باش بەت

ئىدىقۇت887

7403يوللانما
16مەستانە

غەلىتە كېسەلگە گىرىپتار بولغان 15 ئايلىق بوۋاقنىڭ بېشى توپتەك ئىششىپ كەتتى

مەنبە:تېڭشۈن تورى يوللانغان ۋاقىت:2018-01-12 23:20 6 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى:

caternews تور بېكىتىنىڭ 1-ئاينىڭ 12-كۈنىدىكى خەۋىرىگە قارىغاندا، پاكىستاننىڭ سىند ئۆلكىسى بادىن شەھىرى (Badin) دە تۇغۇلغان مۇھەممەد سانائۇللا (Muhammad Sanaullah) ئىسىملىك 15 ئايلىق بوۋاق «مېڭىگە سۇ يىغىلىپ قېلىش كېسىلى» دەپ ئاتالغان ناھايىتى كەم ئۇچرايدىغان  غەلىتە كېسەلگە گىرىپتار بولغان بولۇپ، ئۇنىڭ بېشىغا سۇ يىغىلىپ قالغانلىقتىن، بېشى قارىماققا خۇددى پۇتبولدەك غەلىتە كۆرۈنەتتى، يەنە كېلىپ، بىچارە بوۋاق بۇ غەلىتە كېسەل دەستىدىن ھەتتا تاماقمۇ يېيەلمەيدىغان ھەم ئۇخلىيالمايدىغان ھالغا چۈشۈپ قالغانلىقى ئۈچۈن، ئۇنىڭ ھاياتىغا ھەر ۋاقىت خەۋپ يېتىش ئېھتىماللىقى بار ئىدى.

بۇ يىل 39 ياشقا كىرگەن كىران شېيد (Kiran Shedi) نىڭ تۆت قىزى بار بولۇپ، مۇھەممەد سانائۇللا بولسا ئۇنىڭ 5-پەرزەنتى شۇنداقلا بىردىنبىر ئوغلى ئىدى، ئۇ مۇنداق دېگەن: «بىز توي قىلىپ 18 يىلدىن كېيىن تەڭرىنىڭ بىزگە ئاخىرى ئوغۇل پەرزەنت ئاتا قىلغانلىقىدىن قاتتىق خۇش بولغانىدۇق. لېكىن ئوغلۇم دۇنياغا كۆز ئېچىپ 3-4 ھەپتە ئۆتكەندىن كېيىن، ئۇنىڭ بېشى نورمالسىز ھالدا يوغىناشقا باشلىدى. كېسەل ئازابىغا چىدىمىغان ئوغلۇم توختىماي يىغلاپ كېچىسى ئۇخلىيالمايدىغان ھالغا چۈشۈپ قالدى».

39 ياشلىق كىران شېيد بىلەن ئۇنىڭ 44 ياشقا كىرگەن يولدىشى مۇھەممەد مۇمتاز شېيد (Muhammad Mumtaz Shedi) ئوغلىنى ئېلىپ يەرلىك دوختۇرخانىغا كېسەل كۆرسەتكىلى بارغاندا، دوختۇرلار ئۇلارنىڭ ئوغلىنى تېخىمۇ چوڭ دوختۇرخانىلارغا ئاپىرىپ كۆرسىتىشىنى تەۋسىيە قىلغان شۇنداقلا كېسەلنى داۋالاتماي كەينىگە سۆرىگەندە ئوغلىنىڭ ھاياتىغا خەۋپ يېتىدىغانلىقىنى ئەسكەرتكەن. قاتتىق ئۈمىدسىزلەنگەن ئاتا-ئانا ئەمدىلا 15 ئايلىق بولغان ئوغلى مۇھەممەد سانائۇللانى ئېلىپ كاراچىدىكى مەلۇم دوختۇرخانىغا داۋالاتقىلى ئەكەلگەن، مۇھەممەد سانائۇللا بۇ دوختۇرخانىدا باشتىكى يىغىلىپ قالغان سۇنى ئايرىپ ئاققۇزۇۋىتىش ئوپېراتسىيەسى قىلىنغان.

بۇ نامرات ئائىلە كىشىلىرى ئۆز يۇرتىدا كىچىك مىلىچمال دۇكىنى ئاچقان بولۇپ، ئۇلارنىڭ دۇكاندىن قىلىدىغان كۈندىلىك كىرىمى 4 فوندستېرلىڭ (يەنە تەخمىنەن 40 يۈەنگە تەڭ) غىمۇ يەتمەيتتى. ئىلگىرى سانائۇللانىڭ سالامەتلىكى ئىزچىل ھالدا ناھايىتى تۇراقلىق تۇرۇۋاتقان بولۇپ، ئۆتكەن ئايدىن باشلاپ بېشى يەنە ئىششىپ كەتكەن. سانائۇللانىڭ ئاتا-ئانىسى ئوغلىنى يەنە قايتىدىن ئىلگىرى كېسەل كۆرسەتكەن دوختۇرخانىغا ئاپىرىپ ئوپېراتسىيە قىلدۇرماقچى بولغان، لېكىن تەكشۈرۈش ئارقىلىق سانائۇللانىڭ كۆكرەك قىسمىنىڭ ياللۇغلىنىپ قالغانلىقى بايقالغان بولغاچقا، دوختۇرلار ئۇنىڭ باش قىسمىنى ئوپېراتسىيە قىلىشتىن ئاۋۋال كۆكرەك قىسمىنى ئوپېراتسىيە قىلدۇرۇپ داۋالىتىشىنى تەلەپ قىلغان. نۆۋەتتە بۇ بىچارە ئاتا-ئانا ئوغلىنىڭ كېسىلىدىن قاتتىق ئەنسىرەۋاتقان بولۇپ، ئۇلار يەنە ئوغلىنىڭ تېزرەك ساقىيىپ كېتىشىنى ئۈمىد قىلماقتا.

باش سۈرەت تاللاش x
  • مەن؟3 ئاي ئىلگىرى

    مىنىڭ ھەدەمنىڭ بالىسىمۇ شۇنداق كىسەل بولغان ئۇرۇمچىگە ئاپىرىپ باشقا شىلانكا سالغۈزۇپ ھازىر ياخشى ماڭالايدۇ گەپلىرى شۇنداق پۇتۇن

  • ئۇمۈدۋار ياشاڭ3 ئاي ئىلگىرى

    ساڭىمۇ ئاسانلىق بۇلىشنى ھەم ساق سالامەت چۇڭ بۇلىشىنى ئۇمىد قىلمەن قىرىندىشىم

  • ئاسانەت3 ئاي ئىلگىرى

    نىمانچە بىچارە بەك ئىچىم ئاغرىدى،

  • توغراق،شاھى3 ئاي ئىلگىرى

    شىپالىق تېپ كېتەرسەن قوزام.

  • دىھقان3 ئاي ئىلگىرى

    بىزنىڭ مەھەللىدىمۇ مۇشۇنداق بالىدىن بىرسى بارتى ئىككى ياشقا كىرگەن

  • قوشماقلىرىم3 ئاي ئىلگىرى

    بۇ كېسەل تەلتۆكۇس ساقايمايدۇ، ئادەتتە بوۋاق ھامىلە چېغدىن باشلاپلا پەيدا بولغان بولىدۇ، بىچاۋ دا ئېنىق چىققاتتى بولمىسا، قارىغاندا بوۋاقنىڭ ئاپىسى ھاملدارلىق مەزگىلدە تەكشۇرتۇش قىلپئباقمىغان چېغى، ھەي ،، ھەممە بوۋاقلارنىڭ ساغلام تۇغۇلىشنى تىلەيمەن

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号