باش بەت

durdana

1340يوللانما
81مەستانە

ئەنگىلىيە خان جەمەتى بالىلىرى رىئايە قىلىشقا تېگىشلىك ئۆزگىچە قائىدىلەر

مەنبە:بۈگۈنكى مۇھىم خەۋەر يوللانغان ۋاقىت:2018-01-13 10:00 2 ئىنكاس چۈشتى

بۈگۈنكى مۇھىم خەۋەر تورى، نۇر تورى تەرجىمىسى:

ئەنگىلىيە خان جەمەتى دۇنيادىكى ئەڭ داڭلىق جەمەت، بۇ جەمەت چۆچەك كەبى دۇنيادا ساقلىنىپ قالغان بىر جەمەتكە ئوخشايدۇ. خان جەمەتى بالىلىرىنىڭ تۇرمۇشىمۇ ئاددىي ئەمەس، ئۇلار نۇرغۇن قائىدىلەرگە ئەمەل قىلىشى كېرەك، بۇ قائىدىلەرنىڭ بەزىلىرى شۇنچىلىك ئەخمەقتەك كۆرۈنىدۇ، لېكىن بۇ قائىدە ئەنئەنىسىنى مەڭگۈ بىكار قىلغىلى بولمايدۇ.

خان جەمەتى بالىلىرى ئاۋۋال رىئايە قىلىدىغان قائىدە بولسا ئۇلارنىڭ ئىسمى، ئەركىلەتمە ئىسمى بولۇشىغا بولمايدۇ، شەخسىي سورۇنلاردا بولسا مەيلى ئەمما ئاممىۋى سورۇنلاردا چوقۇم تولۇق ئىسمىنى ئىشلىتىشى كېرەك. ۋىلىيام شاھزادىنىڭ ئوغلى جورج ئالىكساندىر لۇئىس، مەيلى قانچىلىك ئوماق بولۇپ كەتسۇن ئاممىۋى سورۇنلاردا ئۇنى جورج شاھزادە دەپ چاقىرغىلى بولمايدۇ.

ئۇلار بالا ۋاقتىدا T شەكىللىك مايكا ۋە باربى كۆينەكلىرىنى كيىشكە بولمايدۇ، بالىلارنىڭ ئاممىۋى سورۇندىكى كىيىنىشى چوقۇم ئۆلچەملىك بولۇشى كېرەك، گەرچە جورج شاھزادە ھەمىشە قىسقا ئىشتان كىيسىمۇ بۇمۇ كىيىنىش ئۆلچىمىنىڭ بىر قىسمى. چۈنكى قىسقا ئىشتان كىيىش يۇقىرى قاتلامدىكى كىشىلەرنىڭ بەلگىسى. شارلوت مەلىكە مەڭگۈ كۆينەك بىلەن قوي يۇڭى ئالدى ئوچۇق پوپايكىلا كىيىدۇ.

ئايال پادىشاھنىڭ نۇرغۇن قائىدىلىرى بار، بەزىلىرى ئورۇنلۇق، بەزىلىرىنى قىلمىسىمۇ بولىدىغاندەك. خان جەمەتى ئەزالىرى بىللە ئولتۇرۇپ تاماق يېگەندە باشقىلار چوقۇم ئايال پادىشاھنىڭ تاماق يېيىش رىتىمىغا ماسلىشىشى كېرەك، ئايال پادىشاھ يەپ بولۇشىغا باشقىلار چوقۇم تاماق يېيىشنى توختىتىشى كېرەك. ئەگەر ئايال پادىشاھ يەپ بولغان بولسا، شارلوت مەلىكە بىلەن جورج شاھزادىنىڭ قورسىقى ئاچ بولسىمۇ يېيىشىگە بولمايدۇ.

خان جەمەتى ئەزاسى بولۇش سۈپىتى بىلەن چوقۇم نۇرغۇن دۆلەتلەرگە بېرىپ زىيارەت قىلدىغان گەپ، ئەگەر قارشى تەرەپ بىلەن ياخشى تىل ئالاقىسىدە بولسا چوڭقۇر تەسىرات قالدۇرالايدۇ، شۇڭا خان جەمەت بالىلىرى ناھايىتى بۇرۇنلا نۇرغۇن تىللارنى ئۆگىنىشنى باشلايدۇ، شارلوت مەلىكە ھازىر ئاللىقاچان ئىسپانچىنى ئۆگىنىشنى باشلاپ بولدى.

ئادەتتىكى بالىلار ھەممىسى روژدېستۋو بايرىمى ئۆتكۈزۈشكە ئامراق، چۈنكى نۇرغۇن سوۋغاتقا ئېرىشىدۇ. ئەمما خان جەمەتى بالىلىرىنىڭ روژدېستۋولۇق سوۋغىتى يوق، بۇ ئەنئەنە ئەنگلىيە خان جەمەتىنىڭ ئۇزۇن يىللىق ئەنئەنىسى. لېكىن شاھزادە ۋە مەلىكىلەرنىڭ روژدېسىتۋونى كۈتۈشىنىڭ ھاجىتى يوق، چۈنكى ئۇلار كۈنبويى سوۋغىغا ئېرىشىپ تۇرىدۇ.

ئەگەر سىز خان جەمەت ئەزالىرىغا ئۇچراپ قالسىڭىز ئۇلار بىلەن بىر پارچە ئۆز تارتىمغا چۈشۈپ دوستلار چەمبىرىكىمگە يوللايمەن دەپ تەمە قىلماڭ، چۈنكى ئۆز تارتىم قەتئىي مەنئىي قىلىنىدۇ. شۇڭا ئەزەلدىن ھېچقايسى خان جەمەت ئەزاسى باشقىلار بىلەن ئۆز تارتىمغا چۈشمەيدۇ. شارلوت مەلىكە بىلەن جورج شاھزادە چوڭ بولۇپ بۇ قائىدىنى بىلسە قانداق تۇيغۇدا بولار؟ دوستلار چەمبىرىكىدە سۈرەتلىرىنى كۆز-كۆز قىلالماسلىق ھازىرقى زامان بالىلىرىغا نىسبەتەن قاتتىق ئازابقۇ؟

خان جەمەت ئەزالىرى دەرىجىدىن تاشقىرى داڭلىقلار، نۇرغۇن ئادەم ئۇلارغا سوۋغا بېرىدۇ، بەزىدە بۇ سوۋغىلار ناھايىتى ئەتراپلىق تەييارلانغان، بەزىدە ناھايىتى غەلىتىلىرىمۇ چىقىپ قالىدۇ. قانداقلا بولمىسۇن سوۋغا قوبۇل قىلغاندا چوقۇم تەبەسسۇمىنى ساقلىشى كېرەك.

خان جەمەتى ئەزاسى بولۇش سۈپىتى بىلەن ھەر بىر ئەزا بىر جامائەت ئەربابى، سىز چوقۇم ئوتتۇراھال ھالەتنى ساقلىشىڭىز كېرەك، شۇڭا سىزنىڭ ھەر قانداق پارتىيىگە قاتنىشىشىڭىزغا بولمايدۇ، ھۆكۈمەتتە ئىشلىشىڭىزگىمۇ بولمايدۇ. ھەر قانداق سىياسىي سورۇندا بىتەرەپ مەيداندا تۇرۇش كېرەك.

خان جەمەتى ئەزالىرى ئۆزىنىڭ قائىدە-يوسۇنلۇقلۇقى ۋە سالاپەت بىلەن گەپ قىلىشىدىن پەخىرلىنىدۇ. ئۇلار چوقۇم سالاپەتلىك كىيىنىشى، سالاپەت بىلەن گەپ قىلىشى كېرەك. خان جەمەتى بالىلىرىمۇ شۇنىڭ ئىچىدە. ھەر قانداق بالىلارچە گەپ چەكلىنىدۇ، ھەتتا ئۇلارنىڭ كىچىك بالا بولۇشىمۇ توسقۇنلۇققا ئۇچرايدۇ.

خان جەمەتى بالىسى بولۇشنىڭ ئەڭ قىزىقارلىق تەرىپى بولسا ئۇلار ھەر قانداق توي مۇراسىمىغا قاتناشسا بولىدۇ. بالىلاردىن تەشكىللەنگەن توي مۇراسىم كەچلىك زىياپىتى بولسا خان جەمەتىنىڭ ئەنئەنىسى.

ئەدەبلىك بولۇشقا دىققەت قىلىش كېرەك. ھەر قاچان قائىدىلىك بولۇپ، ئۆزىنىڭ خان جەمەتىدىن ئىكەنلىكىنى ئۇنۇتماسلىق كېرەك، تاماق ئۈستىلىدە ئاچچىقلىنىش ۋە يېمەكلىكنى قالايمىقان تاشلاشقا چىداپ تۇرغىلى بولمايدۇ. بۇنداق خان جەمەتى بالىلىرىنىڭ قائىدە-يوسۇن دەرىسى ئەنگىلىيەدىكى ھەر قانداق ئادەمنىڭكىدىن جىق. بۇ قائىدە-يوسۇنلار ئىزچىل خان جەمەتىدە ئاستا-ئاستا جۇغلانغان ھەمدە ئۇزۇن مەزگىل داۋاملاشتۇرۇلىدۇ.

نېمىشقا شارلوت مەلىكىنىڭ تاج تاقىغىنىنى كۆرگىلى بولمايدۇ؟ بۇنداق بولۇشى خان جەمەتىدىكى ئاياللار تاكى تويى بولمىغۇچە ھەرقانداق باش بېزىكى تاقىسا بولمايدۇ.

خان جەمەتى بالىلىرى چوقۇم رىئايە قىلشقا تېگىشلىك ئەڭ چوڭ قائىدە دەل ئاتا-ئانىسى بىلەن بىللە ساياھەتكە چىقسا بولمايدۇ. ئىككى تەخت ۋارىسى بىللە ساياھەت قىلسا بولمايدۇ. بەلكىم سىز گاڭگىراپ قالغانسىز، چۈنكى بىز ھەمىشە ۋىلىيام شاھزادىنىڭ جورج شاھزادە بىلەن ئۇيان-بۇيان ئويناپ يۈرگەن رەسىملىرىنى كۆرۈپ تۇرىمىز. بۇنداق بولۇشى ئۇ تېخى كىچىك. جورج شاھزادە 12 ياشقا توشقاندا بۇ قائىدە قەتئىي ئىجرا قىلىنىدۇ. بۇنداق بولۇشى ساياھەت جەريانىدا تاساددىپىيلىق ياكى باشقا قورقۇنچلۇق ئىشلارنىڭ يۈز بېرىشىنىڭ ئالدىنى ئېلىش ئۈچۈن. ھېچبولمىغاندا بىرەيلەن تالاپەتكە ئۇچىرىسىمۇ يەنە بىرەيلەن ئامان قالىدۇ، بولمىسا زىيان تېخىمۇ ئېغىر بولىدۇ.

بۇنىڭ ئىچىدە ئەڭ غەلىتە ھەم ئەڭ كۈلكىلىك بولغىنى خان جەمەتى بالىلىرى «كاتتا باي»(大富翁) ئويۇنى ئوينىسا بولمايدۇ. دۇنيانىڭ ھەر قايسى جايلىرىدىكى بالىلار ئويناپ مودا بولغان بۇ ئويۇن خان جەمەتىدە پەيدا بولسا بولمايدىكەن.


باش سۈرەت تاللاش x
  • توختا يۈرۈكۈم1 ھەپتە ئىلگىرى

    ئۆز تارتىم رەسىملىرىنى چەمبىرەككە چىقارماسلىق،
    «كاتتا باي»ئويۇنى ئوينىماسلىق،چوقۇم دۇنيانى زىيارەت قىلىش،بۇنىڭ ئۈچۈن كۆپ تىللارنى بىلىش،ھەرقانداق سورۇندا ئۆز ئىسىم-فامىلىسىنى ئىشلىتىش .....
    ئەجەپ قايىل بولدۇم،ياخشىكەن ،پايدىلىنىش قىممىتى باركەن
    .....ئەجرىڭلارغا تەشەككۈر

  • 91091 ھەپتە ئىلگىرى

    تازىمۇ قاملاشمىغان قائىدىلىرى بار ئىكەنغۇ بۇلۇپمۇ كىچىك بالىلارغا ئۇۋال بۇپ كىتىدىكەن كىچىكلىكىدە خاتىرجەم ئۇينىيالمىسا قانداق بۇلىدۇ

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号