باش بەت

zevmret

902يوللانما
36مەستانە

فوتوگراف دېڭىزدا «نوركا» كىيگەن دېڭىز تاشپاقىسىنى بايقىدى

مەنبە:تېڭشۈن تورى يوللانغان ۋاقىت:2018-01-11 18:25 1 ئىنكاس چۈشتى

  تېڭشۈن تورى خەۋىرى، نۇر تورى تەرجىمىسى:

«كۈندىلىك پوچتا گېزىتى»نىڭ 10-يانۋاردىكى خەۋىرى، بۇ يىل 37 ياشقا كىرگەن فوتوگراف Craig Perry يېقىندا ئاۋسترالىيە ئابي بايرون دېڭىز رايونىدىكى يوشۇرۇن خادا تاش ئەتراپىدا سۇ ئۈزۈۋېتىپ تاساددىپىي ھالدا دېڭىز يۇسۇنىغا ئورالغان بىر دېڭىز تاشپاقىسىنى بايقاپ قالدى، قارىماققا بۇ تاشپاقا بەئەينى يۇمشاق شۇنداقلا دېڭىز سۈيىگە ئەگىشىپ ئەركىن چايقىلىپ تۇرىدىغان چاپان كىيىۋالغاندەك كۆرۈنەتتى.

بۇ ئالاھىدە كۆرۈنىدىغان دېڭىز تاشپاقىسىنىڭ قېپى دېڭىز يۇسۇنى ۋە دېڭىز چۆپى بىلەن ئورالغان بولۇپ، يىراقتىن قارىسىڭىز بەئەينى نوركا چاپان كىيىۋالغاندەكلا كۆرۈنەتتى. بېشى ۋە پۇت-ئۈزگۈچىلىرى ئۇششاق بالانۇس قۇلۇلىسى ۋە دېڭىز چۆپىلىرى بىلەن قاپلانغانىدى. ئىگىلىنىشىچە، دېڭىز تاشپاقىسىنىڭ سىرتقى قېپى ئۈستىدە ئۆسكەن جانلىقلارنىڭ ھېچقانداق زىيىنى يوق بولۇپ، كۆپلىگەن ياۋايى دېڭىز تاشپاقىلىرىنىڭ قېپىدىمۇ ئوخشاشلا بىر تۈرلۈك دېڭىز يۇسۇنلىرى ئۆسۈپ قالاتتى، لېكىن بۇ دېڭىز تاشپاقىسىدەك بۈك-باراقسان ئۆسكەنلىرى ئىنتايىن ئاز ئۇچرايتى.

Craig مۇنداق دېدى: مەن ئۇزاق يىللىق غەۋۋاسلىق ھاياتىمدا ئەزەلدىن مۇنداق مويلۇق دېڭىز تاشپاقىسىنى ئۇچراتمىغاندىم، ئۇنى بايقىغاندا تولىمۇ ھاڭ-تاڭ قالدىم، گەرچە دېڭىز يۇسۇنلىرى زىيانسىز، شۇنداقلا دېڭىز تاشپاقىسىنىڭ ئۆزلۈكىدىن ساقىيىش ئىقتىدارى بولسىمۇ، مەن يەنىلا ئۇنىڭ سالامەتلىك ئەھۋالىدىن ئەنسىرەپ قالدىم، ئۇ بىر قېتىملىق تازىلىنىشقا تولىمۇ موھتاج ئىدى. Craig يەنە ئۆزىنىڭ ئالاقىدار ئورۇنلار بىلەن ئالاقىلىشىپ، ئەھۋالنى ئىنكاس قىلىدىغانلىقىنى ئېيتتى. لېكىن بۇ كەڭ دېڭىز ئاستىدىن ئاشۇ دېڭىز تاشپاقىسىنى قايتىدىن ئىزدەپ تېپىش بەئەينى دېڭىز ئاستىدىن يىڭنە ئاختۇرغاندەك تولىمۇ مۈشكۈل ئىش ئىدى.

باش سۈرەت تاللاش x
  • ئۈژمە3 ئاي ئىلگىرى

    پاھ ، ھوي ، ئىنسانلار نوركا كەيسە رەھىمسىزلىك بولىدىغانلىقىنى ئەمدىلەتىن بىلىپ كېلىۋاتسا تاشپاقا خېنىمنىڭ نىمە قىلغىنى بۇ .بىراق قارىسام بۇ خانقىزغا نوركا خېلى يارىشىپتۇ بەزى ئىنسانلارغا قارىغاندا.

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号