باش بەت

خەۋەرلەر

4826يوللانما
25مەستانە

«12315» قىزىق لىنىيەسىنىڭ ئەرز قوبۇل قىلىش دائىرىسى كېڭەيتىلدى

مەنبە:تەڭرىتاغ تورى يوللانغان ۋاقىت:2018-01-11 18:22 0 ئىنكاس چۈشتى

  ئاسىيا مەركىزى تورى خەۋىرى: ئىستېمالچىلار سېتىۋالغان نەرسىلەرنىڭ سۈپىتىدە مەسىلە كۆرۈلسە ئىلگىرى «12315» غا تېلېفون قىلاتتى، ھازىر «12315» تېلېفونىنىڭ ئەرز قوبۇل قىلىش دائىرىسى تېخىمۇ كېڭەيتىلدى.

  ھازىردىن باشلاپ، ئىستېمالچىلار سېتىۋالغان ئۆي ياكى يېمەكلىك، دورىدا مەسىلە بولسا «12315» غا تېلېفون ئۇرسا، تېلېفون قوبۇل قىلغۇچى بۇ ئۇچۇرلارنى ئاپتونوم رايونلۇق ئىستېمالچىلار ھوقۇقىنى قوغداش تور مۇلازىمەت سۇپىسىغا يوللاپ ئەنگە ئالغۇزۇپ، ئىستېمالچىلارنىڭ ھوقۇقىنى قوغداش مېخانىزمى ئارقىلىق، بۇ مەسىلىنى ئالاقىدار ئورۇنلارغا يەتكۈزىدىكەن.

  ئىگىلىنىشىچە، ھازىر ئاپتونوم رايونىمىز«12315» تېلېفونى ئارقىلىق ئاپتونوم رايونلۇق قاتناش تىرانسپورت نازارىتى، ئاپتونوم رايونلۇق دورا-يېمەكلىكلەرنى نازارەت قىلىش ئىدارىسى، ئاپتونوم رايونلۇق پوچتا ئىشلىرىنى باشقۇرۇش ئىدارىسى، ئاپتونوم رايونلۇق ئۇچۇر ئالاقە باشقۇرۇش ئىدارىسى، ئاپتونوم رايونلۇق سۈپەت نازارەتچىلىك ئىدارىسى، ئاپتونوم رايونلۇق ئولتۇراق ئۆي شەھەر-يېزا قۇرۇلۇش نازارىتى قاتارلىق سەككىز تارماققا چېتىشلىق ئەرزلەرنى قوبۇل قىلىدىغان بولۇپ، بۇنىڭدىن كېيىن 31 تارماققا كېڭەيتىلىدىكەن. بۇ يىل، ئاپتونوم رايونلۇق سودا-سانائەتنى مەمۇرىي باشقۇرۇش ئىدارىسى «سودا-سانائەتتە يۈز ئىشنى بىلىش» سۇپىسىنى بەرپا قىلىدىكەن، ئىستېمالچىلار«12315» تېلېفونى ئارقىلىق پاش قىلىش بىلەن بىرگە، يەنە كارخانىنى تىزىملاش، كارخانىنى نازارەت قىلىپ باشقۇرۇش ۋە سودا-سانائەت ئىشلىرىغا ئائىت ئىشلاردىن مەسلىھەت سورىيالايدىكەن.

  2017-يىلى ئاپتونوم رايونىمىزدا«12315» پاش قىلىش تېلېفونى ئارقىلىق 276 مىڭ 700 دېلو قوبۇل قىلىنىپ، ئىستېمالچىلارنىڭ 61 مىليون يۈەنگە يېقىن ئىقتىسادىي زىيىنى قايتۇرۇپ كېلىنگەن.

مەنبە: http://uy.ts.cn/system/2018/01/11/035071138.shtml



دىيارىمىز ھەققىدىكى ئەڭ يېڭى خەۋەرلەر دۆڭكۆۋرۈك خاتىرىلىرى سالونىدا

باش سۈرەت تاللاش x
ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号