ كونا نۇسخىدىكى iPhoneنىڭ سۈرئىتىنى ئاستىلىتىۋەتكەنلىكىنى ئېتىراپ قىلغان بولۇپ، شۇنىڭدىن كېيىن دۇنيانىڭ ھەرقايسى جايلىرىدا ئالمىغا قارىتا نۇرغۇن ئەرز-شىكايەتلەر قوبۇل قىلىندى. ئالمىنىڭ بىلدۈرۈشىچە، ئۇلار بۇنداق قىلىشتا ئۈسكۈنىنى قوغداشنى مەقسەت قىلغان بولۇپ، ئەگەر يانفون تۇيۇقسىز ئېتىلىپ قالسا ئۈسكۈنىغا بۇزغۇنچىلىق پەيدا قىلىدىكەن. 

ئالما دەسلەپكى نارازىلىققا تاقابىل تۇرۇش ئۈچۈن ئاشكارە كەچۈرۈم سورىدى ھەمدە 29 دوللارغا رېمونت كاپالىتى ئۆتۈپ كەتكەن يانفونلارنىڭ باتارىيەسىنى ئالماشتۇرۇپ بېرىش مۇلازىمىتىنى چىقاردى، بۇ مۇلازىمەتنىڭ ئەسلى باھاسى 79 دوللار ئىدى. ئۇنىڭدىن باشقا ئالما يەنە يۇمشاق دېتال يېڭىلانمىسى ئارقىلىق باتارىيە ساغلاملىقىغا ئائىت تېخىمۇ كۆپ ئۇچۇرلارنى تەمىنلىدى. 

باش سۈرەت تاللاش x
  • ئەلى 09031 ھەپتە ئىلگىرى

    بىرلا ئېغىز گەپ ،ئالما ھەقىقەتەن ناچارلىقىنى ،چىدىماسلىقىنى بىلدۈرۈپ قويدى.بەلكىم نۇرغۇن ئابونىتلىرىدىن مەھرۇم قالىدۇ،بەك ماز ئۆز ۋاقتىدا نەچچە مىڭلاپ پۇل تاپقان يانفۇننى ئەمدىلىكتە ئاستىلىتىپ قويۇش تېلفۇنغا ئەمەس ئىستىمالچىلىرىغا قىلغان ھاقارەت .قۇرۇپ كەتسۇن ئۇنداق ئاقماس باھانىلىرى

  • ئېچىلجان1 ھەپتە ئىلگىرى

    بۇ خەقنىڭ ناچارلىقىنىزە ، ، ، ئالما ۋاختى ئۆتسە سېسىيتتيى ئەمەسمۇ ، ، ، ساق بولسا خېلى ئۇزۇن ساقلىغىلى بولغان بىلەن پۇچۇق ئالما ئاسانلا سېسىيدۇ

  • 爱情不是一天故事1 ھەپتە ئىلگىرى

    تەكشۈرۈش لازىم ئالما سەل مازلىشىپ قالدى

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号