باش بەت

zevmret

894يوللانما
36مەستانە

كىملىك كۆپەيتكەندە بۇ نەچچە سۆزنى قوشمىسىڭىز خانىۋەيران بولۇپ كېتىسىز

مەنبە:بېيجىڭ ۋاقتى تورى يوللانغان ۋاقىت:2018-01-13 11:52 6 ئىنكاس چۈشتى

بېيجىڭ ۋاقىت تورى خەۋىرى، نۇر تورى تەرجىمىسى:

كۈندىلىك تۇرمۇشتىكى نۇرغۇن ئورۇنلاردا كىملىكنىڭ كۆپەيتىلگەن نۇسخىسىنى ئىشلىتىمىز، خىزمەت ئىزدەش، بانكا كارتىسى بېجىرىش، كىنىشكا بېجىرىش...قاتارلىقلار. نۇرغۇن كىشىلەر قىلچە پەخەس بولماستىنلا ئۆزىنىڭ كىملىكىنى باشقىلارغا تاپشۇرۇپ بېرىدۇ، كۆپەيتىلگەن نۇسخىسىغا بۇ سۆزلەر قوشۇلمىسا، ئۆي-بىساتىدىن ئايرىلىپ، ھەتتا 200 مىڭ يۈەن قەرز ئارتىلىپ قېلىشى مۇمكىن.

بۇنداق ۋەقەنى كىنولاردىلا ئۇچرايدۇ دەپ قالماڭ، ئەمەلىيەتتىمۇ بار.

بىرىنچى دېلو مىسالى:

سەۋەبسىز ھالدا 200 مىڭ يۈەن قەرز ئارتىلىپ قېلىشنىڭ سەۋەبى پەقەت كىملىكنىڭ كۆپەيتىلگەن نۇسخىسىنىڭ چاتىقى.

سۇن ئەپەندى جياڭسۇدىكى بىر شەخسىي ئىگىلىكنىڭ خادىمى ئىدى، 2016-يىلى ئايالى بىلەن بىرلىشىپ بانكىدىن قەرز ئېلىپ يېڭى ئۆي سېتىۋالدى، لېكىن، قەرز ئېلىش رەسمىيەتلىرىنى بېجىرىش جەريانىدا ئۇ بانكىنىڭ ئۇقتۇرىشىنى تاپشۇرىۋالدى: ئۆزىنىڭ يېقىنقى 3 يىل ئىچىدىكى ئىناۋەت-ئىشەنچ ئارخىپىدا كۆپ قېتىم نامۇۋاپىق خاتىرە قالدۇرۇلغانلىقتىن، ئىلتىماس قىلغان بانكا قەرزى باش بانكا تەرىپىدىن قايتۇرۇۋېلىندى.

بۇ گەپنى ئاڭلىغان سۇن ئەپەندى گاڭگىراپلا قالدى، بۇ نەچچە يىلدىن بۇيان ئۆزى بانكىدىن باشقا ھېچكىمدىن قەرز ئېلىپ باقمىغان، يەنە كېلىپ قانداقتۇ ئىناۋەتلىك كارتا بېجىرىپ باقمىغان تۇرسا، قانداقسىگە نامۇۋاپىق خاتىرە قالدۇرغان بولىدۇ؟ بۇ ئىشنىڭ تېگى-تەكتىنى ئوبدان بىلىپ بېقىش ئۈچۈن، سۇن ئەپەندى بانكا خادىمىغا ئۆزىنىڭ مۇناسىۋەتلىك ئۇچۇرلىرىنى تەكشۈرگۈزۈپ، كېلىپ چىققان نەتىجىدىن چۆچۈپ كەتتى.

ئەسلىدە سۇن ئەپەندىنىڭ نامىدا ئوخشاش ۋاقىتتا بېجىرىلگەن 4 دانە ئىناۋەتلىك كارتا بولۇپ، ھەربىر كارتىدا نەچچە ئون مىڭ يۈەندىن ئونكول چىقىمى ۋە مۇددەتتىن ئېشىپ كېتىپ قايتۇرۇلغان قەرز خاتىرىسى بار ئىدى. كارتا بېجىرىلگەن ئۇچۇردا كۆرسىتىلىشىچە، بۇ 4 پارچە ئىناۋەتلىك كارتىنىڭ ھەممىسىنى چېن فامىلىلىك بىر ئەر سۇن ئەپەندىنىڭ كىملىكىنىڭ كۆپەيتىلگەن نۇسخىسىنى ئاپىرىپ بېجىرگەنىدى. ئۆزىنىڭ سالاھىيىتىنىڭ باشقىلار تەرىپىدىن ئوغۇرلۇقچە ئىشلىتىلگەنلىكىدىن گۇمانلانغان سۇن ئەپەندى دەرھال ساقچىغا مەلۇم قىلدى. ئەسلىدە سۇن ئەپەندىنىڭ ئاپىسى بىر قېتىم ئۇنىڭ كىملىكى ئارقىلىق ھەقسىز كىر يۇيۇش پاراشوكى ئالغانىدى.

ھەقسىز كىر يۇيۇش پاراشوكى ئۈچۈن سۇن ئەپەندىنىڭ ئاپىسى ئۆزىنىڭ ئوغلى، كېلىنى ۋە يولدىشىنىڭ كىملىكلىرى بىلەن بىر خالتىدىن پاراشوك ئېلىۋالغانىدى، ئەمما كىملىك قانۇنسىز ئۇنسۇرلارنىڭ قولىغا چۈشۈپ كەتكەنلىكتىن، يۇقارقىدەك ۋەقەنى تۇغدۇرغاندى. ھازىر ساقچىلار بۇنى دېلو قىلىپ تۇرغۇزۇپ، تەكشۈرۈشكە كىرىشتى.


ئىككىنچى دېلو مىسالى:

 2016-يىلى، مەلۇم رايونلۇق ج خ ئىدارىسى بىر خانىمنىڭ دېلو مەلۇم قىلغان تېلىفونىنى قوبۇل قىلدى، بۇ خانىمنىڭ ئېيتىشىچە ئۆزىنىڭ داچىسى ئۆزى خەۋەرسىز ھالدا سېتىلىپ كەتكەنىدى! مەسىلە يەنىلا شۇ كىملىكنىڭ كۆپەيتىلگەن نۇسخىسىدا ئىدى.

ساقچىلارنىڭ تەكشۈرۈپ ئىگەللىشىچە، بۇ خانىم ئۆزىنىڭ كىملىكىنىڭ كۆپەيتىلگەن نۇسخىسىنى ۋاستىچىغا بەرگەندىن كېيىن، ۋاستىچى شۇنىڭدىن پايدىلىنىپ ساختا كىملىك ياساپ، داچىنى خەققە سېتىۋەتكەنىدى.


ئۈچىنچى دېلو مىسالى:

2011-يىلى، جېجياڭدىكى جوۋ ئەپەندى ئۆزىنىڭ ھېچنېمىدىن ھېچنېمە يوقلا «كارتا بېجىرىلىپ» 50 مىڭغا يېقىن قەرز بولۇپ قالغانلىقىنى بايقىدى. ئەسلىدە 3 يىل ئىلگىرى ئۇ ئۆزىنىڭ كىملىكىنى تولۇقسىزدىكى ساۋاقدىشى شاۋ فامىلىلىككە پاي چېكىدە ھېسابات ئاچقۇزۇشقا ئارىيەت بېرىپ تۇرغانىدى. ئويلىمىغان يەردىن شاۋ فامىلىلىك جوۋ ئەپەندىنىڭ كىملىكىنىڭ كۆپەيتمە نۇسخىسىدىن پايدىلىنىپ ھەرقايسى بانكىلاردا 6 دانە ئىناۋەت كارتىسى بېجىرىپ، 3 يىل ئىچىدە 50 مىڭغا يېقىن ئونكول قىلغانىدى.


يۇقارقى ۋەقەلەر نۇرداشلارغا ئاگاھلاندۇرۇش سىگنالى بولسۇن!

مۇبادا كىملىكىڭىزنىڭ كۆپەيتىلگەن نۇسخىسىنى باشقىلارغا بېرىدىغان ئىش بولۇپ قالسا، بىخەتەر بولسۇن ئۈچۈن تۆۋەندىكى تەدبىرلەر ئاساسىدا ئىش كۆرۈڭ، كىملىكىڭىزنى باشقىلارغا تاپشۇرۇش توغرا كەلگەندە چوقۇم ئىلاۋە قىلدۇرۇڭ.

بەلگە قىلىش 3 قۇر قىلىپ يېزىلىدۇ، ئاخىرقى قۇرىنىڭ ئاستىغا سىزىق تارتىلىدۇ، ئەڭ ياخشىسى ئۈچ قۇر قىلىپ يېزىلىپ، ھەربىر قۇر خەتنىڭ كەينىگە توغرا سىزىق سىزىلىدۇ. مەسىلەن:

پەقەت XXXنىڭ ئامانىتى بويىچە ____

XXXنى بېجىرىش ئۈچۈن ئىلتىماس قىلىندى ____

باشقا ئىشقا ئىشلىتىلسە ئىناۋەتسىز ____


كىملىك يۈتسە دەرھال قايتا بېجىرىش كېرەك!

كىملىك شۇنچە مۇھىم تۇرسا، يۈتسە نۇرغۇن ئاۋارىچىلىق كېلىپ چىقىدۇ! يەنە كېلىپ ھەممىلا يەردە كىملىك ئىشلىتىشىمىز توغرا كېلىدۇ.

ئىككىنچى ئەۋلاد كىملىكنىڭ قانۇنىي جاۋابكارلىقى:

بىرىنچى: تۆۋەندىكى قىلمىشلاردىن بىرسى كۆرۈلسە، جامائەت خەۋپسىزلىك ئورگىنى تەرىپىدىن ئاگاھلاندۇرۇش بېرىلىدۇ ۋە 200يۈەندىن تۆۋەن جەرىمانە قويۇلىدۇ، قانۇنسىز تاپاۋىتى بار بولغان بولسا، تاپاۋىتى مۇسادىرە قىلىنىدۇ؛

  1. ساختا ئىسپات ماتېرىياللار ئارقىلىق ئاھالىلەر كىملىكىگە ئېرىشكەن؛

  2. كىملىكنى ئىجارىگە، ئارىيەتكە بەرگەن ياكى باشقىلارغا ئۆتۈنۈپ بەرگەن؛

  3. باشقىلارنىڭ كىملىكىنى قانۇنسىز تۇتۇپ قالغان، قاتارلىقلار.

ئىككىنچى: تۆۋەندىكى قىلمىشلاردىن بىرسى كۆرۈلسە، جامائەت خەۋپسىزلىك ئورگىنى تەرىپىدىن  200يۈەندىن يۇقىرى 1000 يۈەندىن تۆۋەن جەرىمانە قويۇلىدۇ، قانۇنسىز تاپاۋىتى بار بولغان بولسا، تاپاۋىتى مۇسادىرە قىلىنىدۇ؛

  1. باشقىلارنىڭ كىملىكىنى سۇيىئىستېمال قىلغان ياكى ئالدامچىلىق قىلىپ بېجىرگەن كىملىكنى ئىشلەتكەن؛

  2. ساختا ياسالغان، ئۆزگەرتىپ ياسالغان كىملىكنى ساتقان، سېتىۋالغان. ساختا ياسالغان، ئۆزگەرتىپ ياسالغان ۋە ئالدامچىلىق قىلىپ بېجىرگەن كىملىكلەر جامائەت خەۋپسىزلىك ئورگىنى تەرىپىدىن مۇسادىرە قىلىنىدۇ.

ئۈچىنچى: ساختا ۋە ئۆزگەرتىپ كىملىك ياسىغانلارنىڭ جىنايى جاۋابكارلىقى قانۇن بويىچە سۈرۈشتۈرىلىدۇ. يۇقارقى ئىككى ماددىدا كۆرسىتىلگەن قىلمىشلاردىن بىرسى كۆرۈلۈپ، قانۇنسىز پائالىيەت پائالىيەت بىلەن شۇغۇللانغۇچىلارنىڭ جىنايى جاۋابكارلىقى قانۇن بويىچە سۈرۈشتۈرىلىدۇ.

باش سۈرەت تاللاش x
  • شاش قەلىب مەڭگۈ 343 ئاي ئىلگىرى

    دوسلار ماڭا ياردەم قىلغان بولساڭلار مىنڭ كىملىكىمنى قىينائامام ئىلىپ مىنڭ نامىمدا پۇل ئىلىپ قىزىغا ئۆي سىلىپ بىرىپتۇ ؟ئۇلار ماڭا دەپمۇ قويماي شۇنداق قىپتۇ ؟مەن قانداق قىلسام بولا؟

  • گۈزەل سەھرا3 ئاي ئىلگىرى

    مىنىڭچە كىملىكنىڭ كۆپەيتىلگەن نۇسقىغا رەسميەت بجرىپ بەرگەن ھەرقانداق ئورۇن بارلىق مەسسۇليەتنى ئۈستىگە ئىلىش كىرەك

  • timtac3 ئاي ئىلگىرى

    بۇ دەل شۇ بانكىنىڭ خاتالىقىكەنغۇ، نەدىمۇ كۆپەيتىلمە نۇسقىغا كارتا بىجىرىپ بىردىغان ئىش با، ئۇنىڭ ئۇستىگە ئناۋەتلىك كارتا بىجىرگەندە خىزمەت ئورنىمىڭ ئۇچۇرنى ، تۇرۇشلۇق ئادىرىسنى ئىشلىتىدىغان تۇرسا، يەنە كىلىپ بانكا ھەقىقى كىملىك بىلەن ساختا كىملىكنى پەرىق ئىتەلمىسە بۇ نىم گەپ ئۈزى،

  • 漂亮3 ئاي ئىلگىرى

    ئىلاۋە، ئونكول دېگەن سۆزنىڭ مەنىسى نېمە ؟

  • مارىس يۇلتۇزى3 ئاي ئىلگىرى

    ماۋۇ ھەقيقىي ياخشى ئىكەن

  • 《قايتېپ كەل》404~9243 ئاي ئىلگىرى

    رەخمەت تەھرىرلەر .مۇشۇنداق خەۋەرلەر بولسا داۋاملىق يولاپ تۇرشىلارنى ئۈمۈد قىلىمەن . ئىلاۋە .مانكون دىگەن سۆزلەرنى تولۇق چۈشەندۈرۈپ قويساڭلار؟؟…

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号