باش بەت

zevmret

896يوللانما
36مەستانە

مۈشۈك ئائىلىسىدىكى ئۆيدە بېقىشقا بولمايدىغان جۇغى ئەڭ كىچىك شاكىچىك

مەنبە:تېڭشۈن تورى يوللانغان ۋاقىت:2018-01-11 17:30 7 ئىنكاس چۈشتى

  تېڭشۈن تورى خەۋىرى، نۇر تورى تەرجىمىسى: بۈگۈن ئىنتايىن ئۆزگىچە بولغان كىچىك ئوماقلارنى تونۇشتۇرىمىز...

  ئۇلارنىڭ جۇغى شۇنچىلىك ئەپچىل ۋە چاققان.

  رەڭگى ھەم چىرايلىق.

  بىر جۈپ زۇمرەتتەك ياپيېشىل يوغان كۆزلىرى گويا قارىغان كىشىنىڭ روھىغىچە كۆرەلەيدۇ...

  بۇ بىر توپ ئوماقلار مۈشۈك ئائىلىسىدىن مولۇن تۈرىگە تەۋە بولۇپ، مويىدىكى تۆمۈر دېتىغا ئوخشايدىغان چىپار داغلىرىغا ئاساسەن دات مۈشۈك ياكى داغ مۈشۈك دەپمۇ ئاتىلىدۇ.

ئەمەلىيەتتە دات مۈشۈك يېڭى تۈر ئەمەس، نۇرغۇن تاراتقۇلارمۇ ئىلگىرى بۇ ھەقتە خەۋەر بەرگەنىدى، يېقىندا ئۇلارنىڭ بارغانسېرى داڭلىق بولۇپ كېتىشىدىكى سەۋەب ئۇلار BBCنىڭ Big Cats ناملىق پىروگراممىسىدا مۇشۇ تۈردىكى شاكىچىكلار مەخسۇس تونۇشتۇرۇلغانىدى.

  شۇنداق قىلىپ، تاراتقۇلارنىڭ تارقىتىشى ئارقىسىدا بۇلارمۇ ئاستا-ئاستا كۆپچىلىككە تونۇلدى، ئۇلارنى تالادا ئۇچراتماق ئىنتايىن تەس بولغاچقا كىشىلەر توردىن ئۇلارنىڭ چىرايلىق رەسىملىرىنى ئاختۇرۇشقا باشلىدى...

  ئىسمىدىنلا بىلىۋېلىشقا بولىدۇكى، ئۇلارنىڭ رەڭگى ۋە مويلىرى ئارىسىدىكى داغ ئىزى بەئەينى دات باسقان تۆمۈردەكلا ئىدى.

  يەنە كېلىپ ئۇلار مۈشۈك ئائىلىسىدىكى جۇغى ئەڭ كىچىك بولغان بىر تۈر ھېسابلىنىدۇ، ئادەتتە ئۆيدە بېقىلىدىغان مۈشۈكلەردىنمۇ كىچىك بولۇپ، قۇرامىغا يەتكەن دات مۈشۈكنىڭ بەدىنىنىڭ ئۇزۇنلۇقى تەخمىنەن 35-48 سانتېمېتىر ئەتراپىدا كېلىدۇ، ئېغىرلىقى 1.5 كىلوگرامدىن ئاشمايدۇ.

  نۇرغۇن كىشىلەر دات مۈشۈكىنى تۇنجى كۆرگەندە كۆپىنچە ھاللاردا يېڭى تۇغۇلغان ئاسلان دەپ ئويلاپ قالىدۇ، لېكىن ئەمەلىيەتتە قۇرامىغا يەتكەن دات مۈشۈكىنىڭ چوڭلۇقىمۇ پەقەت شۇنچىلىكلا كېلىدۇ.

  لېكىن بۇ شاكىچىكلەرنىڭ كۆزى ئىنتايىن چوڭ، قارىماققا كىچىك زېرەكلەردەكلا كۆرۈنىدۇ.

  ئۇلار سېرىلانكا ۋە جەنۇبىي ۋە شەربىي شىمالىي ھىندىستاننىڭ بۈك-باراقسان ئورمانلىقلىرىدا ياشايدىغان بولۇپ، پۈتۈن يەرشارىدىكى ئومۇمىي سانى 10 مىڭدىن ئاشمايدۇ، شۇڭا بۇ تۈر ئەلۋەتتە نەسلى قۇرۇش گىردابىغا بېرىپ قالغان ھايۋانلار قاتارىغا كىرگۈزۈلدى، ھالبۇكى، بىر قىسىم خەۋەردە دېيىلىشىچە، بەزى كىشىلەر ئۇلارنى ئىنسانلار توپلىشىپ ئولتۇراقلاشقان رايونلار ۋە چاي ئېتىزلىقلىرى ئەتراپىدا ئۇچراتقان، دېمەك، بۇ شاكىچىكلەرنىڭ مۇھىتقا ماسلىشىشچانلىقى يەنىلا بىر قەدەر كۈچلۈك بولغان بولىدۇ.

  ئورمانلىقتا ياشايدىغان دات مۈشۈكىنىڭ كۆپ قىسم ۋاقتى دەرەختە ئۆتكەن بولىدۇ، ئۇلار يالغۇز ھەرىكەت قىلىشنى ياقتۇرىدۇ.

  ئۇلار ئاساسەن دېگۈدەك گۆشسىز تاماق يېمەيدۇ، دائىم چاشقان، قۇش قاتارىقلارنى ئوۋلايدۇ، گەرچە پۇت-قولى كالتە بولسىمۇ، لېكىن ھەرىكىتى ئىنتايىن چاققان، كۆرۈش قۇۋۋىتى ۋە پۇراش سېزىمى ئىنسانلارنىڭ 6 ھەسسىگە باراۋاەر بولۇپ، ئوۋ ئوۋلىغاندا ھەم تېز ھەم توغرا ھەم رەھىمسىز.

  مۈشۈك ئائىلىسىدىن بولمىش، كۆزلىرىدە ئەلۋەتتە جەمەتىگە خاس بولغان باشقا بارچىنى مەنسىتمەسلىك تۇيغۇسىنى سېزەلەيسىز.

  ھەرقانچە قىلغان بىلەن ئاقسالىق ئىچىدىن ئوماقلىقىنى چاندۇرۇپ قويىدىغان جانۋاردۇر.

  ئاخىرىدا ئەسكەرتىپ قويىدىغىنىم، «ھە»لا دەپ قويساق بولدى، «ئۆيگە ئاپىرىپ باقايچۇ» دەپ يۈرمىسىڭىزمۇ بولىدۇ.

--------------------------------------

تورداشلارنىڭ ئىنكاسى:

  بۇنى كۆرۈپ بولۇپ ئۆيدىكى مۈشۈكۈمگە قارىسام ھەجەپمۇ بىر سەت كۆرۈندىيا!

  كىچىك غوجا ئاكامدەكلا تۇرىدىكەن.

  باقسام بولمايدۇ! باقسام بولمايدۇ! باقسام بولمايدۇ!

  بۇلۇت ئابسورپسىيەسى قىلىشقا تەييارلىنىپ بولدۇم.

  ۋاي نېمانداق ئوماق بۇ! ۋاي يۈرۈكۈم!

  ماڭا ۋەدە بېرىڭ! ئۇنى ياخشى كۆرۈشكە بولىدۇ، ئائىلە ئەزاسى قىلىشقا بولمايدۇ!

باش سۈرەت تاللاش x
  • رۇزى يىمىت2 ھەپتە ئىلگىرى

    مۈشۈكنىڭ ياۋىسىنى مۈلۈن دەيمىز ئۇلار ئاساسەن تاغلىق رايۇنلاردا ياشايدۇ ئۇلارنى كۆندۈرۈش بەكلا تەس

  • باھادېر1 ئاي ئىلگىرى

    مۇشۇك بېقىشقا ھەۋەس قىلدىغانلار قاراپ تۇرماي خوتەنگە بىرىڭلا ، مۇشۇكلەر ئادەمدىن يىتىرقىرش يوق ،،كىلىپ پۇراپ باقىدىكەن،،

  • كونۇپكا پالۋىنى:ھالاكەت ئارخىپى3 ئاي ئىلگىرى

    بولىدۇ ئەمىسە تەھرىر ……
    باقىمەن دېمەيمەن ……ئەمما سىزدىن كىچىككىنە
    بىر ئىشنى سورىماقچىمەن………سېرىلانكا ياكى
    ھىندىستانغا بارىدىغان ئايروپىلاننىڭ بېلىتى قانچە پۇل
    بولغېيتتى؟؟؟
    مېنىڭ باشقا مەقسىتىم يوق جۇمۇ دەپ قوياي………!!
    ھى…………ھى………ھى…………

  • توغراق،شاھى3 ئاي ئىلگىرى

    بونداق مۇشۇكلەر بورونلاردا يىزالاردىمو تولا ئوچرايتتى ئەدەملەرگە قەتتى توتوق بەرمەيتتى يېقىنقى يىللىرادا چوڭ كۆك ساچقانلار كۆپىيىپ كىتىپ كىشلەر ساچقان دورىسنى تولا قويوپ ،دورا يىگەن ساچقانلارنى ئۆيدە باققان مۇشۇكلەر مولون ياۋا مۇشۇكلەر يەپ ئۇلۇپ كەتتى ھازىر ناگاندا بىر مۇشۇك كۆرمىسەك يوق .

  • شاھرۇھ خاننىڭ مەستانىسى3 ئاي ئىلگىرى

    نىمىشقا ئۆيدە باقساق بولمايمىش ؟ پۇتىمىزنى غاجاپ قۇيامدىكەن بۇ جانىۋار ؟ بەك ئوماقكەن يەۋەتكۈم كىلىۋاتىدۇ پاھ

  • مۇرادىل3 ئاي ئىلگىرى

    مۇلەن مۈشۈك شۇمۇ نىممە

  • ياگامى3 ئاي ئىلگىرى

    بۇ بىرخىل كىچىك مولۇن ،مۈشۈك ئەمەس ،مۈشۈكنىڭ قۇلۇقىدا قىسقا تۈك بولىدۇ،ھەم قۇلۇقى ئۇچلۇق بۈرجەكلىك بولىدۇ،بۇنىڭ قۇلۇقى ئەگمىسىمان ئىكەن ،مولۇن دەل شۇنداق بولىدۇ

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号