باش بەت

خەندان

1480يوللانما
101مەستانە

يېڭىدىن ئىشلەنگەن «قەدىمىي قەبرىدىكى كۆلەڭگە» ۋە ئۇنىڭدىكى ئايال باش رولچى ئالىشىيا ۋىكاندېر

مەنبە:تور دۇنياسى يوللانغان ۋاقىت:2018-01-13 12:15 4 ئىنكاس چۈشتى

20180113002309336.jpg

داڭلىق تور ئويۇنىدىن ئۆزگەرتىپ ئىشلەنگەن فىلىم «قەدىمىي قەبرىدىكى كۆلەڭگە»(古墓丽影) يېقىندا ئۇزارتىلغان تەشۋىق فىلىمىنى ئېلان قىلدى، تەشۋىق فىلىمدە ئالىشىيا ۋىكاندېر (Alicia Vikander) رولىنى ئالغان يېڭى لارانىڭ كىشىنى ھاياجانلاندۇرىدىغان جاسارىتى ھەم تەنناز قىياپىتى سېھرىي كۈچى بىھېساب كونا لارانى ئېكراندا قايتا نامايەن قىلدى. ئىگىلىنىشىچە «قەدىمىي قەبرىدىكى كۆلەڭگە» فىلىمى 2018-يىلى 3-ئاينىڭ 16-كۈنى شىمالىي ئامېرىكىدا قويۇلۇشقا بېكىتىلگەن. چوڭ قۇرۇقلۇقتا قويۇلۇشىدىن ئۈمىد باركەن.

ئەنجىلىنا جۇلى باش رول ئالغان «قەدىمىي قەبرىدىكى كۆلەڭگە» بۇرۇن ئىكككى بۆلۈم قويۇلغان، ئىككىنچى بۆلۈمىنىڭ بېلەت كىرىمى ياخشى بولمىغانلىقتىن داۋامى ئىشلەنمىگەن. بىرىنچى بۆلۈمىدىكى زور ئۇتۇققا تايىنىپ، ئەنجىلىنا جۇلى دۇنياغا داڭلىق كىنو چولپىنى بولغان. ئۇ ھازىر رېژىسسورلۇق قەدىمىنى بېسىۋاتىدۇ.

«قەدىمىي قەبرىدىكى كۆلەڭگە» ئويۇنى ئىلگىرى-كېيىن بولۇپ 16 خىل نۇسخا ئېلان قىلغان، تا ھازىرغىچە ئەڭ بازارلىق ئويۇنلارنىڭ بىرى بولۇپ ھېسابلىنىدۇ.

2017-يىلى، كىشىگە بەدىئىي سۈرەتتەك تەسىر بېرىدىغان گۈزەل قىز ئالىشىيا ۋىكاندېر(Alicia Vikander)نىڭ يېڭى «قەدىمىي قەبرىدىكى كۆلەڭگە» فىلىمىدىكى ئايال باش رولچى لارا كروفت (Lara Croft)نىڭ رولىنى ئالىدىغانلىقى كىشىنى ئەڭ ھاياجانغا سالدى. بۇ فىلىمنىڭ تەشۋىق فىلىمى توردا ئاشكارىلانغاندىن كېيىن، تورداشلار يېڭى لاراغا قارىتا ئوخشىمىغان ئىككى خىل كۆز قاراشتا بولدى، بىرى ئالىشىيانى كېيىن ئېلان قىلغان «قەدىمىي قەبرىدىكى كۆلەڭگە» ئويۇنىدىكى يېڭىياچى ياش لاراغا ئەينەن ئوخشايدىكەن دەپ قارىدى، يەنە بىرى ئۇ بۇرۇنقى ئەنجىلىنا جۇلىدىن خېلىلا پەرقلىنىدىكەن، بۇ فىلىم كۈتۈشكە ئەرزىمىگۈدەك دېيىشتى. تەشۋىق فىلىمدىن باشقا، يېقىندا «قەدىمىي قەبرىدىكى كۆلەڭگە» فىلىمى يېڭى تەشۋىق سۈرەت ۋە فىلىم مەيدان سۈرەتلىرىنى ئاشكارىلىدى. كۆپچىلىك بىلەن بىرگە بۇ يېڭى ئۇچۇرلاردىن بىرگە بەھىرلىنەيلى:

«قەدىمىي قەبرىدىكى كۆلەڭگە» فىلىمىدىكى ئايال باش رولچى ئالىشىيا ئەڭ يېڭى سان Total Film ژۇرنىلىنىڭ مۇقاۋىسىغا چىقتى.

لارا كروفتنىڭ ئەڭ يېڭى فىلىم سۈرەتلىرى.

پەردە ئارقىسىدىكى سۈرەتلەردىن ئىككى پارچە.

Alicia Vikander

ئۇنىڭدىن باشقا، يېقىندا ئالىشىيا ۋىكاندېر برازىلىيىدىكى تەشۋىقات پائالىيىتىگە قاتناشتى.

ئۇنىڭ يولدىشى مايكول فاسبېندېر (Michael Fassbender)مۇ ئۇنىڭ بىلەن بىرگە برازىلىيىگە باردى! تۇنجى قويۇلۇش مۇراسىمىدا ئۇنى كۆرۈش ئارزۇيىڭىز بارمۇ-يوق؟!

ئاخىرىدا ئەڭ مۇھىم ئۇچۇردىن بىرنى بېرىپ تېمىنى تاماملايمىز:

يېڭى «قەدىمىي قەبرىدىكى كۆلەڭگە: دەسلەپكى جەڭ» 2018-يىلى 3-ئاينىڭ 16-كۈنى شىمالىي ئامېرىكىدا قويۇلىدۇ. ئۇنىڭ رىۋايىتى ئەنە شۇنىڭدىن باشلىنىدۇ.

 تەشۋىق فىلىمى:



باش سۈرەت تاللاش x
  • گەردى3 ئاي ئىلگىرى

    古墓丽影9 بىلەن 10دىن ئۆرنەك ئىلىپ ئىشلەپتۇ، ئويۇنىدەك قالتىس ھەم سىرلىق بولمىسىمۇ بىر كۆرۈشكە ئەرزىگۈدەك

  • ساتىراچ3 ئاي ئىلگىرى

    سەت قالتىس چىقاندەكيە ما كىنو ئادەمنى تەقەزا قىلىپ

  • مارۋىل3 ئاي ئىلگىرى

    تەشۋىق فىلىمىغۇ ئىسىل چىقىپتۇ 2017 يىلىغۇ چاقماق ئىلاھىدىن باشقا ئادامنى پۇخادىن چىقارغۇدەك فىلىم چىقمىدى ما كىينو بوپ قالغۇدەك

  • مايور3 ئاي ئىلگىرى

    ساخلايمىزما ساخلايلى مەمغۇ ئەنجىلىنا جۇلىنى ياختۇارتتىم بۇقىزمۇ خېلىياماندەك قىلدىغۇ

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号