باش بەت

جۇشقۇنجان

3607يوللانما
8مەستانە

iPhone X يانفونىدا يەنە قىزىپ كېتىش، ئېقىم مىقدارى تېز خوراش مەسىلىسى بارلىقى بايقالدى

مەنبە:cnBeta تورى يوللانغان ۋاقىت:2018-01-09 14:03 7 ئىنكاس چۈشتى

بېتا تورى 9-يانۋار خەۋىرى، نۇر تورى تەرجىمىسى:

بەزى تورداشلار ئىجتىمائىي ئالاقە تور بېكەتلىرىدە ئىنكاس قالدۇرۇپ، ئۆزىنىڭ iPhone X يانفونىدا دائىم زىيادە قىزىپ كېتىش ۋە ئېقىم مىقدارى تېز خوراش قاتارلىق مەسىلىلەرنىڭ بارلىقىدىن ئاغرىنغان. بەزى ئابونتلار ھەتتا iPhone X قىزىپ كەتكەن چاغدا، ئۇنى توڭلاتقۇغا سېلىپ سوۋۇتقان، مۇشۇنداق قىلغاندىلا ئاندىن iPhone X نىڭ تېمپېراتۇرىسى كۆرۈنەرلىك دەرىجىدە تۆۋەنلىگەن. بىر قىسىم ئابونتلارنىڭ بۇ مەسىلە توغرىسىدىكى يازغان ئىنكاسلىرى تۆۋەندىكىىچە:«ئايالىم ئىشلىتىۋاتقان iPhone X تۈنۈگۈن كەچتە تۇرۇپلا ئىنتايىن قىزىپ كەتتى، بۇنىڭغا زادىلا چىداشلىق بەرگىلى بولمىدى»؛ «مېنىڭ iPhone X دا قىزىپ كېتىش ئەھۋالى ئىنتايىن ئېغىر، قىزىقلىقىدىن ھەتتا قولدا تۇتۇشقىمۇ بولمايدۇ، يانفوننى قايتا قوزغىتىپ iTunes نى ئۇلىغاندىن كېيىنمۇ يەنىلا نورمال ئىشلىمىدى. ئۇلاردىن باشقا، iPhone X نىڭ ئۇقتۇرۇش يۈزىدە قېتىۋېلىش ئەھۋالى كۆرۈلدى، iPhone X نى ھېچقانداق قىلىپمۇ سوۋۇتۇشقا بولمىدى، ئامال بولمىغاندا بىز ئۇنى توڭلاتقۇغا سېلىپ سوۋۇتتۇق». يەنە بەزى ئابونتلار ئالما مۇنازىرە مۇنبىرىدە مۇنداق دەپ يازغان: «iPhone X يانفونى قىزىپ كېتىش ئەھۋالىغا يولۇققان كىشىلەر بارمۇ؟ مېنىڭ iPhone X يانفونومدا بىر نەچچە ئەپنى ئاچقاندىن كېيىنلا زىيادە قىزىپ كېتىش ئەھۋالى كۆرۈلدى». 

نۆۋەتتە iPhone X نىڭ زىيادە قىزىپ كېتىش مەسىلىسىگە قارىتا ھېچقانداق ھەل قىلىش لايىھىسى يوق. بىراق ئۈسكۈنىنىڭ زىيادە قىزىپ كېتىشىنى كەلتۈرۈپ چىقارغان سەۋەبلەرنىڭ بىرى بەلكىم ئارقا سۇپا ئەپلىرىدە مەسىلە كۆرۈلگەن بولۇشى مۇمكىن. مەسىلەن، يېقىندا YouTube ئەپلىرىدە يانفوننى قىزدۇرۇۋېتىش مەسىلىسى كۆرۈلىدىغانلىقى بايقالغان. بىراق شۇ چاغدا گۇگول شىركىتى ناھايىتى تېزلا يېڭى يېڭىلاش ئېلان قىلىپ بۇ مەسىلىنى ھەل قىلغان.    

بەزى ئابونىتلار يەنە iPhone X نىڭ ئېقىم مىقدارىنى تېز خورىتىۋېتىدىغانلىقىدىن ئاغرىنغان. مەلۇم بىر ئابونىت ئۆزىنىڭ ھەر ئايدا ئىشلىتىدىغان ئېقىم مىقدارىنىڭ 4GB ئەتراپتا ئىكەنلىكىنى، ئەمما iPhone X نى بىر كۈن ئىشلەتكەندىن كېيىن 1GB ئېقىم مىقدارىنىڭ خوراپ كەتكەنلىكىنى بىلدۈرگەن. ئالما شىركىتى نۆۋەتتە بۇ مەسىلىلەرنى ئاشكارا ئېتىراپ قىلمىدى. ئالما شىركىتى بەلكىم بۇ مەسىلىنىڭ ئېغىرلىقىنى تونۇپ يەتكەن بولۇشى، كەلگۈسىدە iOS نەشرىنى يېڭىلاش ئارقىلىق بۇ مەسىلىنى تۈزىتىشى مۇمكىن.


باش سۈرەت تاللاش x
  • MUSiC73 ئاي ئىلگىرى

    سىلەرنىمە ئۇچۇن ئالمىنى ياقتۇرمايسىلەر

  • akar3 ئاي ئىلگىرى

    مىنىڭ تىلپۇنۇممۇ شۇنداق ياخشى قايسى كۇرەممەسلەرنىڭ تۇقىغان گىپى ئۇ مىنىڭ تىلپۇنۇمدىن مەسىلە تېپىۋالسا4سائەت ئىچىدە ھەقسىز بىرىمەن

  • alone8863 ئاي ئىلگىرى

    ئالما ئەزەلدىن خاتالىقىنى ئۈستىگە ئالغىلى ئۇنىمايدۇ.

  • ساقلاپ3 ئاي ئىلگىرى

    ئالما پۇچۇق بولماي ساق بولغان بولسا مۇكەممەل بۇلاتتى ، چۇقۇم پۇچۇق يىردىن چاتاق چىقىپتۇ

  • مېخانىك3 ئاي ئىلگىرى

    پۇلنى قايتۇرۇشنى تەلەپ قىلمامدۇ

  • كولتىگىن3 ئاي ئىلگىرى

    بەك چوڭ چالىۋالماڭلا ھەرقانداق بىرە مەھسۇلات يۇز پىرسەنت بۇلۇپ كەتمەيدۇ،

  • 185******003 ئاي ئىلگىرى

    مىنىڭكىدە قەتتى مەسىلە يوق ئاۋۇلا چوقۇم توقىۋاغان گەپ . يەنە كىم بىلىدۇ قولۇڭدىكى زاپەر تىلفۇنمۇ تىخى دەيدىغانلا چىقىدىغان بولدى دە لىكىن . iphone x 64جى ھەي پەچەت چىقتى

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号