باش بەت

بەشىنچى شاھزادە

218يوللانما
6مەستانە

ياپونىيە تۇننۇس بېلىقىنىڭ كىمئارتۇق قىلىپ سېتىلىش باھاسى 1 مىليون 760 مىڭ دوللارغا يەتتى

مەنبە:تېڭشۈن تورى يوللانغان ۋاقىت:2018-01-12 23:48 1 ئىنكاس چۈشتى

تېڭشۈن تورى 12-يانۋار خەۋىرى، نۇر تورى تەرجىمىسى

چەتئەل تاراتقۇلىرىنىڭ 11-يانۋار خەۋەر قىلىشىچە، ياپونىيەنىڭ توكيو تسۇكىجى بېلىق بازىرى «بېلىق ۋال كوچىسى» دەپ ئاتىلىپ كەلگەن، بىر تال تۇننۇس بېلىقىنىڭ كىم ئارتۇق قىلىپ سېتىلىش باھاسى 1 مىليون 760 مىڭ دوللارغا يەتكەن. يېقىنقى ئون نەچچە يىلدىن بېرى بۇ بازار ئويلىمىغان يەردىن ياپونىيەدىكى ساياھەتچىلەرنى ئۆزىگە ئەڭ جەلپ قىلىدىغان جايلارنىڭ بىرىگە ئايلاندى. نەچچە ئون مىڭلىغان ئادەم بۇ يەرگە پەقەت دۇنياغا داڭلىق تۇننۇس بېلىقىنى كىم ئارتۇق قىلىپ سېتىش پائالىيتىنى كۆرۈش ئۈچۈن كېلىدۇ . ئەمدى تۆۋەندىكى سۈرەتلەر ئارقىلىق بۇ بېلىق بازىرىنىڭ قىياپىتىنى كۆرۈپ باقايلى!

كۈن چىقىشتىن بۇرۇنقى ۋاقىت ئەڭ ياخشى ئېكسكۇرسىيە قىلىش ۋاقتى بولۇپ، بېلىقچىلار يېڭىلا تۇتۇپ كەلگەن بېلىقلارنى بازارغا ئېلىپ كېلىدۇ، بېلىق سودىگەرلىرى تىجارەت باشلاشقا تەييارلىق قىلىدۇ.

بازار ناھايىتى ئالدىراش بولۇپ كېتىدۇ، يۈك توشۇيدىغان كىچىك ئاپتوموبىللار ناھايىتى تېز قاتنايدۇ، ھەرگىز ساياھەتچىلەرنى نەزەردە تۇتۇپ سۈرئىتىنى ئاستىلاتمايدۇ، شۇڭا ساياھەتچىلەر ئىنتايىن ھوشيار بولۇشى كېرەك.

بۇ بازار بىلىپ-بىلمەي ياپونىيەدىكى ئەڭ ئالقىشقا ئېرىشكەن ساياھەت مەنزىرە نۇقتىلىرىنىڭ بىرى بولۇپ قالدى، ئەمما بۇ يەر يەنىلا تىجارەت قىلىدىغان جاي بولغاچقا، ئاشخانا خوجايىنلىرى ھەر كۈنى بۇ يەرگە كېلىپ ئېسىل دېڭىز مەھسۇلاتلىرىنى تاللاپ سېتىۋالىدۇ.

بۇ بازاردا كىنىشكىسى بار توپ سېتىش سودىگەرلىرىدىن تەخمىنەن 900 ى بار، ئۇلارنىڭ ھەر بىرىنىڭ بىردىن كىچىك يايمىسى بار.

بۇ يەردە يەنە بەزى كىچىك ماگىزىنلار بار. بېلىق سودىگەرلىرى بۇ دۇكانلاردىن ئۇششاق-چۈششەك يېمەكلىك، گېزىت ھەتتا بېلىق تازىلاش بۇيۇملىرىنى سېتىۋالىدۇ.

ئاڭلاشلارغا قارىغاندا، بۇ بازارنىڭ ھەر يىللىق تىجارەت سوممىسى 4 مىليارد ئامېرىكا دوللىرىدىن ئاشىدىكەن، بۇ يەرگە كىرىپ چىقىدىغان بېلىق تۈرلىرى دۇنيادىكى ھەر قانداق بىر بېلىق بازىرىنىڭكىدىنمۇ كۆپ ئىكەن.

ياپونىيە سۇشى مەدەنىيىتىنى تەتقىق قىلىدىغان خارۋارد ئۇنىۋېرسىتېتىنىڭ ئىنسانشۇناسلىق كەسپى پىروفېسسورى تەيدې بېست: بۇ يەرنى «يەر شارىدىكى بېلىقچىلىق كەسپىنىڭ مەركىزى نېرۋا تۈگۈنى» دېدى.

بازاردىكى ھەقىقىي چولپان تىنچ ئوكياندىكى كۆك پالاقچىلىق تۇننۇس بېلىقىدۇر. بۇ خىل بېلىق ياپونىيەدە «سۇشى شاھى» دەپ قارىلىدۇ.

تۇننۇس بېلىقىنى كىم ئارتۇق قىلىپ سېتىش پائالىيىتى ھەر كۈنى سەھەر سائەت 3:00 لەر ئەتراپىدا ئۆتكۈزىلىدۇ. ھەر كۈنى پەقەت 120 نەپەر ئادەملا كىم ئارتۇق قىلىپ سېتىش پائالىيىتىنى كۆرەلەيدۇ. كۆپ ساندىكى كۆك پالاقچىلىق تۇننۇس بېلىقىنىڭ سېتىلىش باھاسى 2000 دوللاردىن 20 مىڭ دوللار ئارىلىقىدا بولىدۇ.

2017-يىلى 5-يانۋار تسۇكىجى بېلىق بازىرىنىڭ سىرتىدىكى سۇشى ئاشخانىسىدا قىممىتى 633 مىڭ دوللارلىق تىنچ ئوكيان كۆك پالاقچىلىق تۇننۇس بېلىقى تىزىلدى.

2013-يىلى 1-ئاينىڭ 5-كۈنى تۇننۇس بېلىقىنى كىم ئارتۇق قىلىپ سېتىشتىكى ئەڭ يۇقىرى باھا يارىتىلغان، ئەينى ۋاقىتتا بۇ تۇننۇس بېلىقىنىڭ پۈتۈشۈش باھاسى 1 مىليون 760 مىڭ دوللار بولغان.

توپ سېتىش سودىگەرلىرى تۇننۇس بېلىقىنى پارچىلاپ سېتىلىدىغان ھالەتكە كەلتۈرۈپ، شەھەر ئىچىدىكى ئالىي دەرىجىلىك سۇشى ئاشخانىلىرىغا تەمىنلەيدۇ. بىر قىسىم توپ سېتىش سودىگەرلىرى ھەتتا بېلىق پارچىلىغاندا بېلىقنى ئۇۋىلاپ قويىدۇ ياكى بېلىق بىلەن پاراڭلىشىدۇ.

باش سۈرەت تاللاش x
  • NaCl1 ھەپتە ئىلگىرى

    ماگۇرونىڭ گۆشى بەك پەييزى سۇشى قىلىپ ياكى جاڭيۇ غا چىلاپ يىسە ....ھاياتنىڭ ھوزورى دىگەن شۇ

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号