باش بەت

ئادىلجان

7768يوللانما
96مەستانە

ئالمىنىڭ بازار قىممىتى 900 مىليارد دوللاردىن ئاشتى

مەنبە:تور دۇنياسى يوللانغان ۋاقىت:2018-01-13 23:43 6 ئىنكاس چۈشتى

بېتا تورىنىڭ 13-يانۋاردىكى خەۋىرى، نۇر تورى تەرجىمىسى:

گەرچە ئالمىنىڭ «سۈرئەتنى ئاستىلىتىۋېتىش سەتچىلىكى»نىڭ سەلبىي تەسىرى تېخى تۈگىمىگەن بولسىمۇ، ئەمما ئالما شىركىتىنىڭ پاي باھاسى يەنىلا ئۆرلەپ، 900 مىليارد دوللاردىن ئاشتى. ئامېرىكا ۋاقتى 12-يانۋار بازار يېپىلغاندا ئالمىنىڭ پاي باھاسى %1.03 ئۆرلەپ، بازار يېپىلغاندىكى رېكورتى 177.9 دوللارغا چىقتى، 2018-يىلىدىكى ئۆرلەش نىسبىتى %4.6 بولۇپ، بازار قىممىتى 900 مىليارد 86 مىليون 670 مىڭ دوللارغا يەتتى. 

ئالدىنقى كۈنى ئامېرىكىدىكى ئۈچىنچى چوڭ مەملىكەت خاراكتېرلىك خەۋەرلىشىش كارخانىسى T-Mobile  شۇ كۈندىن باشلاپ iPhoneنى كەڭ كۆلەمدە ئېتىبارلىق سېتىش پائالىيىتىنى يولغا قويغانلىقىنى، ئىستېمالچىلار بىرنى سېتىۋالسا بىرسى سوۋغا قىلىنىدىغانلىقىنى، ئېتىبارلىق يانفونلار ئالما يېقىندا ئېلان قىلغان بارلىق مەھسۇلاتلارنى ئۆزئىچىگە ئالىدىغانلىقىنى جاكارلىغان، بۇ يانفونلار iPhone 8، iPhone 7 ۋە iPhone Xنى ئۆزئىچىگە ئالىدۇ. 

شۇنىڭ بىلەن بىرگە فىرانسىيە، كورىيە قاتارلىق دۆلەتلەردىكى ئىستېمالچىلار «سۈرئەتنى ئاستىلىتىۋېتىش سەتچىلىكى» سەۋەبلىك ئالما شىركىتىنى كۆپ قېتىم كوللېكتىپ ئەرز قىلىپ تۆلەم تەلەپ قىلغان. 

ئەمما ئالمىنىڭ پاي باھاسى بۇنىڭ تەسىرىگە ئۇچرىمىغاندەك قىلىدۇ. جۈمە كۈنى بازار يېپىلغاندا پاي باھاسى %1.03 ئۆرلەپ بازار يېپىلغاندىكى ئەڭ يۇقىرى رېكوتنى 177.09 دوللارغا يېڭىلىدى. 2018-يىلىدىكى ئېشىش نىسبىتى %4.6 بولۇپ، بازار قىممىتى 900 مىليارد 86 مىليون 670 مىڭ دوللارغا يەتتى. 

باشقا پەن-تېخنىكا شىركەتلىرىنىڭ پاي باھاسىمۇ ئۆرلىدى. گۇگول ئانا شىركىتىنىڭ پاي باھاسى %1.67 ئۆرلەپ، ئەڭ يۇقىرى رېكورتىنى 1130.65 دوللارغا يېڭىلىدى، بازار قىممىتى 782 مىليارد 448 مىليون 500 مىڭ دوللارغا يەتتى. ئامازوننىڭ پاي باھاسى %2.23 ئۆرلەپ، 1305.20 دوللاردا بازار يېپىلدى. بۇ شىركەت يېقىنقى سەككىز سودا كۈنىدە ئەڭ يۇقىرى رېكوتنى يېڭىلىدى، پاي باھاسى يېقىنقى توققۇز كۈندە %11.6 ئۆرلىدى. نۆۋەتتىكى بازار قىممىتى 628 مىليارد 939 مىليون 600 مىڭ دوللار، بۇ ھەپتىدە جەمئىي %6.2 ئۆرلىدى. مىكروسوفتنىڭ پاي باھاسى %1.7 ئۆرلەپ، ئەڭ يۇقىرى رېكورتىنى 89.58 دوللارغا يېڭىلىدى، بازار قىممىتى 691 مىليارد 227 مىليون 300 مىڭ دوللارغا يەتتى. Netflixنىڭ پاي باھاسى %1.84 ئۆرلەپ، 221.23 دوللاردا بازار يېپىلدى، ئۇدا ئۈچ كۈن ئەڭ يۇقىرى رېكورتىنى يېڭىلىدى، بازار قىممىتى 95 مىليارد 733 مىليون 100 مىڭ دوللارغا يەتتى. 

باش سۈرەت تاللاش x
  • سۇبات1 ھەپتە ئىلگىرى

    900مىليارد بوسا دۇنيادىكى بىرىنچى باي بوپ كەتمەمدۇ ئالما شىركىتى

  • ناھايتى بىمەنە1 ھەپتە ئىلگىرى

    مۇشۇ بىز قوللاۋاتقان ئۇلىنىش شىركىتى بىر قىتم بولسمۇ ئۆزىنڭ بازار قىمىتىنى بىر ئاشكارلاپ باقسا نىم بولا

  • ئىزدىنىش8011 ھەپتە ئىلگىرى

    مۇشۇ يىلى بىر تىرىلىيۇنغا چىقىپ كېتەمدۇ نېمە. بىلگەيتىسنىڭ بايلىقىمۇ 90 مىليارد ئامېرىكا دوللىرىدىن 100 مىلياردقا چىقىدىغان ئوخشايدۇ.

  • gulzira1 ھەپتە ئىلگىرى

    ئالما تېلفۇن سۈپەت ۋە سېتىلىش ,ئىشلىتىلىش جەھەتتىن ئەڭ ئالدىنقى ئورۇندا تۇرىدۇ يەنلا بىرىنچى!

  • Mac30241 ھەپتە ئىلگىرى

    ياشاپ كەت ئالما سىنىڭ تەراققىياتىڭ كەلگۈسىدە تېخىمۇ پارلاق

  • ئابلىز 09031 ھەپتە ئىلگىرى

    ئالما يەنىلا برىنچى

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号