باش بەت

نۇسرەتگۈل

8991يوللانما
149مەستانە

بىراك ئاپتوموبىلنى ئاگاھلاندۇرۇش بەلگىسى قىلغاننى كۆرگەنمۇ؟

مەنبە:تېڭشۈن تورى يوللانغان ۋاقىت:2018-01-14 12:15 10 ئىنكاس چۈشتى

تېڭشۈن تورى 14-يانۋار خەۋىرى، نۇر تورى تەرجىمىسى:

«ۋاي ئانامەي! بۇ ئاپتوموبىل بەكلا قاتتىق سوقۇلۇشۇپ كېتىپتىغۇ.» 10 نەچچە يىل ئاپتوموبىل ھەيدىگەن شىجياجۇاڭلىق چۈ ئەپەندى ئادەتتە ناھايىتى ئېھتىياتچانلىق بىلەن يول يۈرىدۇ. بىراق، ئۇ بۈگۈن شىجياجۇاڭ شەھىرى بېيچېڭ يولىدىن ئۆتۈپ كېتىۋاتقاندا يېقىن ئەتراپتا توختىتىپ قويۇلغان ۋەقەگە يولۇققان ئاپتوموبىل قالدۇقىنى كۆرۈپ ئىختىيارسىز ھالدا بېزىندىنى سىيلاپ قويدى، دەرھال ئۆزىنى ئوڭشىدى...

بىر نەچچە كۈن ئىلگىرى بېيچېڭ يولى بىلەن دوستلۇق يولىنىڭ كېسىشىش ئېغىزىنىڭ شەرقىدىن 100 مېتىردەك يىراقلىققا بىر بىراك قىلىنغان ئاپتوموبىل توختىتىپ قويۇلدى.

يېقىن ئەتراپتا ئولتۇرىدىغان ليۇ ئەپەندى: «بۇ ئاپتوموبىلنىڭ بۇ يەردە تۇرۇۋاتقىنىغا خېلى بولۇپ قالدى. مۇشۇ يېقىن ئەتراپتىلا بىر رېمونت زاۋۇتى بار. بۇ ئېھتىمال شۇ يەرگە ئېلىپ بېرىلىشى مۇمكىن» دېدى.

بۇ ئاپتوموبىلنىڭ سول تەرىپى ۋە ئۈستى ئېغىر دەرىجىدە ماكچىيىپ شەكلى ئۆزگىرىپ كەتكەنىدى.

بۇ ئاپتوموبىل ئەينى ۋاقىتتا خېلىلا قاتتىق سوقۇلغان بولسا كېرەك، ئارقىدىكى بىخەتەرلىك لىمىمۇ چۈشۈپ قالغان. بىراق، تەپسىلىي قاراپ باققانلار ئاپتوموبىلنىڭ ئارقىدىكى سوقۇلۇشتىن ساقلىنىش لىمىنىڭ سۇلياۋ ئىكەنلىكىنى بايقاپ ھەيران قالدى. چۈنكى ۋەقە يۈز بەرگەندە سۇلياۋنىڭ قوغداش رولى قانچىلىك بولىدۇ دەيسىز.

ئاپتوموبىلنىڭ ئالدى ئانچە ئېغىر بۇزغۇنچىلىققا ئۇچرىمىغان. بىراق، ئومۇمىي جەھەتتىن ئېلىپ ئېيتقاندا رېمونتى ئانچە ئەرزان توختىماسلىقى مۇمكىن.

چۈ ئەپەندى: «شوپۇرلارنىڭ ھەممىسى بۇ ئاپتوموبىلنى كۆرسە ئازراق چۆچۈيدۇ» دېدى. بىر نەچچە يىل ئىلگىرى دۆلىتىمىزنىڭ جەنۇبىدىكى ئۆلكە، شەھەرلەردە ۋەقەگە يولۇققان ئاپتوموبىللارنى ئاسان ۋەقە يۈز بېرىدىغان يول بۆلەكلىرىگە قويۇپ ئاگاھلاندۇرۇش سۇپىسى قىلىندى ۋە بۇ ئارقىلىق شوپۇرلارنى قاتناش قائىدىسىگە رىئايە قىلىشقا ئاگاھلاندۇرۇش، سۈرئەتنى چەكتىن ئاشۇرۇپ ھەيدەشتىن ساقلىنىش قاتارلىق جەھەتلەردە مەلۇم ئۈنۈم ھاسىل قىلىندى.

دۇنيا سەھىيە تەشكىلاتى تەمىنلىگەن سانلىق مەلۇماتلاردا كۆرسىتىلىشىچە، دۇنيادا ھەر يىلى قاتناش ۋەقەسى سەۋەبىدىن تەخمىنەن بىر مىليون 250 مىڭ ئادەم قازا قىلىدىكەن. دېمەك قاتناش ۋەقەسى سەۋەبىدىن بىر كۈندە قازا قىلىدىغانلار سانى 3500گە يېتىدۇ. مۇتەخەسسىسلەر 2019-يىلى دۆلىتىمىزنىڭ ئامېرىكىدىن ئېشىپ كېتىپ دۇنيا بويىچە ئەڭ چوڭ ئاپتوموبىل دۆلىتى بولۇپ قېلىشى، «10 قېتىملىق قاتناش ۋەقەسىدىن توققۇزىنىڭ سۈرئەتنى چەكتىن ئاشۇرۇپ يۈرۈش، ھاراق ئىچىپ ئاپتوموبىل ھەيدەش ۋە بەلگىلەنگەن ئۆلچەمدىن ئارتۇق يۈك بېسىش قاتارلىقلار سەۋەبىدىن يۈز بېرىشى» مۇمكىنلىكىنى بىلدۈردى. 

باش سۈرەت تاللاش x
  • مەخمۇتجان09971 ھەپتە ئىلگىرى

    ئاقسۇدىن ئالارغا ماڭغان يولدىمۇ بىرسى بار ،كىچىك يۈك ماشىنىسىدىن بىرسى ،

  • قايدا سەن1 ھەپتە ئىلگىرى

    يامان قاتتىق سۇقۇشۇپ كىتىپتۇ،،، ئادەممۇ ساق قالمىدى مەنچە

  • تاتلىق09971 ھەپتە ئىلگىرى

    مەن شوپۇرلۇق پىىراۋا ئېلۋاتقان مەكتەپنىڭ ھويلىسىدا بىرسى مۇشۇنداق بۇگاتى ۋەيراندىن ،

  • ...............1 ھەپتە ئىلگىرى

    كۆرۈپ چۆچۈسىۈن دەپتۇ دە

  • مارىس يۇلتۇزى1 ھەپتە ئىلگىرى

    ۋېي ، بەك شۇشەن
    مىجىلىپ كېتىپتۇ ، بۇ ماشىنا.

  • شاھىنشاھ1 ھەپتە ئىلگىرى

    شىنجاڭدا كۆپىقۇ بولۇپمۇ قەشقەردە تېخى بىراك ماشنىنڭ ئىچگە ئادەم مۇدېلى ئولتۇرغۇزۇپ قىزىل سىرنى قانغا ئوخشتۇپ مودېلنىڭ ئۈستى بېشى ۋە ئاپتوبىلغا چېچىپ قۇيدۇ قارىغان ئەدەمنى سۈر باسدۇ

  • ئوتالدۇراخون1 ھەپتە ئىلگىرى

    كۆگەن تورپاندا با يولنىڭ بويدا كۆيۈپكەتكەن ماششىنىدىن بىرسى

  • مىسران 9291 ھەپتە ئىلگىرى

    بىزنىڭ قاراقاشتىمۇ ئىككى يۈزدە مې8ىپ ئۇچۇپ كەتكەن تاكسىنى نەچچە يىل ئىگىز سۇپا ياساپ ئەپ قويغان ، ماۋۇ ھېچنىمە ئەمەسكەن تېخى

  • كۆرەپ كەل1 ھەپتە ئىلگىرى

    بۇنداق ئاپتۇمۇبىللا يول بۆلەكلىرىدە كۆپقۇ ئاتۇشتىللا ئىككى كۈچى بار يوق بويىدا قەشقەدىن ئۈرۈمچىگە ماشىنىلىق ماڭغانلا كۆرگەن بولساڭلا

  • ئىزدىنىش8011 ھەپتە ئىلگىرى

    ئۈرۈمچى 南山 جەنۇبى تاغقا چىقىدىغان يولدا بىر نەچچىسى بار. قارىسىلام ئادەمنىڭ تېنى شۈركىنىدۇ.

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号