باش بەت

ئىدىقۇت887

1854يوللانما
16مەستانە

شەخسىي تىك ئۇچاردا زەھەرلىك چېكىملىك توشۇغان ئەتكەسچىلەر قولغا چۈشتى

مەنبە:تېڭشۈن تورى يوللانغان ۋاقىت:2018-01-31 20:20 3 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى:

زەھەرلىك چېكىملىك ئەتكەسچىلىكى تىلغا ئېلىنسا، يادىمىزغا دەرھاللا زەھەر ئەتكەسچىلىرىنىڭ  زەھەرلىك چېكىملىكنى مېۋىلەرنىڭ ئىچىگە يوشۇرۇش، بەدىنىگە يوشۇرۇش قاتارلىق ھەر خىل ئامال-چارىلەر بىلەن ئەتكەس قىلىدىغانلىقى كېلىدۇ، زەھەر ئەتكەسچىلىرى زەھەر توشۇشتا ئاساسەن بىر قەدەر يوشۇرۇن ئۇسۇل قوللىنىدۇ، لېكىن بۈگۈنكى خەۋىرىمىزدە تونۇشتۇرماقچى بولغان زەھەر ئەتكەسچىلىرى  ھەددىدىن ئېشىپ شەخسىي  ئايروپىلاندا زەھەر يۆتكىگەن. ئەنگىلىيە «كۈندىلىك پوچتا گېزىتى» نىڭ 1-ئاينىڭ 31-كۈنىدىكى خەۋىرىگە قارىغاندا، مەلۇم زەھەر ئەتكەسچىلىك گۇرۇھى 500 كىلوگرام ئېغىرلىقتىكى زەھەرلىك چېكىملىكنى بىۋاستە چامادانغا قاچىلاپ، شەخسىي ئايروپىلان ئارقىلىق توشۇماقچى بولغان، لېكىن ئۇلارنىڭ بۇ پىلانى ئەمەلگە ئاشماي ساقچىلارنىڭ قولىغا چۈشۈپ قالغان.

ئىگەللىنىلىشىچە، بۇ يېقىندا پاش قىلىنغان ئەڭ چوڭ زەھەر ئەتكەسچىلىك دېلوسى بولۇپ، ئىككى ئەنگلىيەلىك، ئىككى ئىسپانىيەلىك ۋە بىر ئىتالىيىلىكنى ئۆز ئىچىگە ئالغان بەش نەپەر جىنايەت گۇماندارى بۇ قېتىمقى جىنايەتنى پىلانلىغان، ئۇلار كولۇمبىيە پايتەختى بوگوتادىن شەخسىي ئايروپىلانغا ئولتۇرۇپ ئەنگىلىيىگە قاراپ ماڭغان ھەم ئەنگىلىيە خامپتون ناھىيەسىدىكى فارنبور  (Farnborough Airfield) ئايرودرومىدا ساقچىلار تەرىپىدىن قولغا ئېلىنغان.

ساقچى تەرەپنىڭ ئاشكارىلىشىچە، بۇ زەھەرلىك چېكىملىكلەر جەمئىي 15 دانە چوڭ-كىچىك چامادانغا قاچىلانغان بولۇپ، ھەر   بىر چامادانغا 34 قاپتىن 37 قاپقىچە زەھەرلىك چېكىملىك قاچىلانغانىكەن، ھەر بىر قاپ زەھەرلىك چېكىملىكنىڭ  ئېغىرلىقى تەخمىنەن 1 كىلوگرام ئەتراپىدا كېلىدىكەن، بۇ قېتىم قولغا چۈشۈرۈلگەن زەھەرلىك چېكىملىكنىڭ ئۇمۇمىي قىممىتى 50 مىليون فوند سىتىرلىڭ ( يەنە تەخمىنەن 450 مىليون يۈەنگە تەڭ)  دىن ئاشىدىكەن. ساقچى تەرەپنىڭ ئېيتىشىچە، ئۇلار ئەينى چاغدا ئايروپىلانغا چىقىپ ئەھۋال سۈرۈشتۈرۈش جەريانىدا ئايروپىلاندىكىلەرنىڭ ناھايىتى گۇمانلىق ئىكەنلىكىنى بايقىغان، ئۇلار ئايروپىلاندىكى چامادانلارنى ئېچىپ تەكشۈرگەندىن كېيىن شۇنچىۋالا كۆپ زەھەرلىك چېكىملىكنى بايقىغان، بۇنى كۆرگەن خىزمەتچىلەرمۇ قاتتىق ھەيران قالغان.

ئىگەللىنىلىشىچە، بۇ شەخسىي ئايروپىلان ئاۋىستىرىيىدىكى «لوسبىرۇك» ناملىق بىر شىركەتكە تەۋە بولۇپ، ساقچىلار ئايروپىلان ئۇچقۇچىسىنىمۇ سوراق قىلغان، ناۋادا بۇ ئۇچقۇچىنىڭ گۇناھسىزلىقى ئىسپاتلىنىپ سوتقا ئەرز قىلىنمىسا، ساقچىلار ئۇنى قويۇپ بېرىدىكەن. ساقچى تەرەپنىڭ ئېيتىشىچە، پەرەزگە قارىغاندا، زەھەر ئەتكەسچىلىرى بۇ قېتىم تەكشۈرۈپ قولغا چۈشۈرۈلگەن زەھەرلىك چېكىملىكلەرنى ئەنگىلىيىدە بىۋاستە سېتىشنى پىلان قىلغان بولۇپ، ئەگەر بۇ زەھەرلىك چېكىملىكلەر بازارغا كىرگەن بولسا، بۇنىڭ ئاقىۋىتىنى تەسەۋۋۇر قىلغىلى بولمايدىكەن. نۆۋەتتە، ساقچىلار جىنايەت گۇماندارلىرىنىڭ يانفون ۋە كومپىيوتېر قاتارلىق بۇيۇملىرىنىڭ ھەممىسىنى تەكشۈرۈشكە ئېلىپ كەتكەن.

ئاجايىب غەلىتە زەھەر ئەتكەسچىلىك دېلولىرى

باش سۈرەت تاللاش x
  • چوغلان4 ئاي ئىلگىرى

    رەسىمدىكى ئايرۇپىلان شۇمىكەن؟بۇ ئايرۇپىلان تىك ئۇچالمايدىغاندۇ؟

  • يىڭى ئىسىم4 ئاي ئىلگىرى

    بۇ ئەتكەسچىلەگە ئەمدى قانداق جازا بىرە

  • ئابدۇلئەھەد4 ئاي ئىلگىرى

    يارايسىلەر ساقچىلار سىلەر بولغاچقىلا تۇرمۇشىمىز خاتىرجەم

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号