باش بەت

زۆھەل

160يوللانما
15مەستانە

قاتلىنىدىغان iPhone X يانفونىنىڭ ئۇقۇم سۈرىتى: ئەنئەنىۋى لايىھەگە مۇجەسسەملەنگەن يۇقىرى تېخنىكا

مەنبە:تېڭشۈن تورى يوللانغان ۋاقىت:2018-01-12 21:13 12 ئىنكاس چۈشتى

تىڭشۈن خەۋەرلەر تورى 11-يانۋار خەۋىرى، نۇر تورى تەرجىمىسى:

بۈگۈنكى كۈندە بازاردا ئېلان قىلىنىۋاتقان يانفونلارنىڭ سىرتقى لايىھەسى ئاساسىي جەھەتتىن ئوخشاش بولۇپ، پەقەت پۈتۈن ئېكرانلىق يانفون دەۋرىدە ئېكران ئىگەللەش نىسبىتىگە ئانچە مۇنچە ئۆزگەرتىش كىرگۈزۈپ قويۇش ياكى يانفونغا بىر قانچە تۆشۈكنى ئارتۇق ياكى كام ئېچىش، يانفون گىرۋىكى قاتارلىق ئورۇنلارغا ئانچە-مۇنچە ئۆزگەرتىش كىرگۈزۈش قاتارلىقلارنى ھېسابقا ئالمىغاندا ھەممىسى ئومۇمىي جەھەتتىن تۈز تاختا ئېكرانلىق يانفونلار بولۇپ ھېسابلىنىدۇ. پەقەت سامسۇڭنىڭ W يۈرۈشلۈكىدىكى قىسمەن ئاز ساندىكى يانفونلارلا قاتلىنىدىغان لايىھەنى ئۆزىدە ساقلاپ قالغان. ئەينى يىللاردىكى ئىقتىدارلىق يانفونلارنىڭ بەس-بەستە سايرىغان مەزگىللىرى ئاللىبۇرۇن كەلمەسكە كەتكەن بولۇپ، شۇ ۋاقىتلارنى ئەسلەپ ئۆتىدىغان بولساق قاتلىنىدىغان يانفون، سىيرىلما قاپلىق يانفون قاتارلىق تۈرلۈك شەكىلدىكى يانفونلار بىزنىڭ شۇ دەۋىرلەردىكى تۈرلۈك ئىسسىق-سوغۇقلىرىمىزغا تەڭ ھەمدەمدە بولغان ئىدى.

ئىلگىرى دائىم دەيدىغان مۇنداق بىر جۈملە سۆز بار ئىدى :«پۇلۇڭ بولسا قاتلىنىدىغاننى ئالغىن، ئەقىلسىزلىق قىلىپ سىيرىلدىغاننى ئەپ يۈرمە». بۇ سۆزدىن ئەينى ۋاقىتتىكى شۇ كىشىلەرنىڭ قەلبىدە قاتلىنىدىغان يانفونلارنىڭ ئورنىنىڭ نەقەدەر يۇقىرى ئىكەنلىكىنى كۆرۈۋالغىلى بولىدۇ. لېكىن سىز ھازىرقى دەۋىردىكى بايراقدار يانفون iPhone Xنىڭ قاتلىنىدىغان نۇسخىسىنى كۆرسىڭىز قانداقراق ھېسسىياتتا بولىسىز؟ يېقىندا تورداشلار iPhone X يانفونىنىڭ قاتلىنىدىغان نۇسخىسىنىڭ سۈرىتىنى ئېلان قىلغان بولۇپ، كىشىگە ئىختىيارسىز ئەينى يىللارنى ئەسلەتتى.

ئومۇمىي يانفون گەۋدىسىگە ئەينەك ماتېرىيال ئىشلىتىلگەن بولۇپ، نۇر ئاستىدا كىشىگە بىرخىل غۇۋا بولغان گۈزەللىكنى ھېس قىلدۇرىدۇ. ئىچكى ۋە سىرتقى ئېكرانىغا «ماڭلاي» لايىھەسى ئىشلىتىلگەن بولۇپ، ھازىرقى iPhone Xنىڭ ماڭلىيى بىلەن سېلىشتۇرغاندا كىشىنى خېلىلا خۇشال قىلىدۇ.

ئارقا قىسمىنىڭ ھازىرقى iPhone X بىلەن ئارتۇقچە پەرقى يوق بولۇپ، قوش كامېرا ۋە ئالما LOGOسى ئورۇنلاشتۇرۇلغان.

ئەنئەنىۋى قاتلىنىدىغان يانفونلارغا سېلىشتۇرغاندا iPhone Xكە ئىشلىتىلگىنى قوش ئېكران لايىھەسى بولۇپ، ئىلگىرىكى جوڭشىڭ ۋە سامسۇڭ يانفونلىرىغا ئازراق ئوخشۇشۇپ كېتىدۇ.

بۇ نۇسخىدىكى iPhone Xنىڭ ئىچكى ئېكرانىغا قارا بۆلجۈرگەن BlackBerryنىڭكىگە ئوخشاش كىلاسسىك 24 ئەمەلىي كۇنۇپكا ئورۇنلاشتۇرۇلغان بولۇپ، كونىچە پۇراق يەتكۈچە سىڭدۈرۈلگەن.

گەرچە بۇ بىر ئۇقۇم ھالىتىدىكى قاتلىنىدىغان iPhone X يانفونى بولسىمۇ، لېكىن تولىمۇ ئۇستىلىق بىلەن بىرلەشتۈرۈلگەن بولۇپ، ئەنئەنىۋىي لايىھەگە ئالمىنىڭ چىراي پەرقلەندۈرىدىغان يۇقىرى تېخنىكىسى ماسلاشتۇرۇلغان. سىلەر مۇشۇنداق iPhone X يانفونىنىڭ چىقىشىنى خالامسىلەر؟

باش سۈرەت تاللاش x
  • مۇز1 ھەپتە ئىلگىرى

    ئالما بۇنداق تىلفۇن ئىشلىمەيدۇ بۇ ئالمىنىڭ ئۇسلۇبى ئەمەس

  • مېسسى1 ھەپتە ئىلگىرى

    ئەقلى كەم دىسەك بۇلدۇ بۆرىكنى سېتىپ تىلفۇن ئالغانلارنى

  • ئەنۋەر جون1 ھەپتە ئىلگىرى

    بۆرەكنى سېتىپ ئايفون ئالغان بىلەن … ئىككى يىلدىن كىيىنلا مودىدىن قالىدۇ ئۇ … لىكىن بۆرەك مودىدىن قالمايدۇ دە … شۇنداق قىلغانلا ھەممىسى قېپقىزىل ساراڭ …

  • ئېسىل09981 ھەپتە ئىلگىرى

    قۇرۇق خام خىيالكەنغۇ

  • تاگور ئەپەندى1 ھەپتە ئىلگىرى

    مۇشۇنداق كىسەكنى بۆرىكىنى سېتىپ ئالامىشلەر بەزىلەر ھەي نادانلىق ئاغزىمغا بىر گەپ كەگەن دىمەي بولدى

  • قارلۇق1 ھەپتە ئىلگىرى

    ئوغۇل بالىدەكلا گەپ قىلدىڭ تەنھا. بەرىبىر بۆرىكىڭ سىنىڭ بەدىنىڭدە تۇرسا ئىسراپ بوپ كەتكۈدەك ، شۇڭا سېتىپلا قۇتۇلساڭ ھەقىقى ئىھتىياجلىق غۇرۇرلۇق ئادەملەر پايدىلانسا ، سەن شۇ بۆرىكىڭ بەدىلىگە كەلگەن ئالما تېلفۇنىڭدىن پايدىلانساڭ تازا ماسلىشىدۇ

  • مېھمان1 ھەپتە ئىلگىرى

    ھەي بالا قانداق قلۋاتىدۇ بۇخەخ

  • 180******411 ھەپتە ئىلگىرى

    تىلفۇن ئۈچۈن ئەمەس بىر دۆلەتنى بەرسىمۇ بۆرە كىمنى ساتمايمەن

  • Farabi1 ھەپتە ئىلگىرى

    ياسىغان تەغدىردىمى سىلەر ھەرگىز ئالالمايسىلە سىلەردە ئالالايدىغان ئىقتىدار بولغان بولسا بۇيەردە ۋاقتىڭلار نى ئىسراپ قىلىپ لاۋزا پاراڭ يېزىپ يۇمەيتىڭلا

  • 1986111 ھەپتە ئىلگىرى

    بۇتىلىفۇننى بەك چىرايلىك لاھىلەپتۇ بۇتىلىفۇننى ياساپ قاسا مەن بانكىدىن قەرىز ئەپ بۇسىما ئالىمەن ھى ھى ھى

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号