باش بەت

شىرئەلى روزى

456يوللانما
26مەستانە

بىر گۇرۇپپا سان-سىفىرلاردىن بۇ يىللىق CBA چولپانلار مۇسابىقىسىغا نەزەر

مەنبە:تېڭشۈن تورى يوللانغان ۋاقىت:2018-01-13 23:25 16 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى

2018-يىللىق CBA چولپانلار مۇسابىقىسى باشلىنىش ئالدىدا تۇرىۋاتىدۇ، تۆۋەندە بىز بۇ يىللىق چولپانلار مۇسابىقىسىدىكى دىققەت قىلىشقا تېگىشلىك بىر گۇرۇپپا سان-سېفىرلارنى كۆرۈپ باقايلى:

0 – بۇ يىللىق چولپانلار مۇسابىقىسىدىكى ئاساسلىق ئەزالارنىڭ ئىچىدە بىرمۇ چەتئەللىك ماھىر يوق.

بۇ نۆۋەتلىك چولپانلار رەسمى مۇسابىقىسىدىكى جەنۇبى رايون ۋە شىمالى رايوندىكى دەسلەپتە مەيدانغا چۈشىدىغان 10 نەپەر ئەزانىڭ ھەممىسى يەرلىك ماھىرلار بولۇپ، بىرمۇ چەتئەللىك ماھىر يوق. كوماندىلار بويىچە ئايرىغاندا گۇاڭدۇڭ كوماندىسىدىن 3 نەپەر ئاساسلىق ئەزا بولۇپ، بۇ يىللىق چولپانلار مۇسابىقىسىدىكى ئەڭ چوڭ  غالىب كوماندىغا ئايلانغان، لىياۋنىڭ ۋە بېيجىڭ كوماندىلىرىدىن 2 نەپەردىن ماھىر تاللانغان، قالغان 3 نەپەر ئاساسلىق ئەزا ئايرىم-ئايرىم ھالدا شېنجېن، جېجىياڭ ۋە شەندۇڭ كوماندىلىرىدىن تاللانغان.

1 – CBA چولپانلار مۇسابىقىسىغا تۇنجى بولۇپ ئۇنىۋېرسىتېتلارنىڭ كوماندىلىرى قاتناشتۇرۇلدى

CBA يېڭى ماھىرلار مۇسابىقىسىنىڭ تۈزۈمى ئۆزگەرتىلگەچكە بۇ نۆۋەتلىك چولپانلار ھەپتىلىكى يېڭى چولپانلار مۇسابىقىسىغا چىڭخۇا ئۇنىۋېرسىتېتى ۋە بېيجىڭ ئۇنىۋېرسىتېتىنىڭ ئەرلەر ۋاسكېتبول كوماندىلىرى تەكلىپ بىلەن قاتنىشىدۇ.

3 – دىڭيەن يۈخاڭ چولپانلار مۇسابىقىسىدە ئۇدا MVP بولۇپ باھالانغان ئۈچىنچى كىشى بولالامدۇ؟

CBA چولپانلار مۇسابىقىسىنىڭ تارىخىدا پەقەت ئىككى ماھىرلا ئۇدا ئىككى نۆۋەتلىك چولپانلار مۇسابىقىسىدە MVP (ئەڭ قىممىتى بار ماھىر) بولۇپ باھالانغان. بۇ ئىككەيلەن 1-ئاۋغۇست كوماندىسىنىڭ سابىق ماھىرى ۋاڭ جىجى ۋە 2016-يىلى شەندۇڭ كوماندىسىدا توپ ئوينىغان مايكول بېسلىي. ئالدىنقى نۆۋەتلىك MVP بولغان دىڭيەن يۈخاڭ بۇ قېتىملىق چولپانلار مۇسابىقىسىدىمۇ ئىپادىسىنى كۆڭۈلدىكىدەك جارى قىلدۇرۇپ، تارىختىكى ئۈچىنچى ماھىرغا ئايلىنالامدۇ؟

3 – گاۋ شىيەن ئۇدا ئۈچىنچى قېتىم يېڭى چولپانلار مۇسابىقىسىغا قاتنىشىدۇ

بۇ مۇسابىقە پەسلىدە لىياۋنىڭ كوماندىسىدىن جىلىن كوماندىسىغا يۆتكەلگەن گاۋ شىيەننىڭ بۇ يىل ئۇدا ئۈچىنچى قېتىم CBA  يېڭى چولپانلار مۇسابىقىسىغا قاتنىشىشى، بۇمۇ CBA چولپانلار مۇسابىقىسى تارىخىدىكى يېڭى بىر رېكورت بولۇپ ھېسابلىنىدۇ.

5 – بەش كوماندىدىن بۇ يىللىق چولپانلار مۇسابىقىسىغا بىرمۇ ماھىر تاللىنالمىدى

بۇ نۆۋەتلىك CBA چولپانلار مۇسابىقىسىنىڭ رەسمىي مۇسابىقىسىغا جىلىن كوماندىسى، سىچۇەن كوماندىسى، تۇڭشى كوماندىسى، گۇاڭجۇ كوماندىسى ۋە چىڭداۋ كوماندىسىدىن ئىبارەت بەش كوماندىدىن بىرمۇ ماھىر تاللىنالمىدى.

8 – يى جىيەنلىيەن ئۇدا سەككىزىنچى قېتىم چولپانلار مۇسابىقىسىنىڭ ئاساسلىق ماھىرى بولدى

بۇ قېتىم شېنجېندا ئۆتكۈزۈلىدىغان چولپانلار مۇسابىقىسىدە يەرلىك ماھىرلار ئىچىدىكى ئەڭ كۈچلۈك ماھىر ھېسابلىنىدىغان يى جىيەنلىيەنمۇ بىر يارقىن نۇقتا بولۇپ ھېسابلىنىدۇ. بۇ قېتىملىق چولپانلار مۇسابىقىسىدە يى جىيەنلىيەن ئۈچىنچى قېتىم ئەڭ كۆپ بېلەتكە ئېرىشكەن ماھىر بولدى، شۇنداقلا كەسپى ھاياتىدا سەككىزىنچى قېتىم چولپانلار رەسمىي مۇسابىقىسىنىڭ دەسلەپتە مەيدانغا چۈشىدىغان ئاساسلىق ماھىر بولۇپ تاللاندى.

10- ئون نەپەر ماھىر كەسپى ھاياتىدا تۇنجى قېتىم چولپانلار رەسمىي مۇسابىقىسىغا قاتنىشىدۇ.

بۇ نۆۋەتلىك CBA چولپانلار رەسمى مۇسابىقىسىغا قاتنىشىدىغان 24 نەپەر ماھىرنىڭ ئىچىدىكى 10 نەپەر ماھىرنىڭ كەسپى ھاياتىدا تۇنجى قېتىم چولپانلار مۇسابىقىسىغا قاتنىشىشى بولۇپ، بۇمۇ چولپانلار مۇسابىقىسى تارىخىدا ئاز ئۇچرايدىغان ئەھۋال بولۇپ ھېسابلىنىدۇ. بۇ ئون نەپەر ماھىر: جاۋ رۈي، كۇرتنېي فورتسون، لېي مېڭ، فاڭ شو، جاۋ جىۋېي، جاڭ جىخەن، يۈ چاڭدۇڭ، شېۋىلىك راندولف، لۇئىس سىكولا ۋە دارىئۇس ئادامىستىن ئىبارەت.

15 – كىم چولپانلار مۇسابىقىسى تارىخىدا 15- ئەڭ قىممىتى بار ماھىر بولۇپ باھالىنىدۇ؟

ئۆتكەن 19 قېتىملىق چولپانلار مۇسابىقىسىدە جەمئى 14 نەپەر ماھىر MVP (ئەڭ قىممىتى بار ماھىر) بولۇپ باھالاندى، ئۇلار، ۋاڭ جىجى، لىيۇ يۈدۇڭ، باتۇر، جوئېن شىمىس، ۋاڭ شىپېڭ، سىتېف ماربۇرىي، كۈنشى دۇبىي، لى گېن، يى جىيەنلىيەن، سۈن يۆ ۋە دىڭيەن يۈخاڭ قاتارلىقلاردىن ئىبارەت. ناۋادا بۇ قېتىملىق چولپانلار مۇسابىقىسىدە يى جىيەنلىيەن ۋە دىڭيەن يۈخاڭدىن باشقا ماھىرلار MVP بولۇپ باھالانسا ئۇ ھالدا CBA چولپانلار مۇسابىقىسى تارىخىدىكى 15-ئەڭ قىممىتى بار ماھىر مەيدانغا كېلىدۇ.

40 – بۇ يىل 40 ياشقا كىرگەن سىتېف ماربۇرىي چولپانلار مۇسابىقىسىغا تاللىنالمىدى

40 ياشلىق پېشقەدەم ماھىر سىتېف ماربۇرىي تېخى ئۆتكەن نۆۋەتلىك چولپانلار مۇسابىقىسىدە ئەڭ كۆپ بېلەتكە ئېرىشكەن ماھىر ئىدى، بىراق بۇ قېتىملىق چولپانلار ھەپتىلىكىدە ئۇ كوماندىسىنىڭ نەتىجىسى ۋە ئۆزىنىڭ ئىپادىسى قاتارلىق سەۋەبلەر تۈپەيلى تىزىملىكتىن چۈشۈپ قالدى، بۇ كەسپى ھاياتىنىڭ ئاخىرقى مەزگىللىرىدە تۇرىۋاتقان ماربۇرىيغا نىسبەتەن ئەپسۇسلىنارلىق بىر ئىش بولۇپ ھېسابلىنىدۇ.

63- چولپانلار مۇسابىقىسىدە 63 نومۇر ئېلىش رېكورتىنى كىم بۇزالايدۇ؟

2016-يىللىق چولپانلار مۇسابىقىسىدە ئەينى ۋاقىتتىكى شەندۇڭ كوماندىسىنىڭ چەتئەللىك ئەزاسى مايكول بېسلىي 63 نومۇر، 19 قېتىم گاردىن قايتقان توپ ئېلىش ۋە 13 قېتىم ھۇجۇم پاس بېرىشتەك ئۈچ تۈردە قوش خانىلىق نەتىجە ياراتقان ئىدى. ئۇنىڭ ئالغان 63 نومۇرىمۇ چولپانلار مۇسابىقىسىدە ئەڭ كۆپ نومۇر ئېلىش رېكورتىنى ياراتقان. بۇ نۆۋەتلىك چولپانلار مۇسابىقىسىدە بۇ رېكورتقا جەڭ ئېلان قىلىدىغان ماھىرلار چىقارمۇ؟

باش سۈرەت تاللاش x
  • مېھمان6 كۈن ئىلگىرى

    ياخشى بۇغىنى ئەگەر تۇپنى كۇپ كىرىگۇز سە ھەقيىقى مۇسابىقىدا ئادىمسىقا كاپتەك چاپىلشىۋالىدۇ ... بۇرۇن شىرئەليىگە شۇنداق چاپىلىش ۋالغان ...

  • تىل چايان6 كۈن ئىلگىرى

    ئادامىس ئاخشامنرىكور ياراتتى، بۇ يىلقى ئۈچ نومۇرلۇق توپ مۇسابىقىسىدە ئەڭ تۆۋەن نومۇر ئېلىپ سالپىيىپ چۈشۈپ كېتىش رىكورتى

  • كىرانچى6 كۈن ئىلگىرى

    ئادامىس سەپلىمە ئەزاكەن يەنە كىلىپ شىنجاڭ كۇماندىسىدىكىدەك قوللاشقا ئىرىشەلمەيدۇ بۇ يىل

  • ئۆزىل6 كۈن ئىلگىرى

    بىسىلىنىڭ رىكورتىنى بۇزۇش مۇمكىن بولمايدىغان ئىش

  • 我爱篮球。6 كۈن ئىلگىرى

    جىلىن كۇماندىسىدىن ماھىر يوق دەيدىغۇ گاۋ شىيەن لىياۋنىڭدىن جىلىنغا يۆتكەلدى دەيدىغۇ بولمىسا

  • sah r a6 كۈن ئىلگىرى

    ئاخشامقى مۇسابىقىگە ئابدۇسالاممۇ قاتناشتى بونىڭدا ئىسمى يوقمۇ

  • 91096 كۈن ئىلگىرى

    ئادامىس ئۆزەڭنى بىر كۆرسىتىپ قۇيغىن سەن ئاشۇ 63نۇمۇردىنمۇ ئاشۇرۋەتكىن بۇ پەسىللىك چۇلپانلار mvp لىقىنى ئۆزەڭ قۇلغا كەلتۈرگىن

  • جۇشقۇن 09976 كۈن ئىلگىرى

    ئۈچ نۇمۇرلوق توپتا ھەممىنىڭ كەينىدە قېلىپ رىكورت بۇزدى مانا ئەجەپ سەتلەشتى بىچارە ئادامىس

  • ئىشتىياق6 كۈن ئىلگىرى

    ئادامىس داۋاملىق تىرىشقىن قالتىس ئىپادەڭنى كۈرۈشنى خالايمىز

  • ئىشتىياق6 كۈن ئىلگىرى

    بۈگۈن كەچ 5.35دەباشلىندۇ

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号