باش بەت

خالمۇرات بەكرى

141يوللانما
0مەستانە

ئاپتوموبىل ئاچقۇچىنىڭ ئىشىلىتىش ئۆمرى قانچىلىك؟

مەنبە:تېڭشۈن تورى يوللانغان ۋاقىت:2018-02-13 22:00 6 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى:

تېخنىكىنىڭ تەرەققىياتىغا ئەگىشىپ ئاپتوموبىل ئاچقۇچىنىڭمۇ ئىقتىدارلىرى بارغانسېرى كۆپەيمەكتە. لېكىن ئىشلىتىش ۋاقتى ئۇزارغانسېرى ئاپتوموبىل ئاچقۇچىدا تۇيۇقسىز توك قالماسلىق ئەھۋاللىرى كۆرۈلۈپ بىھۇدە ئاۋارىچىلىق پەيدا قىلىدۇ، تۆۋەندە بۇنداق مەسىلىلەرگە يولۇققاندا قانداق بىرتەرەپ قىلىش ئۇسۇللىرى بارلىقىنى كۆرۈپ باقايلى.

1.ئاپتوموبىل ئاچقۇچىنىڭ ئىشىلىتىش ئۆمرى قانچىلىك؟

ئاپتوموبىل ئاچقۇچى باتارېيەسىنىڭ ئىشىلىتىش ئۆمرى ئادەتتە 2-3 يىل بولۇپ، ئىشلىتىلىش قېتىم سانىغا بىۋاستە مۇناسىۋەتلىك، ئوخشىمىغان ئاپتوموبىل، ئوخشىمىغان ئاچقۇچلارنىڭمۇ ئۆزئارا پەرقى بار، شۇڭا ئېنىق ۋاقتىغا كېسىپ ئېيتىش بىر قەدەر قىيىن.

2.ئاپتوموبىل ئاچقۇچىنىڭ ئىقتىدارى

<1> ئاپتوموبىل دېرىزىسىنى كونتىرول قىلىش

ئاپتوموبىل ھەيدەش جەريانىدا دائىم ئوتنى ئۆچۈرگەندىن كېيىن دېرىزىلەرنىڭ ئېتىلمىگەنلىكىنى بايقايمىز، بۇنداق ئەھۋالدا ئاپتوموبىلنى قايتىدىن قوزغىتىش ھاجەتسىز بولۇپ، ئاچقۇچتىكى قۇلۇپلاش كۇنۇپكىسىنى بېسىپ تۇرساقلا بارلىق دېرىزىلەرنى ۋە تۈڭلۈكنى ئېتىۋېتىشكە بولىدۇ. بۇ ئىقتىدار ھازىر ھەشەمەتلىك ئاپتوموبىللاردىلا بولۇپلا قالماستىن، ئادەتتىكى ئاپتوموبىللاردىمۇ ناھايىتى ئومۇملاشقان، ئاپتوموبىلىڭىزدا بۇ ئىقتىدارنىڭ بار يوقلىنى سىناپ كۆرسىڭىز بولىدۇ.

<2> ئاپتوموبىلنى ئىزدەش ئىقتىدارى

نۇرغۇن ئاپتوموبىل ئاچقۇچلىرىدا قىزىل رەڭلىك كاناي بەلگىسى بولغان كۇنۇپكا بار،يەر ئاستى ئاپتوموبىل توختىشىش مەيدانىدا ئاپتوموبىلىنى تاپالمىغاندا بۇ كۇنۇپكىنى باسساقلا ئاپتوموبىل گۈدۈك بېرىدۇ ھەمدە قوش چاقماق لامپا يورۇيدۇ،بۇ ئىقتىدارنىڭ ئاپتوموبىلنى تېز سۈرئەتتە تېپىشقا ياردىمى بولۇپلا قالماستىن ئاپتوموبىلغا يېقىنلاشقان گۇمانلىق كىشىلەرگە ئاگاھلاندۇرۇش بېرىش ئىقتىدارىمۇ بار.

3.ئاپتوموبىل ئاچقۇچىدا توك قالمىغاندا قانداق بىر تەرەپ قىلىش كېرەك؟

ئاپتوموبىل ئاچقۇچىدا توك قالمىغاندا جىددىيلىشىشنىڭ ھاجىتى يوق، ئادەتتە ئاچقۇچنىڭ ئىچىدە زاپاس مېخانىكىلىق ئاچقۇچ بار، بىر قىسىم ئاچقۇچلاردا كۇنۇپكىنى بېسىش ئارقىلىقلا مېخانىكىلىق ئاچقۇچنى چىقىرىشقا بولىدۇ.

بەزى بىر قىسىم ئاچقۇچلاردا بولسا ئاچقۇچنىڭ ئارقا قېپىنى چىقىرىشقا توغرا كېلىدۇ.

ھازىر كۆپ قىسىم ئاپتوموبىللارنىڭ قۇلۇپ تۆشۈكى يوشۇرۇن ھالەتتە بولغانلىقى ئۈچۈن، مېخانىكىلىق ئاچقۇچنى چىقارغاندىن كېيىن ئاپتوموبىل ئىشىكىدىكى قۇلۇپ تۆشۈكىنى تېپىشقا توغرا كېلىدۇ، ئادەتتە ئاچقۇچ ئارقىلىق قوغداش قېپىنى قايرىپ ئاچقاندا ئاندىن قۇلۇپ تۆشۈكىنى بايقايمىز.

مېخانىكىلىق ئاچقۇچ ئارقىلىق ئاپتوموبىل ئىشىكىنى ئاچقاندا بىخەتەرلىك سېستىمىسى يۇقىرى ئاۋازدا گۈدۈك بېرىدۇ، بۇ ئاپتوموبىلنىڭ قۇلۇپ ئېچىش سىگىنالىنى تاپشۇرۋالمايلا ئىشىك ئېچىلغانلىقى سەۋەبىدىن بولۇپ، بۇنىڭغا قارىتا ھەرخىل تىپتىكى ئاپتوموبىللارنىڭ ئۆزىگە خاس قۇلۇپ ئېچىش ئۇسۇلىمۇ بار.


بەزى ئاپتوموبىللاردا ئاچقۇچنىڭ كەينى تەرىپىنى ئوت ئالدۇرۇش كۇنۇپكىسىغا قارىتىپ تۇرۇپ كۇنۇپكىنى باسقاندا گۈدۈك ئاۋازىنى توختىتىپ ئوت ئالدۇرۇشقا بولىدۇ، بۇنداق ئاچقۇچلارنىڭ ئىچىدە يوشۇرۇن ئىندۇكسىيە كاتۇشكىسى بولۇپ، ئاچقۇچنىڭ مۇناسىۋەتلىك ئۇچۇرلىرى ساقلانغان، بۇ ئىقتىدار ئاچقۇچتا توك قالمىغان ئەھۋالدىمۇ نورمال خىزمەت قىلىدۇ.

ئوخشىمىغان ئاپتوموبىللارنىڭ ئوخشىمىغان ئوت ئالدۇرۇش ۋە قۇلۇپنى ئېچىش ئۇسۇلى بولۇپ،تەپسىلاتى ئاپتوموبىل ئىگىسىگە بېرىلگەن قوللانمىدا بولىدۇ.


خۇلاسە

ئادەتتە ئاپتوموبىل ئاچقۇچىنىڭ توكى خوراپ تۈگەش ئالدىدا ھەرخىل ئالدىن بېشارەتلەر بولىدۇ، مەسىلەن كونتىروللاش ئارىلىقى قىسقىراش،بەزىدە كۇنۇپكىنى باسقاندا ئىنكاس بولماسلىق قاتارلىقلار. ئاچقۇچىنىڭ توكى قالماسلىق ۋە بىھۇدە ئاۋارىچىلىقلارنىڭ كېلىپ چىقىشىدىن ساقلىنىش ئۈچۈن ۋاقتىدا باتارېيەنى ئالماشتۇرۇش كېرەك، باتارىيە ئالماشتۇرۇش ئۇسۇلىمۇ ناھايىتى ئاددىي بولۇپ، تۈگمە باتارېيەنى ئادەتتىكى ماگزىنلاردىنمۇ سېتىۋالغىلى بولىدۇ، ئالماشتۇرغاندا پىلۇس-مىنۇس قۇتۇپىغا دىققەت قىلىش كېرەك ھەمدە ئەڭ ياخشىسى زاپاس ئاچقۇچ تەييارلاپ قويۇش كېرەك.

باش سۈرەت تاللاش x
  • .Demon.4 كۈن ئىلگىرى

    بىر كۇنۇپكىدا ئوت ئالدۇردىغان ماشنىلارنىڭ ئاچقۇچ توكى قالمىسىمۇ ئىندۇكسىيە ئارقىلىق ئېچۋىتىدۇ دەپتىغۇ ، مەزمۇننى ياخشى ئوقۇڭ

  • 1522094 كۈن ئىلگىرى

    مۇشۇنداق ياخشى بىلىملەر بولسا داۋاملىق يوللاپ تۇرۇڭ ، رەھمەت.

  • ئلتەبىر5 كۈن ئىلگىرى

    رەخمەت تەھرىرلە خلى كۇپ نەرسىلەرنى ئۇقۋالدىم

  • باتۇر5 كۈن ئىلگىرى

    كونۇپكا بېسىىپ 一键启动 ئوت ئالدۇردىغان ماشىننى قانداق قىلىمىز؟ئاچقۇچ بىلەن ئىشىكنى ئاچالايمىز .لىكىن تىزگىنەك ئىشلىمىسە ياكى توكى بولمىسا ماشىنىنى ئوت ئالدۇرغىلى بولمايدۇ شۇنداققۇ؟ياكى باشقا ئامالى بارمۇ؟

  • مۇقام يۇرتى5 كۈن ئىلگىرى

    ھەقىقەتەن ياخشى بىر مەزمۇنكەن ، ئوقۇپ شۇنداق خۇرسەن بولدۇم ،رەھمەت سىلەرگە .

  • 189******665 كۈن ئىلگىرى

    مەن باتارېيىنى ئالماشتۇرساممۇ ياخشى ئىشلىمەيدىغان بۇلۇپ قالدى

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号