باش بەت

نۇسرەتگۈل

9473يوللانما
156مەستانە

ھىندىستانلىق ئەر تويلۇق بېرەلمىگەن ئايالىنىڭ بۆرىكىنى ئوغرىلىقچە سېتىۋەتتى

مەنبە:ۋاڭيى تورى يوللانغان ۋاقىت:2018-02-09 17:30 18 ئىنكاس چۈشتى

ۋاڭيى تورى 9-فېۋرال خەۋىرى، نۇر تورى تەرجىمىسى:

ھىندىستانلىق بىر ئايال تويلۇق بېرەلمىگەنلىكى ئۈچۈن يولدىشى ئۇنىڭ بىر بۆرىكىنى ئوغرىلىقچە سېتىۋەتتى، ئاخىرىدا بۇ ئايالنىڭ يولدىشى ۋە ئۇنىڭ ئىنىسى قولغا ئېلىندى. «ھىندىستان ۋاقىت گېزىتى»نىڭ 6-فېۋرالدىكى خەۋىرىگە ئاساسلانغاندا، رىتا ساركار بۇ يىل 28 ياشقا كىرگەن بولۇپ، غەربىي بېنگال ئىشتاتىدا تۇرىدۇ، يولدىشى بىسۋاجىت سەركار بىلەن توي قىلغىنىغا 12 يىل بولدى. رىتا ئۇزۇن يىللاردىن بۇيان ئەر تەرەپ تەلەپ قىلغان 200 مىڭ ھىندىستان رۇپىيەسى (خەلق پۇلىدا تەخمىنەن 20 مىڭ يۈەن) تويلۇقنى بېرەلمىگەنلىكى ئۈچۈن ئائىلە زوراۋانلىقىغا ئۇچراپ كەلدى.

تەخمىنەن ئىككى يىل ئىلگىرى رىتانىڭ قورسىقى ئاغرىپ كېتىپ داۋالاندى، بىسۋاجىت ۋە ئۇنىڭ ئىنىسى سىيامار مۇشۇ پۇسەتتىن پايدىلىنىپ رىتانىڭ بىر بۆرىكىنى سېتىۋەتتى. رىتا: «شۇ ۋاقىتتا جىددىي خاراكتېرلىك قورساق ئاغرىقى بولۇپ قاپتىمەن. يولدىشىم مېنى غەربىي بېنگال ئىشتاتىنىڭ مەركىزى كالكۇتتادىكى بىر خۇسۇسىي دوختۇرخانىغا ئېلىپ باردى. ئارقىدىن، ئۇمۇ، دوختۇرلارمۇ ياللۇغلىنىپ قالغان سازاڭسىمان ئۆسۈكچىنى ئوپېراتسىيە ئارقىلىق ئېلىۋېتىش كېرەكلىكىنى ئېيتتى» دېدى.

ئوپېراتسىيەدىن كېيىن رىتانىڭ قورساق ئاغرىقى پەسەيمەي ئەكسىچە تېخىمۇ كۈچىيىپ كەتتى. ئۇ: «يولدىشىم مېنى ئاگاھلاندۇرۇپ ئوپېراتسىيە قىلدۇرغان ئىشنى ھېچكىمگە ئېيتماسلىقنى تاپىلىدى، دوختۇرخانىغا ئېلىپ بېرىشنى بىر نەچچە قېتىم تەلەپ قىلغان بولساممۇ كارى بولمىدى» دېدى. 2017-يىلىنىڭ ئاخىرىدا رىتانىڭ ئائىلىسىدىكىلەر ئۇنى دوختۇرخانىغا ئېلىپ بېرىپ تەكشۈرتۈپ ئوڭ بۆرىكى «غايىب» بولۇپ كەتكەنلىكىنى بايقىدى. يەنە بىر دوختۇرخانىغا بارسا ئۇلارمۇ ئوخشاش دىياگنوز قويدى. «مەن شۇ ۋاقىتتىلا يولدىشىمنىڭ ئوپېراتسىيەنى مەخپىي تۇتۇشنى تەلەپ قىلىشىنىڭ سەۋەبىنى چۈشەندىم. ئائىلەمدىكىلەر ئۇلار تەلەپ قىلغان تويلۇقنى بېرەلمىگەچكە بۆرىكىمنى <قەرزگە ھېسابلابتۇ>» دېدى. 

ئارقىدىن، رىتا ساقچىغا مەلۇم قىلىپ بىسۋاجىت ۋە ئۇنىڭ ئىنىسى سىيامارنى ئەرز قىلدى، دېلونى قېيىنئانىسى بىلەن مۇناسىۋەتلىك دەپ قارىدى. بىسۋاجىت بىلەن ئىنىسى سىيامار 5-فېۋرال رەسمىي قولغا ئېلىنىپ ئادەم ئەزالىرى سودىسى قىلىش، قەستەن قاتىللىق قىلىش غەرىزىدە بولۇش، توي قىلىپ بولغان ئايالنى يامان نىيەتتە قاماپ قويۇش قاتارلىق جىنايەتلەر بىلەن ئەيىبلەندى. بىراق، رىتانىڭ قېيىنئانىسى يەنىلا قېچىپ يۈرۈۋاتىدۇ.

ئىسمىنى ئاشكارىلاشنى خالىمىغان بىر ساقچى ئەمەلدارى بىسۋاجىت ئاكا-ئىنىنىڭ رىتانىڭ بۆرىكىنى چەتتىسگارخ ئىشتاتىدىكى بىر سودىگەرگە سېتىپ بەرگەنلىكىنى ئىقرار قىلغانلىقىنى بىلدۈردى. ساقچىلار بۇ دېلونىڭ بۆرەك ئەتكەسچىلىك شايكىسى بىلەن چېتىشلىق بولۇشى مۇمكىنلىكىدىن گۇمانلانماقتا. «ساقچىلار رىتا ئوپېراتسىيە قىلىنغان دوختۇرخانىنى ئاختۇرۇپ ئالاھىدە تەكشۈرۈش گۇرۇپپىسى تەشكىللىدى.» ھىندىستانلىقلارنىڭ ئەنئەنىسى بويىچە يېڭى كېلىنچەك ئەر تەرەپكە ئۈنچە-مەرۋايىت قاتارلىقلارنى تويلۇق قىلىپ بېرىشى كېرەك. ناۋادا ئۇلارنىڭ تەلىپىنى قاندۇرالمىسا «كۆچۈرۈپ كېلىنگەندىن» كېيىن دائىملا ئائىلە زوراۋانلىقىغا ئۇچرايدۇ. ھىندىستاندا 1961-يىلى بۇيرۇق چىقىرىلىپ ئەرلەرنىڭ ئاياللاردىن تويلۇق تەلەپ قىلىشىنى چەكلىگەن ھەم ئۇنداق قىلمىسا جىنايەت ئۆتكۈزگەن دەپ قارىلىدىغانلىقىنى بىلدۈرگەن. بىراق، ھىندىستاندا تويلۇق سەۋەبىدىن يۈز بېرىدىغان ئائىلە زوراۋانلىقلىرىنىڭ ئايىغى تاز ھازىرغىچە ئۈزۈلمەيۋاتىدۇ.

باش سۈرەت تاللاش x
  • ABDULLa·M1 ھەپتە ئىلگىرى

    گەپ قىلغۇمۇ كەلمەيۋاتىدۇ ، گەپمۇ ئەرزىمەيدىغاندەكلا، …ئاجايىپ ئىنسان قېلىپىدىن چىققان كىشىلەر باكەن، بۇ ھىندىستاندا…

  • مەجنۇن1 ھەپتە ئىلگىرى

    قىپ قىزىل ساراڭغۇ بۇ توۋا

  • دىلبەر1 ھەپتە ئىلگىرى

    ھۇرمەتلىك ھىندستانلىق ئەپەندىلەر ئايال كىشىنىڭ چاپىنىدا تەرلىمەي نۇچى بۇلساڭلار بىزنىڭ دۇلىتىمزدەك ئاياللارنىڭ ئىزەت ھۇرمىتىنى قىلىپ ئۇزەڭلارنىڭ ئىناۋىتىنى يۇقىرى كۇتۇرۇڭلار

  • muzgul1 ھەپتە ئىلگىرى

    ھەيران قالىمەن مۇشۇ ھىندىستانلىقلارغا،ھەممە ناچار ئىشلار مۇشۇلاردىن چىقامدۇ نىمە؟بىر كۈنلۈك ئەر-ئايالنىڭ يۈزكۈنلۈك مىھرى بار دىگەن گەپ بار،12يىل ئۆي تۇتقان ئايالىغىمۇ رەھىم قىلماپتۇ،نىمە دەي بۇ ئىشقا

  • sarang bora1 ھەپتە ئىلگىرى

    ھىندىستاندا ئەر خوتۇن ئالمايدىكەن بەلكى ئايالغاتىگىدىكەن ،قىزمېلىنى كۆپ بەرسە خوتۇن نۇچى مۇشۇنداق بىرەلمىسە بىر ئەرمەككە ئايلىنىدىغان ئوخشايدۇ

  • كاۋان1 ھەپتە ئىلگىرى

    ئادەم ئەمەس ھايۋان ئايالى تۇرسا

  • ھەيران قالما1 ھەپتە ئىلگىرى

    نىم دەي ئەھ بولدىلا ۋاي

  • 阿凡提1 ھەپتە ئىلگىرى

    ھەي مۇشۇ ھىندىستاننىڭ بەزى ئىشلىرىغا نىمە دىگۈلۈك

  • شاھرۇخ1 ھەپتە ئىلگىرى

    توۋا دەيمەن، بىر قىزنى ئەمرىگە ئىلىپ خىزمىتىگە سالغاندىن سىرىت، يەنە تويلۇق تەلەپ قىلىدىغان قاندا ناچار قائىدە بۇ، ئۆمۇرلۇك خىزمىتىنى قىلىدىغان ئايالىغىمۇ رەھىم قىلماپتۇ،

  • ھايات -تور1 ھەپتە ئىلگىرى

    ھەي … ھايۋاندىنمۇ ئۈتە بىر نىمىكەنغۇ …

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号