باش بەت

ئىدىقۇت887

7109يوللانما
14مەستانە

قىز دوستى تاشلىۋەتكەن ئەر توردا تونۇشقان قىز بىلەن ئالتە كۈندىلا توي قىلدى

مەنبە:تېڭشۈن تورى يوللانغان ۋاقىت:2018-01-12 22:20 15 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى:

ئەنگلىيە رادىيو شىركىتىنىڭ 1-ئاينىڭ 12-كۈنىدىكى خەۋىرىگە قارىغاندا، نىگېرىيەدىكى چىدىمما ئامېدۇ (Chidimma Amedu) ئىسىملىك ئەر ئۆتكەن يىلى 12-ئاينىڭ 30-كۈنى مىكروبىلوگ تورىدا لايىق ئىزدەش ئېلانى چىقارغان ھەم ئۆزىنىڭ بۇ يىل 1-ئاينىڭ 6-كۈنىدىن بۇرۇن گۈزەل قىز دوست تېپىۋېلىشىنى ئۈمىد قىلىدىغانلىقىنى بىلدۈرگەن. لېكىن ئۇ توردىكى ئېلانىغا بۇنچە كۆپ قىزلارنىڭ ئىنكاس قايتۇرىدىغانلىقىنى ئويلاپمۇ باقمىغانىدى، بۇ قىزلارنىڭ ئىچىدىكى سوفىي ئىجوما (Sophy Ijeoma) ئىسىملىك بىر قىز قىزىقچىلىق قاتارىدا ئۇنىڭغا توردا خەت قالدۇرغان بولۇپ، ئويلىمىغان يەردىن، ئىككىسى 6 كۈندىن كېيىن بەختلىك ھالدا نىكاھ تۇرمۇشىغا قەدەم قويغان.

 چىدىمما ئامېدۇ ئىسىملىك ئەر 2017-يىلى 12-ئاينىڭ 30-كۈنى توردا يازما ئېلان قىلىپ مۇنداق دېگەن: «يېشىممۇ توشتى، ھازىر <بۇ قىزنى ئەمرىمگە ئېلىشنى خالايمەن> دېيىشكە تولۇق تەييارلىنىپ قويدۇم، ۋاقىت ئىسراپ قىلىشنى خالىمايدىغانلار مەن بىلەن ئالاقىلىشىشنى ئىلتىماس قىلساڭلار بولىدۇ، ئەگەر سىزنىڭ سالاھىيىتىڭىز مېنىڭ تەلىپىمگە ماس كەلسىلا، بىز 2018-يىلى 1-ئاينىڭ 6-كۈنى توي قىلساق بولىدۇ. ئىلتىماس قىلىش مۇددىتى 2017-يىلى 12-ئاينىڭ 31-كۈنى كېچە سائەت 12 دە ئاخىرلىشىدۇ». چىدىمما ئامېدۇغا توردا جاۋاب خەت يازغان قىزلارنىڭ ئىچىدە، سوفىي ئىجومانىڭ قىسقا ھەم ئىخچام جاۋاب خېتى چوڭقۇر تەسىر قالدۇرغانىدى: «ماڭا قىزىقسىڭىز ئايرىم خەت قالدۇرۇڭ....ھا ھا». ئەمەلىيەتتە، سوفىي ئىجوما بۇ يىگىتكە چاقچاق قىلىپ، ئۇنىڭ تور يازمىسىنى قىزىتىش ئۈچۈنلا يۇقارقىدەك جاۋاب خەت قالدۇرغان بولۇپ، ئۇ ئۆزىنىڭ بۇ بىر ئېغىز گېپىنىڭ پۈتكۈل كىشىلىك ھاياتىنى ئۆزگەرتىۋېتىدىغانلىقىنى ئويلاپمۇ باقمىغانىدى.

سوفىي ئىجوما بىلەن چىدىمما ئامېدۇ بىر يىل ئىلگىرىلا تورداشلاردىن بولۇپ قالغان بولسىمۇ، لېكىن ئەمەلىيەتتە ئۆز ئارا تونۇشمايتتى، شۇنداقلا توردىمۇ بىر-بىرىگە گەپ قىلىپ باقمىغانىدى. سوفىي ئىجوما يۇقارقى جاۋاب خەتنى قالدۇرغاندىن كېيىن چىدىمما ئامېدۇ ئۇنىڭغا دەرھال ئايرىم خەت يازغان، ئىككىيلەن ۋىدىيودا كۆرۈشۈپ قىزغىن پاراڭغا چۈشۈپ كەتكەن. ئارىدىن ئىككى كۈن ئۆتكەندىن كېيىن، نىگېرىيە پايتەختى ئابۇجا (Abuja) دىن 500 كىلومېتىر يىراقلىقتىكى ئېنۇگۇ شەھىرىگە ئىجوما بىلەن كۆرۈشكىلى كەلگەن، ئىجوما ئۆزىنىڭ چىدىمما ئامېدۇنى بىرلا كۆرۈپلا ياخشى كۆرۈپ قالغانلىقىنى ئېيتقان، ئۇ مۇنداق دېگەن: «ئۇ مەن ئۇچراتقان ئەڭ كېلىشكەن ئەر، مەن ئۇنى تۇنجى كۆرگەن دەقىقىدىن باشلاپلا ئۇنى ياخشى كۆرۈپ قالدىم».

ئىككىيلەن كۆرۈشۈپ ئازراق ئوڭايسىزلانغان ھالدا ئىككى سائەتتەك پاراڭلاشقان، چىدىمما ئامېدۇ ئىجومانى ئۆيدىكىلىرى بىلەن كۆرۈشۈشكە تەكلىپ قىلغان، ئىجوما دەسلەپتە ئامېدۇنىڭ بۇ تەكلىپىنى ئاڭلاپ سەل ئاچچىقلانغان، ئۇ ئامېدۇنىڭ بۇنچە تېز توي قىلىش قارارىنى چىقارغانلىقىدىن قاتتىق ھەيران قالغان، ئۇ يەنە ئۆزىنىڭمۇ ئامېدۇغا ئوتتەك ياتلىق بولۇشنى ئۈمىد قىلىدىغانلىقىنى ھېس قىلىپ يەتكەن. ئىجومانىڭ دادىسى بۇرۇنلا ئالەمدىن ئۆتكەن بولۇپ، ئۇنىڭ ئاپىسى قىزىنىڭ توي ئىشىغا ئۆزىنىڭ قارار چىقىرىش ھوقۇقى يوقلۇقىنى، بۇ ئىشقا چوقۇم ئەڭ چوڭ ئوغلىنىڭ قارار چىقىرىشى لازىملىقىنى ئېيتقان. ئىجومانىڭ ئاكىسى ئامېدۇدىن بىر نەچچە سوئال سورىغاندىن كېيىنلا دەرھال سىڭلىسىنىڭ ئۇنىڭغا ياتلىق بولۇشىغا قوشۇلغان، شۇنداق قىلىپ توردا ئەمدىلا تونۇشقان بۇ بىر جۈپ ياش ئالتە كۈندىن كېيىن توي قىلغان.

ئامېدۇنىڭ ئېيتىشىچە، ئۇ ئىلگىرىكى قىز دوستى بىلەن توي قىلىشقا پۈتۈشۈپ تەييارلىنىپ بولغان بولۇپ، ئۇلار ئەسلىدە ئۆتكەن يىلى 12-ئايدا توي قىلىشقا پۈتۈشكەن، لېكىن ئۆتكەن يىلى 3-ئايدا قىز دوستى ئۇنىڭدىن ئايرىلىپ كەتكەن. ئۇ 12-ئاينىڭ ئاخىرىغا كەلگەندە ئۆزىنىڭ توي قىلىش ئۈمىدىنى ئەمەلگە ئاشۇرۇشنى ئويلىغان ھەم مىكروبىلوگ تورىدا لايىق ئىزدەش توغرىسىدا ئېلان چىقارغان. نۆۋەتتە، بۇ بىر جۈپ ياش 1-ئاينىڭ 6-كۈنى ئاللىقاچان ئەنئەنىۋى توي مۇراسىمى ئۆتكۈزۈپ ئەر-ئايال بولغان بولۇپ، بۇ ئىش توردا خەۋەر قىلىنىشى بىلەنلا تېزلىكتە چەتئەللىك تورداشلارنىڭ قىزغىن بەس-مۇنازىرە قىلىدىغان تېمىسىغا ئايلانغان. ئۇلار بۇ يىل 4-ئايدا يەنە بىر قېتىم توي مۇراسىمى ئۆتكۈزگەندىن كېيىن شېرىن ئاي ئۆتكۈزگىلى بېرىشنى ئۈمىد قىلماقتا.

باش سۈرەت تاللاش x
  • توي قىلىمەن4 كۈن ئىلگىرى

    تەنناز سىز نەدىن؟؛؟ بولسا ئالاقە نۇمۇرىڭىزنى چىقارغان بولسىڭىز؟؟؟؟

  • تەنناز1 ھەپتە ئىلگىرى

    كىلىڭلار ئەمسە دوسلار مەنمۇ بۈگۈن لايىق ئىزدەش ئىلانى چىقاردىم مەن بۇيىل 24ياش مەن بىلەن توي قىلشنى خالايدىغانلار بولسا مەن بىلەن ئالاقىلشىڭلار مەنمۇ تىز سۈرەتتە توي قىلىپ سىلەرگە بەخىت ئاتا قىلىمەن ماڭا قزىقساڭلار خەت قالدۇرۇڭلار

  • تەنناز1 ھەپتە ئىلگىرى

    كىڭلار دوسلار مەنمۇ بۈگۈن لايىق ئىزدەش ئىلانى چىقاردىم مەن بۇيىل 24ياش مەن بىلەن توي قىلشنى خالايدىغانلار مەن بىلەن ئالاقىلشىڭلار مەنمۇ تىز سۈرەتتە توي قىلىپ سىلەرگە بەخىت ئاتا قىلىمەن

  • بەختىم سەن نەدە1 ھەپتە ئىلگىرى

    بەخىتلىك بۇلۇڭلا

  • 132******711 ھەپتە ئىلگىرى

    مەنمۇ ئايالىم بىلەن توردا تونۇشۇپ تۆت ئايدىن كېيىن توي قىلغان ،

  • 106381 ھەپتە ئىلگىرى

    بەخىتلىك بولۇڭلار

  • پىنھانە1 ھەپتە ئىلگىرى

    پالتا بولسا ئوتۇن تولا،ئەر بولسا خوتۇن تولا.…دەپتىكەن كونىلار …

  • 我的生命1 ھەپتە ئىلگىرى

    يىگىت دىگەن مۇنداق كەسكىن بۇلدۇ ئۇغۇل بالا خو

  • Hatima han1 ھەپتە ئىلگىرى

    ھاھاھا، بەك قىززىقكەن، مەنمۇ نۇر تورىدا ئېلاندىن بىرنى بېرىۋىتىپ مۇشۇ ئاينىڭ ئاخىرىغىچە بىرسىنى تاللاپ 2-ئاينىڭ 2-كۈنى كۆرۈشۈپ، 6 كۈندىن كىيىنلا تويۇمنى قىلىۋەتسەم قانداق بولا

  • رىزۋانگۈل1 ھەپتە ئىلگىرى

    قالتىس ئىش بوپتا بويتاقچىلق ئاخېرلاشقىدەك ئۇ ئىككىسگە

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号