باش بەت

ئەنۋەر ئەزىز

119يوللانما
11مەستانە

«دەرىجىدىن تاشقىرى چەتئەللىك ئەزا»بىلاتچنى سېغىندۇق

مەنبە:تور دۇنياسى يوللانغان ۋاقىت:2018-02-13 12:46 47 ئىنكاس چۈشتى

ئۈرۈمچى كەچلىك گېزىتى مۇخبىرى ئەنۋەر ئەزىز خەۋەر قىلىدۇ: شىنجاڭ «قەشقەر قەدىمىي شەھەر» كوماندىسى 2017 - 2018- يىللىق جۇڭگو ئەرلەر كەسپىي ۋاسكېتبول بىرلەشمە مۇسابىقىسىنىڭ دائىملىق مۇسابىقىسىدە 6-لىكنى قولغا كەلتۈرۈپ، پەسىل ئاخىرىدىكى مۇسابىقىنىڭ تۇنجى ئايلانما مۇسابىقىسىنى ئوينىمايلا سەككىز كۈچلۈك كوماندا قاتارىغا كىرىش ئارزۇسىنى ئەمەلگە ئاشۇردى. ئەمما ئۇلار چېمپىيونلۇقنى ساقلاپ قالىمىز دەيدىكەن، چوقۇم چەت ئەللىك ماھىرى لىمانىڭ ئورنىغا بىلاتچنى قايتۇرۇپ كېلىشى ياكى شۇنىڭغا ئوخشاش ھۇجۇم ۋە مۇداپىئەدە كارامىتى بار چەت ئەللىك ماھىرنى ئالماشتۇرۇپ كېلىشى كېرەك.

بىرازىلىيەلىك ماھىر لىما شىنجاڭ «قەشقەر قەدىمىي شەھەر» كوماندىسىغا كەلگەندىن كېيىن، 15 مەيدان دائىملىق مۇسابىقە ئوينىدى. بۇ جەرياندا ئۇنىڭ گاردىن قايتقان توپنى ئېلىش جەھەتتىكى ئىپادىسى يامان ئەمەس بولسىمۇ، ئەمما نومۇر ئېلىشتا ياكى ھۇجۇم جەھەتتە بىلاتچ بىلەن سېلىشتۇرغىلى بولمايدۇ. ئۇ شىنجاڭ كوماندىسىدا ئوينىغان مۇسابىقىلىرىدە ئوتتۇرا ھېساب بىلەن ھەر مەيداندا 14 نومۇرغا ئېرىشىپ، 11.3 گاردىن قايتقان توپنى ئالالىغان. ئۇنىڭ ھۇجۇم جەھەتتىكى ماھارىتى بەك ئاددىي ھەم قوپال، يىراقتىن توپ ئېتىپ ئۈچ نومۇر ئېلىشىنى يوق دېسەكمۇ بولىدۇ. ئۇنىڭ ئۈستىگە ئاجىز كوماندىلار بىلەن مۇسابىقىلەشكەندە كۆرەڭلەپ كېتىدىغان بۇ يىگىتنىڭ كۈچلۈك كوماندىلار بىلەن مۇسابىقىلەشكەندە يەنە «شۈمشىيىپ» قالىدىغان مىجەزى بولغاچقا، پەسىل ئاخىرىدىكى بۇ كەسكىن مۇسابىقىلەردە ئۇنىڭدىن ئۈمىد كۈتكىلى بولمايدۇ.

بۇ نۇقتىنى ئاللىبۇرۇن تونۇپ يەتكەن شىنجاڭ «قەشقەر قەدىمىي شەھەر» كوماندىسىنىڭ باش مەشقاۋۇلى لى چيۇۋپىڭ 11- فېۋرال ئۆتكۈزۈلگەن دائىملىق مۇسابىقىنىڭ ئەڭ ئاخىرقى ئايلانما مۇسابىقىسى ئاياغلاشقاندا، مۇخبىرلارغا: «بۈگۈن لىمانىڭ شىنجاڭ كوماندىسى ئۈچۈن ئوينىغان ئەڭ ئاخىرقى بىر مەيدان مۇسابىقىسى» دەپ، پەسىل ئاخىرىدىكى مۇسابىقىدە لىمانىڭ ئورنىغا باشقا چەت ئەللىك ماھىرلارنى سەپلەيدىغانلىقىنى ئېنىق بىلدۈردى. گەرچە ئۇ كىمنى سەپلەش توغرىسىدا تەپسىلىي ئۇچۇر بەرمىگەن بولسىمۇ، تەھلىلچىلەر ۋە تاماشىبىنلارنىڭ خىيالىغا تۇنجى بولۇپ كەلگىنى يەنىلا شىنجاڭ كوماندىسىنىڭ ئۆتكەن مۇسابىقە پەسلىدە چېمپىيون بولۇشىغا زور كۈچ قوشقان چەت ئەللىك ماھىرى بىلاتچې بولدى.

بىلاتچ بۇ مۇسابىقە پەسلىدە داۋالىنىش ياكى سەمرىپ كېتىش سەۋەبلىك مۇسابىقە مەيدانىغا كۆپ چىقالمىغان بولسىمۇ، ئەمما شىنجاڭ كوماندىسى بىلەن بىلاتچنىڭ توختامى تېخىچە بۇزۇلغىنى يوق. شىنجاڭ كوماندىسىنىڭ مۇسابىقىلىرىدە ئۇ داۋاملىق ئېكرانغا چىقىپ تۇردى. يېقىندىن بۇيان مەستانىلار ئارىسىدا بىلاتچنىڭ ئورۇقلاش ھەمدە تېخنىكىسىنى ئەسلىگە كەلتۈرۈش ئۈچۈن كېچىلەپ جاپالىق مەشىق قىلىۋاتقان كۆرۈنۈشلىرى تارقىلىپ، ئۇنىڭ شىنجاڭ كوماندىسىغا قايتىپ توپ ئويناش ئىرادىسىنىڭ تېخىچە سۇسلاشمىغانلىقىنى نامايان قىلدى.

خەۋەرلەرگە قارىغاندا، يېقىندا ئۇ فېلىپپىن (بىلاتچ 1986- يىلى نيۇيوركتا تۇغۇلغان، ئۇنىڭ تەلىپى بويىچە 2014- يىلى فىلىپپىن دۆلىتى ئۇنى قوبۇل قىلىپ، فېلىپپىن دۆلەت كوماندىسىنىڭ ئەزاسى سۈپىتىدە دۇنيا لوڭقىسى ۋە ئاسىيا ۋاسكېتبول لەۋھە تالىشىش مۇسابىقىسى قاتارلىق چوڭ مۇسابىقىلەرگە قاتناشتۇرغان) گە قايتقان، كېلەر ھەپتىدىن باشلاپ فېلىپپىن ئەرلەر ۋاسكېتبول كوماندىسىدا مەشىق قىلىپ، دۇنيا لوڭقىسى ئەرلەر ۋاسكېتبول مۇسابىقىسىنىڭ تاللاش باسقۇچىدىكى مۇسابىقىسىگە قاتنىشىدىكەن. بىلاتچې شىنجاڭ «قەشقەر قەدىمىي شەھەر» كوماندىسى بىلەن بىرلىكتە پەسىل ئاخىرىدىكى مۇسابىقىگە چۈشۈپ، چېمپىيونلۇقنى ساقلاپ قېلىش ئۈچۈن داۋاملىق كۈرەش قىلالامدۇ-يوق؟ بۇنىڭغا ھازىرچە بىر نېمە دېگىلى بولمايدۇ. بىز يەنىلا ئۇنىڭ فېلىپپىن كوماندىسى بىلەن بىللە دۇنيا لوڭقىسىنىڭ تاللاش مۇسابىقىسىدە ئاۋسترالىيە ۋە ياپونىيە كوماندىسى بىلەن مۇسابىقىلەشكەندىكى ئىپادىسىگە ئاساسەن بىر نېمە دېيىشەيلى.

باش سۈرەت تاللاش x
  • چەكلك ھايات5 كۈن ئىلگىرى

    رەخمەت سىزگە ،ئەنۋەر ئىزىز ئەپندى ،بۇ بىز مەسىتانلەرگە بىر خۇشاللىنارلىق خەۋەركەن بوسا بىر xjtv5 ئۇلاپ نمدەگەن ياخشى ،قاچنمۇ كىلە 3 ئاينڭ 14 كۇنى شىنجاڭ كوماندىسغا ئامەت تىلەيمەن ،

  • Tohti Tunyaz5 كۈن ئىلگىرى

    ئاۋارە قىلدىم ئەنۋەر ئەزىز ئەپەندى قىممەتلىك ۋاقتىڭىزنى چىقىرىپ بىزگە چۇشەنچە بەرگىنىڭىزگە رەخمەت

  • لىيۋنىڭ كوماندىسى مەستانىسى5 كۈن ئىلگىرى

    بىزنىڭ قاغىلىقتا Xjtw -10تولۇق چىقىدۇ !

  • ئەنۋەر ئەزىز5 كۈن ئىلگىرى

    Tohti Tunyaz شىنجاڭ تېلېۋىزىيەسى 5-قانىلى تەنتەربىيە پىروگىرامما گۇرۇپپىسىدىكىلەرنىڭ دېيىشىچە، ئۇلار شىنجاڭ كوماندىسىنىڭ پەسىل ئاخىرىدىكى مۇسابىقىسىنى بېرىش ئۈچۈن تەييارلىق قىلىۋېتىپتۇ، تاساددىبى ئەھۋال كۆرۈلمىسە سىز ئارمانىڭىزغا يېتەلەيسىز.

  • Tohti Tunyaz5 كۈن ئىلگىرى

    ئەنۋەر ئەزىز ئەپەندىم ياخشىمۇ سىز؟ مۇمكىن بولسا بىزگە پەسىلدىن كىيىن ئوتكۇزىلىدىغان مۇسابىقە xjtv5 تە كورسىتىلەمدۇ ياكى كوسىتىلمەمدۇ مۇشۇ ھەقتە بىزدەك مەستانىلەرنى خەۋەردار قىلغان بولسىڭىز بىز cctv5 تە كۇرسەتسە كوردۇق بولمىسا مۇشۇ نۇر تورىنىڭ خەۋىرىگە قاراپ ئولتادۇق ئەگەر xjtv5 تە كورسەتمىسە ماۋۇ يەرلىك تىلىۋىزىيە ئىستانسسىلىرى xjtv10 نى ئۇلاپ تارقاتقان بولسا بىزدەك يېزىلاردىكى نەچچە يۇز مىڭ ۋاسكىتبول مەستانىلەرنى ئالامەت خوش قىلماسمىدى

  • تۇرسۇنجان 7775 كۈن ئىلگىرى

    خاتىرجەم بولۇڭلار تورداشلار پەسىلدىن كىيىنكى مۇسابىقىگە بىراچ چىقدىكەن، ئۇنىڭ ئۈستىگە ئاسىيا ۋاسكىتبولچىلار بىرلەشمىسى بىراچ ھازىر ئەڭ ياخشى ھالىتدە فىللپىن دۆلەت كوماندىسىنى يېتەكلەپ ئاۋىستىرالىيە ياپونىيە دۆلەت كوماندىللىرىغا تاقابىل تۇرالايدۇ دەپ ئېلان قىلدى، ئۇندىن باشقا يەنە شىنجاڭ كوماندىسىنىڭ باش دىرىكتۇرې جاڭ ئەي جۈنمۇ تاراتقۇلارنىڭ زىيارىتىنى قۇبۇل قىلغاندا پەسىلدىن كىيىنكى مۇسابىقىگە بىراچ چىقىدۇ ئۇ بىزنىڭ چىمپىيۇن بۇلشمىزدىكى مۇھىم ھالقا دەپ جاۋاپ بېرپتۇ، ۋاڭيى تەنتەربىيە تورىغا كىرىپ ئۈستىدىكى cba دىگەن كۆزنەكنى چەكسەڭلار بارلىق تەپسىلاتلاردىن خەۋەردار بولالايسىلەر

  • ۋاسكېتبولچى5 كۈن ئىلگىرى

    ئەڭ ياخشىسى بىراچچىنىڭ دۆلەت كاماندىسىدىكى نەتىجىسىگە قارايدۇ كىچىك جۈگىلاڭ مىنەڭچە

  • ئەنۋەر ئەزىز5 كۈن ئىلگىرى

    پەسىل ئاخىرىدىكى مۇسابىقە 3-مارت باشلىنىدۇ(بۇنىڭدا 7-لىكتىن 10-لىككىچە ئېرىشكەن كوماندىلار قوشۇمچە مۇسابىقە ئوينايدۇ)، بىراق شىنجاڭ كوماندىسىنىڭ پەسىل ئاخىرىدىكى مۇسابىقىسى 13-مارت باشلىنىدۇ،يېرىم ھەل قىلغۇچ مۇسابىقە 15-ئاپرېل باشلىنىدۇ.

  • باغۋەن 16 كۈن ئىلگىرى

    تۇرغۇنجان
    ھەرقانداق ئادەم شەخسىيەتچى كېلىدۇ،شەخسىيەتچى بولسا ئۆزىنى كۆرسىتەلەيدۇ،ئۆزىنى كۆرسەتتى دىگەنلىك ئۇنىڭ ئۈنۈم ئىش ھەققى ئۆستى دىگەنلىك،دىمەك يانچۇقىغا پۇل جىق جىق كىرىدۇ دىگەن گەپ،،ئەجەبا بىلاتچى پۇلدىن تۇيۇپ قالغانمىدۇ؟؟؟

  • ئاتەش ماكان6 كۈن ئىلگىرى

    ئەستايىدىل بولغان بىلاچى شىنجاڭ كوماندىسىغا ئەڭ ياخشى نامزات،
    گودلوكنى ئەكىلىش دىگەن ئىنكاسلاردىن قاتتىق كۈلۈپ كىتىپتىمەن، شىنجاڭ كوماندىسى قايسى ئورۇندىكى توپچىغا ئېھتىياجلىق، گودلوك قايسى ئورۇندىكى توپچى ؟

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号