باش بەت

نۇسرەتگۈل

10518يوللانما
187مەستانە

ناتونۇش بىرى كارتىڭىزغا 310 مىڭ يۈەن ئۇرۇپ خاتىرجەم خەجلەڭ دېسە قانداق قىلىسىز؟

مەنبە:بېيجىڭ ۋاقتى تورى يوللانغان ۋاقىت:2018-01-12 18:00 24 ئىنكاس چۈشتى

بېيجىڭ ۋاقتى تورى 12-يانۋار خەۋىرى، نۇر تورى تەرجىمىسى:

ئەتراپىمىزدا ئادەمنىڭ ئىشەنگۈسى كەلمەيدىغان غەلىتە ئىشلار ھەر كۈنى دېگۈدەك يۈز بېرىپ تۇرىدۇ. يېقىندا، بىر ئايالنىڭ بانكا كارتىسىغا سەۋەبسىزلا 310 مىڭ يۈەن كىرىپ قالدى. بۇنداق ئىشقا ئۇچرىغان ئادەم ئېھتىمال ھەيران قېلىپ ئۇچۇپ كەلگەن ئامەتكە يولۇققانلىقىدىن خۇش بولۇپ كېتىشى مۇمكىن. بىراق، بۇ ئايال يولۇققان ئىشنىڭ ئاخىرى تېخىمۇ غەلىتە.

بۇ ئايال دەسلەپتە بانكا كارتىسىدا كۆرسىتىلگەن ساندا خاتالىق بار ئوخشايدۇ دەپ كارتىدىكى پۇلدىن 10 مىڭ يۈەننى ئەلى چىقىمدانىغا يۆتكىگەنىدى، پۇل دەرھال يۆتكىلىپ ئايالنى كارتىسىغا ھەقىقەتەن شۇنچە كۆپ پۇل كىرىپ قالغانلىقىغا ئىشەندۈردى.

ئارقىدىن، بۇ ئايال ئۇرۇق-تۇغقان، دوست-بۇرادەرلىرىدىن ئۆزىنىڭ كارتىسىغا پۇل يۆتكىگەن-يۆتكىمىگەنلىكىنى سورىدى. بىراق، ئۇنىڭ تونۇشلىرىدىن ھېچقايسىسى ئۇنداق قىلمىغانلىقىنى ئېيتتى. شۇنىڭ بىلەن بۇ ئايال ئەنسىرەپ قېلىپ چىقىمداندىكى 10 مىڭ يۈەننى يەنە بانكا كارتىسىغا قايتۇرغاندىن كېيىن بانكىغا كېلىپ ئاقما نومۇرىنى باستۇرۇپ چىقاردى ھەم كارتىسىغا پۇل يۆتكەلگىنىگە 24 سائەتتىن ئېشىپ كەتكەن بولسىمۇ، قارشى تەرەپنىڭ ئۆزى بىلەن ئالاقىلاشمىغانلىقىدىن ھەيران قالدى، بۇ پۇلنى باشقىلار جىددىي كېرەك قىلىشى ياكى كېسەل داۋالىتىشقا ئىشلىتىشى مۇمكىنلىكىنى ئويلاپ تىت-تىت بولدى.

شۇنىڭ بىلەن ئۇ ئايال بانكا خادىملىرىغا بولغان ئەھۋاللارنى چۈشەندۈردى ھەم بانكىدىكىلەرنىڭ ياردىمىدە پۇل ئەۋەتكۈچى بىلەن ئالاقىلەشتى. بىراق، بۇ ۋاقىتتا پۇل ئەۋەتكۈچى بەرگەن جاۋاب ئايالنى قاتتىق ھەيران قالدۇردى. ئۇ ئادەم بانكىدىكىلەرگە: «پۇل خاتا كەتمىگەن، ئۇ ئاشۇ ئايالغا بېرىلىدىغان پۇل، خاتىرجەم خەجلىسۇن» دېدى. بىراق، بىر نەچچە كۈندىن كېيىن بۇ ئايال پۇللارنى يىراقتىكى تۇغقىنى سېلىپ بەرگەنلىكىنى ئېيتىپ تورداشلارنى ھەيران قالدۇردى. چۈنكى ئەينى ۋاقىتتا بۇ ئايال بانكىغا بىر مۇخبىر بىلەن بىللە بارغان، مۇخبىر بۇ ئىشنىڭ تەپسىلاتىنى سىنغا ئېلىۋېلىپ تور سۇپىسىغا يوللىۋەتكەنىدى. تورداشلار سىننى كۆرگەندىن كېيىن ئايالنى پارا بىلەن ئۆزىگە قارىتىۋېلىنغان بولۇشى مۇمكىن دەپ قارىدى.

تۆۋەندە تورداشلارنىڭ بۇ ئىش توغرىسىدىكى مۇلاھىزىلىرىنى كۆرۈپ باقايلى:

1-تورداش: بۇ ئېنىقلا ئالدامچىلىق، چوقۇم ئالدىن كېلىشىۋېلىنغان، ئۇنداق ياخشى تۇغقىنىم بولسا دۇنيانىڭ ئۇ چېتىدە بولسىمۇ يوقلاپ بارىمەن.

2-تورداش: بۇنداق ياخشى يىراق تۇغقاننى كۈندۈزدە چىراغ يېقىپمۇ تاپقىلى بولمايدۇ. پۇل كارتىڭىزغا كىرىپ بولغاندىن كېيىن خاتىرجەم خەجلەڭ. خەجلەپ بولالمىغىنىڭىزغا مەن ياردەم قىلاي.

3-تورداش: پۇل يۆتكىگەن ئادەمنى تونۇماي تۇرۇپ يىراق تۇغقىنىم دەۋالغىلى قىزىق. ھېچقانداق تونۇشلۇق يوق ئادەمنىڭ پۇل يۆتكەپ بېرىدىغانلىقىغا ئىشەنمەيمەن.

4-تورداش: بۇ ئايال بەك ئاقكۆڭۈلكەن، ھېچبولمىسا كارتىسىدا پۇل كۆپىيىپ قالغانلىقىنى بايقاپ قارشى تەرەپ ئۈچۈن ئويلاپتۇ.

ئۇنداقتا، بۇ ئىشقا سىز قانداق قارايسىز؟ پۇل يۆتكەپ بەرگىنى ئۇ ئايالنىڭ تۇغقىنىمۇ ياكى باشقا بىرىمۇ؟

باش سۈرەت تاللاش x
  • ALIM_Nur3 ھەپتە ئىلگىرى

    بەلكىم بىرەسىنىڭ ھېسىداشلىقى كېپ قالغاندۇ ..
    بۇ چوكان بەك چىرايلىقمۇ يا ؟ ئىشقىلىپ مەن قارىغۇلارچە پۇل يۇيۇش ھەرىكىتى بولۇشى مۇمكىن دەپ قارىمايمەن .

  • 09953 ئاي ئىلگىرى

    ھەقىقى راس بوسا مىنىڭ بانكا كارتامغىمۇ پۇل ئۇرۇپ باقسۇنچۇ ؟ ئاندىن ئىشىنمە !

  • βïραЯฟα3 ئاي ئىلگىرى

    بۇ چوكاننىڭ چوقۇم ئاشۇ ئادەم بىلەن مۇناسىۋىتى بار
    نەدە تۇققىنى ساپساق ئادەمگە خەجلەشكە پۇل بىردا

  • پوتپۇل3 ئاي ئىلگىرى

    باللا مىنىڭ 800 يۇەن پۇلۇم باشقىلانىڭ كارتىسىغا ئۇرۇلۇپ قاپتۇ، قانداق قىلسام بولا؟

  • تامام3 ئاي ئىلگىرى

    بۇرۇنقى ئاشنىسىدۇ

  • تەكلىماكان 23 ئاي ئىلگىرى

    شۇ ئايال ئۆزى بىلمىسە بىز بىلىمىزمۇ، مەن تەھرىرگە بېرەتتىم

  • 13123 ئاي ئىلگىرى

    ياخشى بوپتۇ ئەمسە !

  • ---ES3 ئاي ئىلگىرى

    بىكادىنلا بۇنداق ياخشىلىق يوق چوقۇم بىر گەپ با

  • U****T3 ئاي ئىلگىرى

    مېنىڭچە بۇ ئايال ... بولدىلا دېمەي

  • 131****52553 ئاي ئىلگىرى

    مىنىڭ ھىساباتىمغا 310 كويمۇ خاتا ھالدا كىرىپ باقمىدى،بۇ ئاز پۇل پۇل ئەمەسكەن قارشى تەرەپنىڭ تېخى خاتىرجەم خەجلەڭ دىگىنى بەك قىزىقكەن،،،مەن بولسام بۇ ئۇچۇپ كەلگەن ئامەتتىن بەك خوش بولاتتىم

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号