باش بەت

zevmret

905يوللانما
36مەستانە

تاغنى يۆتكەپ يول ياساش: ھىندىستانلىق يۈگوڭ

مەنبە:تېڭشۈن تورى يوللانغان ۋاقىت:2018-01-12 12:45 6 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى:

جالاندار ناياك پەقەت بىر دانە جوتۇ ۋە بىر تال لوم تۆمۈر ئارقىلىق بالىلىرى ئۈچۈن ئۆيگە قايتىدىغان يول ياساپ بەردى.

«كۈندىلىك پوچتا گېزىتى»نىڭ 11-يانۋاردىكى خەۋىرى، ھىندىستانلىق 45 ياشلىق ئاتا جالاندار ناياك بالىلىرىنىڭ ئۆيگە پات-پات قايتىپ كېلىپ ئۆزىنى يوقلاپ تۇرۇشى ئۈچۈن، بىر دانە جوتۇ ۋە بىر تال لوم تۆمۈر ئارقىلىق تاغنى قېزىپ تۆشۈك ئېچىپ، ئومۇمىي مۇساپىسى 10 كىلومېتىر كېلىدىغان بىر يول ياسىدى.

جالاندار ناياك ھىندىستاننىڭ شەرقىدىكى ئورىسسا ئىشتاتىدىكى چەت بىر يېزىدا تۇرىدىغان بولۇپ، ئۇ يەر ئۇنىڭ 3 نەپەر ئوغلى ئوقۇيدىغان ياتاقلىق مەكتەپكە تەخمىنەن 10 كىلومېتىر كېلەتتى. ھەرقېتىم بالىلىرى ئۆيگە قايتىدىغان چاغدا 5 دانە تاغدىن ئۆتۈشكە توغرا كېلىدىغان بولۇپ، پىيادە 3 سائەت يول يۈرمىسە بولمايتى. بالىلىرىنىڭ ئەگرى-توقاي تاغ يوللىرىدا جاپا تارتىۋاتقانلىقىنى كۆرۈپ، ئاتا بولغۇچىنىڭ يۈرىكى ئاغرىدى، شۇڭا ئۇ تاغنى قېزىپ يول ياساشنى قارار قىلدى. 

ئۆتكەن ئىككى يىلدا، ئۇ ھەركۈنى سەھەردە قورال-جابدۇقلىرىنى ئېلىپ يول ياساش ئۈچۈن يولغا چىقاتتى، ھەركۈنى 8 سائەت سەرپ قىلىپ قورام تاشلارنى تېشىپ، چوڭ تاشلارنى يۆتكەيتى.

كۆكتات سېتىش بىلەن شۇغۇللىنىدىغان جالاندار ئەزەلدىن مەكتەپ يۈزى كۆرمىگەنىدى، ئۇ بارلىق ئارزۇ-ئۈمىدلىرىنى بالىلىرىغا باغلىغانىدى، ئۇنىڭ دېيىشىچە، ئۇ يولنى پۈتتۈرسە، بالىلىرىمۇ پات-پات ئۆيگە قايتىپ، ئۇنى يوقلاپ تۇرالايدىكەن.

ھازىر، شۇ يەرلىك ئەمەلدارلارنىڭ بىلدۈرىشىچە، قالغان يولنى ھۆكۈمەت دائىرلىرى پۈتتۈرۈشنى ئۈستىگە ئالغان ئىدى. شۇنداقلا جالاندارنىڭ جاسارىتىنى تەقدىرلەش يۈزىسىدىن يەنە ئۇنىڭغا بەلگىلىك ھەق بېرىلىدىكەن. بۇ يول قۇرۇلۇشى پۈتكەن ھامان ناياك ئائىلىسى تۇرۇشلۇق يېزا ئۇنىڭ بالىلىرى ئوقۇۋاتقان مەكتەپ تۇرۇشلۇق بازارغا تۇتاشتۇرىلىدىكەن.

باش سۈرەت تاللاش x
  • ئالتۇن چاقماق3 ئاي ئىلگىرى

    ھۆرمەتلىنىشكە ئەرزىيدۇ

  • پەنەر3 ئاي ئىلگىرى

    تاغنى يۆتكەپ يول ياساش-دەپ ماۋزۇ قويۇلغىنى توغرا بولماپتۇ.ھەر قانداق ئادەم ماۋزۇغا قاراپلا-نىمە قىلار تاغنى يۆتكەپ،يولنى تاغنى ئەگىپ ياسىسا بولماسمۇ دەپ قارايدۇ

  • شەھرىيا3 ئاي ئىلگىرى

    جاسارەتلىك مىھرىبان ئادەم ئىكەن

  • .............3 ئاي ئىلگىرى

    ياشاپ كەت، ئاتا دېگەن سەندەك بولسۇن。قارا بولساڭمۇ

  • شىرئەلى3 ئاي ئىلگىرى

    1كويۇڭنى 10كويغا ئالماشتۇرۇپ بىرىدىغىنى پەقەت ۋە پەقەت ئاتاڭ

  • باھارىم .3 ئاي ئىلگىرى

    نىمىدىگەن تەسىرلىك . ئاتا ئانىلار بالىلېرىنىڭ جاپا تارتىشىنى پەقەت خالىمايدۇ . لېكىن بالىلار ئاتا – ئانىمىزغا نىمىش قىپ بەردۇق .ياخشى ئويلۇنۇپ باقايلى .

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号