باش بەت

نۇسرەتگۈل

8936يوللانما
149مەستانە

يېڭىدىن ئانا بولغان ئايال ئۆلۈك تۇغۇلغان بوۋىقىنى قۇچىقىدىن چۈشۈرگىلى ئۇنىمىدى

مەنبە:تېڭشۈن تورى يوللانغان ۋاقىت:2018-01-13 12:10 5 ئىنكاس چۈشتى

تېڭشۈن تورى 12-يانۋار خەۋىرى، نۇر تورى تەرجىمىسى:

ئانا مۇھەببىتى دېڭىزدىنمۇ چوڭقۇر ۋە شەخسىيەتسىز. ئەنگىلىيە «پوچتا گېزىتى»نىڭ خەۋىرىگە ئاساسلانغاندا، يېڭىلا ئانا بولغان مارىيە كىرك يېڭىلا تۇغۇلغان قىز بوۋىقىنى باغرىغا مەھكەم بېسىپ، كۆز ئۈزمەي قارىغان. بۇ كۆرۈنۈش ھەم قىممەتلىك ھەم ئازابلىق. چۈنكى يېڭىلا يەڭگىگەن بۇ ئانا ئوماق قىزىنىڭ ئۆزى بىلەن بىللە ئۆيگە قايتالمايدىغانلىقىنى ئېنىق بىلىدۇ. بۇ بوۋاق خۇددى ئانىسى ئېيتقاندەك «تولىمۇ ئوماق، ئەمما نەپەسلىنەلمەيدۇ».

بۇ بوۋاقنىڭ ئېغىرلىقى تەخمىنەن 1.43 كىلوگرام بولۇپ، 35 ھەپتىلىك بولغاندا ئانىسىنىڭ قورسىقىدا ھاياتىنى ئاخىرلاشتۇردى، شۇڭا ئۇ دۇنياغىمۇ مۇشۇنداق تىپتىنچلا كەلدى. 39 ياشلىق مارىيە: «قىزىمىز شۇنداق جىمجىتلا تۇغۇلدى، قورسىقىمدىن ئېلىۋېتىلدى... بىراق، نېمىلا بولسۇن، ئۇ شۇنداق مۇكەممەل ئىدى» دېدى.

بوۋىقىنى قۇچىقىدىن چۈشۈرگىلى ئۇنىمىغان بۇ ئانا: «دوختۇرلار بىزگە ئۇنىڭ ئاللىبۇرۇن ھاياتىنى ئاخىرلاشتۇرغانلىقىنى ئېيتتى. بىراق، بىز بۇ ئەمەلىيەتنى قوبۇل قىلىشقا تېخىچىلا تەييارلىنىپ بولالمايۋاتىمىز» دېدى. يېڭى تۇغۇلغان كىچىك سوفىي ئانىسى مارىي كىرك ۋە دادىسى پائۇل كىرك بىلەن 24 سائەتلىك قىممەتلىك ۋاقىتنى ئۆتكۈزدى، ئۇلارنىڭ ئىللىق قۇچاقلىشى ۋە مېھرى بىلەن سۆيۈشلىرىگە چۆمدى.

كېيىن كىچىك سوفىينى بىر فوتوگراف سۈرەتكە تارتىۋالدى ھەم سۈرەتلەرنى «قوزىلىرىمىزنى ئەستە تۇتايلى» ناملىق ئالبۇمغا قوشۇپ قويدى. بىر پارچە رەڭسىز سۈرەتتە بوۋاق ئاق كىرلىكتە كۆزىنى يۇمۇپ بوينىغا يىپەك شارپا يۆگەلگەن ھالەتتە جىمجىت ياتاتتى.

ئاخىرىدا، جەسەت تەكشۈرۈش ئارقىلىق سوفىينىڭ بالا ھەمرىيى تولۇق يېتىلمىگەنلىكى سەۋەبلىك داۋاملىق تەرەققىي قىلالمىغانلىقى ئېنىقلاندى. ئىگىلىنىشىچە، ئەنگىلىيەدە ھەر يىلى 3000 بوۋاق ئۆلۈك تۇغۇلىدىكەن. بىر قىسىم مۇتەخەسسىسلەر ناۋادا ھامىلدارلار ۋاقتىدا تەكشۈرتكەن بولسا بۇنداق ئاقىۋەت كېلىپ چىقىشىدىن ساقلانغىلى بولىدىغانلىقىنى بىلدۈردى. 

باش سۈرەت تاللاش x
  • @يىگانە@1 ھەپتە ئىلگىرى

    بۇنداق ھېسسىيات بەكلا ئازاپلىق ،مېنىڭمۇ بېشىمدىن ئۆتكەن،،،،

  • شەھلا5151 ھەپتە ئىلگىرى

    ئانىغا بۇنىڭىدىن ئازاپلىق كۈن بولمايدۇ

  • يالغان دۇنيا1 ھەپتە ئىلگىرى

    بارلىق ئۇلۇغ ئانىلارغا چوڭقۇر ھۆرمەت بىلدۈرىمەن .

  • رىزۋانگۈل1 ھەپتە ئىلگىرى

    نىمدا ئازاپلىق مەنمۇ يېڭدىن يەڭگىدىم قوساق كۇترۇپ تۇغۇشنىڭ ئازابىنى بالنىڭ مىھرې ئارقىلىق ئۇنتۇپ كىتەلەيدكەنمز بارلىق ئانا باللار ساغلام بولسۇن

  • قارمەلكە1 ھەپتە ئىلگىرى

    ئەجەپ يۇرۇگۇم ئېچىشتى ئانا بولغۇچى ئۇچۇن بۇنىڭدىن ئارتۇق ئازاپ بولمىساكىرەك

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号