باش بەت

zevmret

896يوللانما
36مەستانە

ئۈرۈمچىنىڭ بۈگۈنكى تېمپېراتۇرىسى ℃3 ئۆرلىدى، ئەتىدىن باشلاپ كۆپ رايونلاردا قار ياغىدۇ

مەنبە:تېڭشۈن تورى يوللانغان ۋاقىت:2018-01-11 16:54 1 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى:

  ياخشىمۇسىلەر، بۈگۈن ئۈرۈمچىنىڭ تېمپېراتۇرىسى يەنە داۋاملىق تۈردە ئۆرلەيدۇ، يۇقىرى تېمپېراتۇرا 6- بولۇپ، ئىلگىرىكىدىن 3 ئۆرلىدى، تۆۋەن تېمپېراتۇرا يەنىلا ℃16-.

  دەرۋەقە قىشتىكى ياخشى ھەمراھ مامۇق چاپان بىلەن ئېسكىموسلار ئۆتۈكى ئىدى. بۈگۈن كۈندۈزدە شەھىرىمىزدە ھاۋا ئوچۇق بولۇپ، بەزىدە تۇمانلىق بولىدۇ، 5 بال شەرقىي جەنۇب شامىلى چىقىدۇ، جەنۇبىي تاغ رايونىنىڭ تېمپېراتۇرىسىمۇ ئۆرلەپ ℃12-قا چىقىدۇ. لېكىن بۇ خىل ئىللىق ھاۋا يەنە قانچىلىك داۋاملىشىدىغاندۇ؟ ئىگەللىنىشىچە بۇ خىل ئىللىق ھاۋا تېزلا ئاخىرلىشىپ قالىدىغان بولۇپ، يەنە كېلىپ ئۇزاق بولمىغان كەلگۈسىدە ئىككى قېتىملىق قار يېغىشتەك ھاۋا رايىغىمۇ ئۇچرايدىكەنمىز.

  بىرىنچى مەيدان قار: 12-يانۋار چۈشتىن كېيىندىن باشلاپ يېرىم كېچىگىچە بولۇپ، ئۈرۈمچى شەھەر رايونى، مىدوڭ رايونى، جەنۇبىي شەھەر ئەتراپىي ۋە جەنۇبىي تاغ رايونى قاتارلىقلاردا ئازراق قار ياغىدۇ، قىسمەن رايونلاردا ئوتتۇرا ھال قار ياغىدۇ، يۇقارقى رايونلاردا يەنە 3 بالدىن 4 بالغىچە غەربىي شىمال شامىلى چىقىدۇ، داۋانچىڭدا بۇلۇتلۇق بولۇپ، 5 بال ئەتراپىدا قىيپاش غەرب شامىلى چىقىدۇ، تېمپېراتۇرىدىمۇ تۆۋەنلەش ئەھۋالى كۆرۈلىدۇ.

  ئىككىنچى مەيدان قار: 14-يانۋار كەچقۇرۇندىن باشلاپ قار يېغىپ، تېمپېراتۇرا تۆۋەنلەش ئەھۋالى كۆرۈلىدۇ.

  ھەرھالدا ئىدىيىدە تەييارلىق كۆرۈپ قويغىنىمىز بولىدۇ، شىمالىي شىنجاڭنىڭ كۆپ قىسىم رايونلىرىدا بۈگۈن كېچىدىن ئەتە كۈندۈزگىچە ئازراق قار ياغىدۇ. ئارىدا ئىلى ئوبلاستى، تارباغاتاي قاتارلىق رايونلارنىڭ شىمالىدا ئوتتۇرا ھال ياكى قېلىن قار ياغىدۇ. شەرقىي جۇڭغار قاتارلىق رايونلاردا كۆپىنچە ھاۋا ئوچۇق بولۇپ، بەزىدە بۇلۇتلۇق بولىدۇ؛ جەنۇبىي شىنجاڭدا ھاۋا ئوچۇق بولىدۇ.

ھاۋارايى كۆرسەتمىسى (ئۈرۈمچى شەھەرلىك مېتېئورولوگىيەلىك ئۆلچەش ئىستانسىسى)

  ئازادىلىك دەرىجىسى كۆرسەتكۈچى: 2-دەرىجە سوغۇق

  كىيىنىش كۆرسەتكۈچى: 2-دەرىجە مامۇق چاپان، پاختىلىق چاپان

  ئۇلترا بىنەپشە نۇر كۆرسەتكۈچى: 3-دەرىجە مۇۋاپىق مۇداپىئەلىنىش 

  ماشىنا يۇيۇش كۆرسەتكۈچى: 5-دەرىجە ماشىنا يۇيۇش بىر قەدەر مۇۋاپىق

  ئوت ئاپىتى كۆرسەتكۈچى: 3-دەرىجە ئاسانلىقچە يۈز بەرمەيدۇ.



دىيارىمىز ھەققىدىكى ئەڭ يېڭى خەۋەرلەر دۆڭكۆۋرۈك خاتىرىلىرى سالونىدا

باش سۈرەت تاللاش x
  • 152******833 ئاي ئىلگىرى

    مەن نۇر تورىنىڭ مۇشۇ تەرىپىگە قايىل،مەن داۋاملىق تەكلىپ پىكىر بەرسەم دەرھال ئەستايىدىل مۇئامىلە قىلىپ ۋاقتىدا ئۆزگەرتتىڭلار،رەھمەت!ئانا تىلنىڭ ساپلىقى ۋە كىيىنكىلەرگە توغرا ،تولۇق يەتكۈزىلىشىدە ھەممىمىزنىڭ باش تارتىپ بولمايدىغان مەسئۇلىيىتى ۋە مەجبۇرىتى بار!رەھمەت!

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号