باش بەت

زىيارەت

2611يوللانما
30مەستانە

غايەت زور بايلىققا ۋارىسلىق قىلىشقا قىزىقماي، توپ تېپىشنى تاللىغان ياش

مەنبە:بۈگۈنكى مۇھىم خەۋەر يوللانغان ۋاقىت:2018-02-13 10:01 17 ئىنكاس چۈشتى

باشبەت تورى خەۋىرى، نۇر تورى تەرجىمىسى:

ئەگەر سىز ياخشى ئۆگەنمەي، تىرىشىپ خىزمەت قىلمىسىڭىز ئۇنداقتا سىزنى نېمە ئىش كۈتۈپ تۇرار؟ لېكىن بۇ 19 ياشلىق ياش ناۋادا تىرىشچانلىقى بىلەن توپ تېپىشنى داۋاملاشتۇرمىسا، ئۇنداقتا ئۇ ئائىلىسىگە قايتىپ غايەت زور بايلىققا ۋارىسلىق قىلغان بولاتتى.

فائىچ بورجىيا ئېنگلاند ئالىي بىرلەشمىسىدىكى لېيچېستېر شەھىرى كوماندىسىدا توپ تېپىدىغان بولۇپ، دۇنيادىكى ئەڭ پۇلدار توپچى ھېساپلىنىدۇ، كىچىككىنە تۇرۇپلا 20 مىليارد ئامېرىكا دوللىرى مۈلۈككە ئىگە بولۇپ، پەقەت پۇلى بولۇپلا قالماي بەلكى سالاھىيىتىمۇ ھۆرمەتلەشكە ئەرزىيدۇ، ئۇ برۇنېي خان جەمەتى ئەزاسى بولۇپ، دادىسى برۇنېي شاھزادىسى، تاغىسى بولسا برۇنېي پادىشاھى.

برۇنېينىڭ ئاساسلىقى نېفىت، تەبىئىي گاز ۋە ساياھەتچىلىك كەسپى تەرەققىي قىلغان بولۇپ، دۇنيادا ئەڭ باي دۆلەتلەرنىڭ بىرى، برۇنېي پادىشاھلىقىدىكى پۇقرالارنىڭ كىشى بېشىغا توغرا كېلىدىغان كىرىمىمۇ ناھايىتى يۇقىرى بولۇپ، دۇنيادىكى سانى كۆپ بولمىغان پادىشاھلىق تۈزۈمىدىكى دۆلەتلەرنىڭ بىرى، بارلىق نىفىت بايلىقى خان جەمەتى كونتروللۇقىدىكى ئىقتىسادىي گۇرۇھ تەرىپىدىن مونوپول قىلىۋېلىنغان، شۇ سەۋەبلىك برۇنېي دۇنيادىكى ئەڭ باي خان جەمەتىنىڭ بىرى ھېسابلىنىدۇ.

فائىچنىڭ تاغىسى برۇنېي پادىشاھى ھاجى ھەسەنەل بورجىيا ئىلگىرى 35 مىليارد دوللارلىق مۈلكى بىلەن ئامېرىكا «بايلىق» ژۇرنىلى تەرىپىدىن دۇنيادىكى بىرىنچى باي دەپ باھالانغان، كېيىن بىل گايتىس ئۇنىڭدىن ئېشىپ كەتكەن.

پادىشاھلىقنىڭ خان ئوردىسىنىڭ كۆلىمى ئەنگلىيە ئايال پادىشاھى ئولتۇراقلاشقان بۇككىنخام ئوردىسىنىڭ تۆت ھەسسىسىگە باراۋەر كېلىدىكەن. خان ئوردىسىدا سۇ ئۈزۈش كۆلچىكى تەسىس قىلىنغان ، تېنس توپ مەيدانى، بەيگە مەيدانى، تىك ئۇچار ئايروپىلان مەيدانى ۋە يەر كۆلىمى 300 ئىنگلىز موسى كېلىدىغان باغچىمۇ بار.

برۇنېي پادىشاھى ھاجى ھەسەنەل بورجىيا ماشىنىغا ئىنتايىن ئامراق بولۇپ، ئۇ ماشىنا ئىسكىلاتىدا 7000 دانە ھەشەمەتلىك ماشىنا ساقلىغان، دۇنيادىكى ئەڭ كۆپ روللىس-رويىس ماشىنىسى بار كىشى ھېسابلىنىدۇ، بۇنىڭ ئىچىدە 604 دانە روللىس-رويىس، 574 دانە مىرسېدېس-بېنىز، 452 دانە فارارى، 382 دانە بېنتىلىي، 209 دانە BMW ۋە 179 دانە جاگۇئار، 134 دانە كوئېنسىگ، 21 دانە لەمبورگىنى، 11 دانە ئاستون مارتىن ۋە بىر دانە SSC قاتارلىقلار بار. ئۇنىڭ يەنە 200 دانە روللىس-رويىس ماركىلىق ماشىنىلاردىن تەركىپ تاپقان بىر ماشىنا ئەترىتى بار ئىكەن.

ئاڭلاشلارغا قارىغاندا برۇنېي پادىشاھلىقىدىكى ياشلارنىڭ ئەڭ چوڭ ئارزۇسى، پادىشاھنىڭ ماشىنا ئىسكىلاتىغا بېرىپ خىزمەت قىلىش پۇرسىتىگە ئېرىشىش ئىكەن، چۈنكى پادىشاھنىڭ ماشىنا ئىسكىلاتىدا خىزمەت قىلىش دېگەنلىك، ھەر كۈنى ئەتىگەندە ئورنىدىن تۇرۇپ، ماشىنا ئىسكىلاتىغا بېرىپ، ئۆزى خالىغان ھەشەمەتلىك ماشىنىدىن بىرنى ھەيدەپ سىرتقا چىقىپ بىر ئايلاندۇرىدىكەن، ئۇزۇن مۇددەت ئوت ئالدۇرماسلىق سەۋەبىدىن ماتورى بۇزۇلۇپ قېلىشنىڭ ئالدىنى ئېلىشنى مەقسەت قىلىدىكەن، ئۇ ماشىنىنى ھەيدەپ بولغاندىن كېيىن، يەنە بىر ماشىنىنى ھەيدەيدىكەن، ئۇلارنىڭ خىزمىتى شۇ ئىكەن. ئۇندىن باشقا، ئۇنىڭ يەنە بىر دانە چوڭ تىپتىكى ھەشەمەتلىك سەيلە كېمىسى بار بولۇپ، بوئىن 727 تىپلىق يولۇچىلار ئايرۇپىلانىدىن بىرى ۋە 20 نەچچە خۇسۇسىي ئايروپىلانى بار ئىكەن. ئۇنىڭ مەخسۇس ئايروپىلانى «ئالتۇن» دەپ تەرىپلىنىدىغان بولۇپ، ئۇنىڭ بىخەتەرلىك تاسمىسىنىڭ ئېغىزىدىن تارتىپ تاكى تازىلىق ئۆيى ئىچىدىكى تەرەت قاچىسى، جۈمەكلەرنىڭ ھەممىسىگە بىر قەۋەت ئالتۇن ھەل بېرىلگەن ئىكەن.

فائىچ بورجىيانىڭ دادىسى جېفرى برۇنېي شاھزادىسى بولۇپ، مالىيە مىنىستىرلىكىنىڭ مىنىستىرى بولۇپ، برۇنېينىڭ مەبلەغ سېلىش ئاپپاراتىنى باشقۇرىدىكەن، ئۇنىڭ مال-مۈلكىنىڭ قىممىتى 20 مىليارد ئامېرىكا دوللىرىغا يېتىدىكەن.

بۇ ئوردا جېفرى شاھزادىنىڭ شەخسىي كۆڭۈل ئېچىش سورۇنى بولۇپ، پۈتۈش باھاسى قىممەت بولغان مەرمەر تاش تۈۋرۈك بىلەن يەر يۈزىگە يەنە ئالتۇن يالىتىش ئۇسۇلى قوللىنىلغان.

ھەشەمەتلىك ماشىنىلارغا ئامراق بولۇش برۇنېي خان جەمەتى ئەزالىرىنىڭ ئورتاق قىزىقىشى بولۇپ، جېفرىنىڭ ماشىنىسى ئاكىسىنىڭكىدەك كۆپ بولمىسىمۇ 2300 دانە ھەشەمەتلىك ئاپتوموبىلى بار ئىكەن.  

ئۇنىڭدىن باشقا جېفرى شاھزادە ئۆزىنىڭ 50 ياشقا كىرگەن تۇغۇلغان كۈنىدە مايكول جېكسوننى تەكلىپ قىلىپ شەخسى مۇزىكا كېچىلىكى ئۆتكۈزگەن.

فائىچ برۇنېي پادىشاھلىقىنىڭ پۇقراسى بولسىمۇ، لېكىن ئۆزى ئامېرىكىدا تۇغۇلغان.

ئۇ كىچىكىدىن باشلاپلا پۇتبولغا ئوتتەك ئىشتىياق باغلىغان بولۇپ، ھەمدە كەسپىي پۇتبول مەشىقى قوبۇل قىلغان.

11 ياش ۋاقتىدا جەنۇبىي ئامپتون ئۆسمۈرلەر كوماندىسىغا قوبۇل قىلىنغان، ئارسېنال قاتارلىق كوماندىلاردا مەشىقلەنگەن، كېيىنچە چېلسى كۇلۇبىنىڭ پۇتبول «رازۋىتچىكى» تەرىپىدىن بايقىلىپ، «قېزىپ» كېتىلگەن، چېلسى كۇلۇبىدىكى ئۈچ يىل ۋاقىت ئىچىدە فائىچ ئاستا-ئاستا ياشلار كوماندىسىنىڭ ئاساسلىق يان ھۇجۇمچىسىغا ئايلانغان.

سەككىز يىل ئۆتكەندىن كېيىن، فائىچ ئاخىرى لېيچېستېر شەھىرى كۇلۇبى بىلەن توختام ئىمزالاشنى تاللىدى، تورداشلار بۇ ھەقتە بەس-بەستە پىكىر قىلىشتى:

«لېيچېستېر شەھىرى كۇلۇبى بۇندىن كېيىن غەم قىلمىسىمۇ بولىدۇ، ناۋادا نەتىجىسى كۆڭۈلدىكىدەك بولماي قالسا، بۇ ياش يان ھۇجۇمچى كۇلۇبنى سېتىۋالسىمۇ بولىدىغان ئىش، ئۇنىڭ ئائىلىسىنىڭ ئىقتىسادى ئەھۋالى بىر پۇتبول كوماندىسى تەشكىللەشكە يېتىپ ئاشىدۇ.»


باش سۈرەت تاللاش x
  • تەمسىل2 ئاي ئىلگىرى

    ئۆز ئالدىغا مۇستەقىل نام قازىنىش خىيالى بۇلسا كىرەك لېكىن پۇلىسى بەك كۆپكەن

  • ئىدىقۇت ئوغلى بىز3 ئاي ئىلگىرى

    يىگىرمە مىليارد دېگەن گەپ ئېغىزىمغا بىرلا كەلدىغۇ، نېمانداق جىق پۇل ئۇ؟

  • ئارسېنال3 ئاي ئىلگىرى

    پىرلومو ئىتالىيە پولات تومور ماگناتىنىڭ بالسى ئىدى،توپ تەپمىسمو يەنلا باي باياشات ئوتەتتى لىكىن ئو توپ تىپىشنى تاللىدى

  • يۇرۇڭقاش «0903»3 ئاي ئىلگىرى

    نىمە دىيىشىمنى بىلمىدىم .ئۆزئىستىكى بۇيىچە ماڭغانلار نىڭ يۇلى ئۇچۇق بولسۇن!!!!

  • kaktus3 ئاي ئىلگىرى

    قەدىرلىسە بولغىدەك لىيچىستىر بۇ بالىنى

  • Real Madrid cf3 ئاي ئىلگىرى

    ۋەششىكەن بۇ پۇتبول مەشىقى دىگەن ھەربى مەشىقتىن قاسىلا ئەڭ جاپاسى مۇشۇ،

  • پۇتپۇل3 ئاي ئىلگىرى

    ۋاي ئېنېم تېرېشچانلېقېڭغا كۇز تەگمېسۇن داۋاملېق تېرشېپ داڭلېق چۇلپان بۇلۇشۇڭغا تېلەك تاشمەن نېمېدېگەن جېق پۇل ئۇ

  • نۇرلۇق (بارسېلونا )3 ئاي ئىلگىرى

    راستلا بەك بايكەنغۇ

  • باھوبالى33 ئاي ئىلگىرى

    تەنتەربىيەنىڭ سىھرى كۇچى پۇل باشقا بايلىق دىگەن نەرسىلەردىن نەچچە ھەسسە ئۇستۇن تەنتەربىيەنى چۇشەنگەن ئادەمگە

  • ئا س مىلان مەستانىسى كاكا مەڭگۈ ئەڭ قالتىس،3 ئاي ئىلگىرى

    20 مىليارد پۇلىڭغا دۇنيادىكى ئەڭ قىممەتلىك كۇلۇپ مانچېستىر بىرلەشمىسىنى 2 مىليارد ئامرېكا دوللىرىغا سېتىۋالساڭ ھېچنىمە ئەمەس،

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号